Tito 3:5 - Biblia Mixe de Quetzaltepec

⁵ ënät ojts xyajnitsokëm, ka'ap yë'ëkyëjxmëty ko oy tii ntu'unëmë, yë'ëkyëjxm ko ojts xypya'ëyo'owëmë ets të xymyo'oyëmë ja jempyë juukyajtën mëët ka kënu'kxymyëk'ajtën.

Biblia Dc en Mixe de Quetzaltepec

⁵ ënät ojts xyajnitsokëm, ka'ap yë'ëkyëjxmëty ko oy tii ntu'unëmë, yë'ëkyëjxm ko ojts xypya'ëyo'owëmë ets të xymyo'oyëmë ja jempyë juukyajtën mëët ka kënu'kxymyëk'ajtën.

Tito 3:5 ပူးပေါင်းရင်းမြစ်များ

2 Timoteo 1:9

Tios të xyajtsokëm ets të xywoowtso'owëm tääts npatmëty ja juukyajtën wa'atspë, ka'ap yë'ëkyëjxmëty ko tii oy ntu'unëm, yë'ë ko jëtu'un tëëyëp tuknipëjktaakë mëët ja Kristë Jesús.

1 Corintios 6:11

Ets jëtu'un ijty jam pënëty ma miitsëtyën jënaakën mja'ay'atë; je'eyëp ko tyam, tëë ja Tios myajwa'atsëtë, tëë mnätyukë'ëtëkëtë ja Tios. Oy të mwë'ëmtë mëët ja Tios ets mëët ja Wintsën Jesukristë.

1 Pedro 3:21

Ya'atë nëë, jëtu'un ja nyäxy ijxtëm ja nëëpäjtënën, mëti'ipë ëëtsajtëm tyam ntuk'oy'ajtëmën. Ka'ap yë'ëjëty ja nëëpäjtën mëti'ipë ja ni'kx kopk yajwatsypyën, yë'ë mëti'ipë ja jot winma'any wa'ats yaj'itëpën Tios wyintum, jëtu'unts ja nitsokën npatmëty ko ja Jesukristë jyuukpyijky ma ënäty të y'ookyën,

1 Pedro 1:3

Tsojk nmëjja'aw njaantyjya'awëm ja Tios, ja Wintsën Jesukristë Tyeety, ko të xypya'ëyo'owëmë ets ja nwinma'any'ajtëm të tyaj'ajämë mëët ko ja Jesukristë të jyuukpyiky. Jëtu'un ëëtsajtëm nija'awëmë ko nmëët'ajtëm ja juukyajtën.

Romanos 12:2

Këtii m'ëkjuuky'ajnëtëty ijxtëm ja ja'ayëtyën mëti'ipë ja naaxwiinyëtë winma'any yajtuuntëpën, yajtëkatstë ja mwinma'anyëty ets ja mjuukyajtënëty, jëtu'un xynyijawëtëty mëti'ipë ja Tios tsyojkpyën, mëti'ipë oyën, mëti'ipë y'oyjya'apën ets mëti'ipë mëtëyën.

Efesios 2:4

E mëët ko ja mëj Tios pya'ëyoy ets ko xytsyojkëm mëjwiin këjää,

Efesios 5:26

Paaty jëtu'un tuuny ets ja mëpëjkpëtëjk y'itëty oy ets wa'ats mëët ja aaw ayuk,

Salmos 51:10

Wintsën, pëjkta'ak ma ëjtsën tu'uk jot winma'any wa'atspë ets mooykyës yë jot winma'any oypyë ets mëtëypyë.

Romanos 11:6

Ets pën yë'ëkyëjxm ko ja Tios tmëët'aty ja oyjyot oywyinma'any, ka'ap y'ëktsoowpatnë ja mëti'ipë yajtuunp yajkajpxpën; jä'ä ko jeexyë kyajëtu'unëty kajxyëp ja Tios ja y'oyjyot y'oywyinma'any tsyowpaaty.

Hebreos 4:16

Tsojk nmëwinko'onëm ja Tios ja kyutujktakn akujk jotkujk, ets xypya'ëye'emyëty mëët ja y'oywyinma'any ets xypyutëjkëmëty ma ënäty tii nyajmëyajtëmën.

Colosenses 3:10

tëë xypyaatë ja jempyë ja juukyajtën, ja jempyë ja ja'ayajtën mëti'ipë ja Tios yaj'ajemyëpën xëmë ets jyuuky'atëty tä Tiosën, mëti'ipë të yajkojyën ets yajxon t'ixy'atëty.

