Hebreos 10:30 - Mushuq Testamento

³⁰ Chaqa Amitunchikqami kaynu niran: “Nuqami chay mana allinta rurar uchakuqkunataqa allita rikar yaĉhar kastigashaq”. Chaynullami niranpis: “Amitunchikmi paypa kaqninkunatapis allita rikar yaĉhanqa” nir.

Hebreos 10:30 ပူးပေါင်းရင်းမြစ်များ

Romanos 12:19

Ukniykuna, mayqan ima mana allinta rurashutinllapaqa, amami qamkunalla rikar yaĉhar imanachiytapis yarpunkillapachu. Ashwanmi dijayllapa Tayta Dyus paykunata rikar yaĉhanqa. Chaqa Dyus nitin iskribikashakunapimi kaynu nin: “Nuqami chay mana allinta rurar uchakuqkunataqa allita rikar yaĉhar kastigashaq”. Chaynumi nin Amitunchikqa.

Romanos 13:4

Chaqa chay mantakuqkunaqami chaynu tukuyta allita rikarqa qamkunapaq byinnikillapapaq rurayan, Tayta Dyus munashannulla. Chay-ari qamkuna ima mana allinta rurasha karqa, chay mantakuqkunataqa manchayllapa. Chaqa manami yanqallachu paykunaqa Tayta Dyusta sirbiq yupay mantakuyanllapa. Chayraykumi mana allinta ruraqkunataqa, dirichuyjun kastigananpaqqa.

2 Corintios 5:10

Yaĉhashanchikllapanu tukuymi, Jesucristupa naypanman riyashunllapa, payna mantakunanpi tar rikar yaĉhamanallapapaq imanu kashapis. Chaymi tukuyta rikar yaĉhamarninchikllapaqa, payna imatapis ruramashunllapa, kay pachapi kawsayarlla, allinta mana allinta rurasha kashamapis.