Salmos 86:15

E mijts Wintsën, jä'ä mTios'aty yujy tëtä'äky, ets pa'ëyoop, mä'kxtujkp mëët yë tsojkën ja'awën ets tëyajtën.

Gálatas 2:16

Nnija'awëm ëëtsajtëm ko ka'ap pën oy wyi'im ma ja Tiosën Moisés y'ënä'ämënkyëjxm; jä'äkyëjxm ja ja'ay oy wyi'im mëët ja Tios ko ja Kristë tmëpëky. Paaty näjyëtu'un ja Kristë të nmëpëjkëmë ets oy nwë'ëmëty mëët ja Tios, ka'ap yë'ëkyëjxmëty ko npatu'unëm ja Moisés ja y'ënä'ämën, jä'ä ko ka'ap pën oy wyi'im mëët ja Tiosën ko ja Moisés ja y'ënä'ämën yajpatuny.

Romanos 3:20

Ka'ap yë'ëkyëjxmëty ja ja'ay oy wyi'im Tios wyintum ko tpatuny ja ënä'ämën, yë ënä'ämën paaty jyää'aty ets nija'awëmëty tii poky kapoky, ets nija'awëmëty ko npokyjyä'äy'ajtëmë.

1 Pedro 2:10

Miitsëty ka'ap ijty yë Tios mkajpn niwa'anëtë; tyam, Tios miits mkajpn'ajtëtëp. Ka'ap ijty miits ja Tios mpa'ëyowëtë, tyam mpa'ëyoowënëtëp.

Efesios 4:23

Yaj'ajemyëtë ja mjot mja'awënëty ijxtëm kë'ëm xymyëmay xymyëtajtën,

Romanos 3:28

Jëtu'un yajnijawë ko mëpëjkën mëët ja ja'ay oy wyë'ëmtë mëët ja Tios ets ka'ap yë'ëkyëjxmëty ko ja ja'ay tpatuntë ja ënä'ämën.

Romanos 9:11

Naamka'anëm ënäty myintë kyä'äxtë, ka'anëm ënäty tii tuntë oy ka oy, ko ja Rebeca ja Tios y'ënëmaayë: Ja mëjpë myëtunëp ja mutskpë, näjyëtu'un ijxtëm ja Tios ja y'aaw y'ayuk kyëxja'ayëtyën: Ntsojkës ja Jacob, Esaú ka'ap. Jëtu'un ojts wyi'imy nijawë ko ja Tios myëët'ajtyp ja kutujkën ets twin'ixëty mëti'ipë yë'ë tsyojkpyën, mëti'ipë yë'ë myëkajpxäämpyën oy ënäty tii oy pën të tkatuny.

Lucas 1:78

Yë'ë ko ja nTios'ajtëmë myëët'ajtyp ja pa'ëyo'owën, paaty jam tsajpwinm të tyajjajtä'äky ja xëëw ets ja jempyë xëëw të xytyuk'ijxëmë,

Lucas 1:54

Tëë ja Israel ja'ay tputëkë, mëti'ipë tyuunpë'ajtypyën ets ka'ap të tja'atyëkoy ja pya'ëyo'owën,

Lucas 1:50

Xëmë tpa'ëyoy mëti'ipë wiinkutsë'këyëpën.

Miqueas 7:18

Ka'ap ma Tios wiinkpë jëtu'un tä mijtsën, jä'ä ko mijts mpokmye'kxyp yë pokyjyä'äy ets mja'atyëkoopy oy muum mutskpë mnaax mkajpn të mëtëkoyë ets të nkäjpxykyutëjyë. Mijts tëëjës yë mtsojkën mja'awën xytyuk'ixtë ets ka'ap xëmë mtimjyootanpëky.

Salmos 143:2

Këtii yë mtuunpë xyajtëwëty tii tyuunpy oy ka'oy, jä'ä ko mijts mwintuuy ni pën kyawa'atsëty.

Salmos 130:7

Mijts Israel, ëwxit yë mWintsën, ma yë'ëjën jam yajpaaty yë tsojkën ja'awën ets ëwaatsë'ajtën.

Job 25:4

¿Paaty, wä'än jëtää tu'uk yë naaxwiinyëtë ja'ay wa'ats nyaxëty Tios wintumë?

Tito 3:4

E ko ja Tios yajnitsokpë ojts tyaj'ixyë ja y'oyajtën ets ja tsyojkën ma ja naaxwiinyëtë ja'ayën,

Romanos 9:30

¿Wi'ix na'ëna'anmëty? Mëët ko të myëpëktë ja ja'ayëty mëti'ipë ka'ap jyutiis'atën, tëë ja Tios yajpokywya'atsëtë mëti'ipë ënäty ka'ap t'ixta'atën ja oypyë ja nipaye'eyënë.

Romanos 9:16

Paaty ka'ap ja Tios jä'ä twin'ixy ja ja'ay mëti'ipë oy tii tyuuntëpën, yë'ë wyinwijtsyp mëti'ipë kë'ëm pya'ëyoopyën.

Romanos 4:5

E ko tu'uk yë ja'ay tmëpëky ja Tios, mëti'ipë wa'ats yajnajxypyën ja pokyjyä'äy, Tios myëjpëjktäkpy ja ja'ay ja myëpëjkën ets wa'ats tyajnaxy, oy tii tkatuny oy mëti'ipë tsoowpatpën.

Lucas 1:72

ko tpa'ëyowa'any ja n'ap'ajtëmë, ets ko ka'ap tja'atyëkoyä'äny ja käjpxytyu'unën.

Isaías 57:12

Ëjts nikajpxäämpyës yam wi'ix mtëkoyën, oy mja'ëna'any ko mwa'atsëty ets ko mëtëy winë xytyuny.

Hebreos 6:6

ko jatëkok pyokykya'atëty, ka'ap t'ëkjëkyäjpnëty ets jatëkok jyootwinpitëty ma Tiosën. Jëtu'un nëjkx tpaaty ijxtëm jeexyë ja Tios U'unk jatëkok tyajkruutspätën ets ijxtëm ja Tios ja jyä'ä yajnëxi'iky yajtukxi'ikyën.

Salmos 86:5

Jä'ä ko mijts Wintsën, oy mTios'aty ets mpokymyä'kxp; janty'oy ja mjot mwinma'any xyajnikëxë'ëky ma ja'ayëtyën mëti'ipë mëkajpxëpën.

Job 15:14

Ka'ap maa ja'ay mëti'ipë ka'ap pyokymyëëtëtyën ets ka'ap maa ja'ay mëti'ipë ka'ap pyokytyunyën.

Job 9:20

Ëjts oyës njanäjyawëty mëtëy yowë ntu'uye'eyës ets ka'apës yowë tii poky nmëëtëty, yë'ë poj'amës yë xyajpoky kya'ajëty ets poj'amës nëjkx ëxëëk njaty.

Deuteronomio 9:5

E paaty ka'ap yë'ëkyëjxmëty ko miitsëty oy mja'ay'atë ets ko mëtowtë myajmo'otë ja kuma'ayën; yë Wintsën paaty t'ëxwojpta'ay tääpë ja'ay jä'äkyëjxm ko ja tyu'unën kyajpxënëty ka'ap myëtëyëty ets näjyëtu'un mëët ko tniwa'aka'any ja y'ayuk, mëti'ipë tyukwinwa'anëyën ja Abraham, Isaac ets Jacob, miits ja m'ap m'okëty.

Ezequiel 36:25

Mëët yë wa'ats nëë mpuja'an njä'ätsä'äntë ets nyajwatsta'aja'anyës ja ëxëëkajtën ets ntuknipëjktuta'aja'antë mëti'ipë të xypyaye'eyë'ëktën ko të xypyanëjkxtëkëtë wiink wintsën;

Mateo 3:11

Nëë miits ntukyajnëëpäjtëp, ets yajnijawëty ko tëë ja mka'oywyinma'any xy'ëxmatstë. Temë tää tu'uk xypyaminyës mëti'ipë yajnëëpätaanpën mëët ja Kënu'kxymyëkajtën ets ja jëën. Yë'ë ni'ik ja kyutujkënmëëtëty këtiinëm ëjts, ni yë'ëjës xykyapaatë'aty wi'ixës kyë'ëk mpawijtsëty.

Romanos 11:14

Njatsojkpyës ets jeexyë ja jutiis ja'ayëty wiink tjawëtë ko miits ja Tios të xymyëpëktë, jëtu'un tjëkyäpëty wi'ix tpaatëty ja nitsokën.

Hebreos 10:22

Tsojk nmëwinko'onëm ja Tios ëmuumtu'ukjot ets tsojk nmëpëjkëmë; wa'ats ja jot winma'any nmëët'ajtmëty ets ja jot nini'kx.