Tito 3:2 - Biblia Mixe de Quetzaltepec

² Ka'ap pën tni'oj tniyaaxëtëty, mä'kxtuktëp, ja'akyukëtë, yajnikëxë'ëktëp ja yujyajtën tëtä'äkyajtën winë'aaw winëjot ma ja ja'ayëtyën ni'ëmukë.

Biblia Dc en Mixe de Quetzaltepec

² Ka'ap pën tni'oj tniyaaxëtëty, mä'kxtuktëp, ja'akyukëtë, yajnikëxë'ëktëp ja yujyajtën tëtä'äkyajtën winë'aaw winëjot ma ja ja'ayëtyën ni'ëmukë.

Tito 3:2 ပူးပေါင်းရင်းမြစ်များ

Efesios 4:31

Ixmatstë ja äkë, ja näyya'ax näjyokë, nänyiwaanpätë ets tu'kë'ëyë ëxëëk winma'any.

Efesios 4:2

Yujy tëtä'äky mja'ay'atëty ets aak m'oyjawëtëp ja'ay oy pyënë, m'ëwxit mä'kxtuktëp ets mnämyëmä'kxtukëtëp nixim niyam mëët ja nätsyok näjyawë.

1 Timoteo 3:3

ka'ap y'uukëty myu'ukëtëty, ka'ap tsyipja'ay'atëty, mä'kxtukëp, ka'ap meeny t'ook'atëty.

1 Pedro 3:10

Jëtu'un ijxtëm ja Tios ja y'aaw y'ayuk y'ënä'änyën: Pën ja juukyajtën tsyojkpy ets ja juukyajtën oy tsuj tyajnaxëty, kyëwent'atëp ja y'aaw yä'än, ka'ap y'ëxëëk kajpxëty ets ka'ap wyin'ëënëty,

1 Pedro 3:8

Jëtu'un miits ja jot winma'any tu'ukyë xymyëët'atëty, nätsyokëtë nixim niyam ijxtëm jeexyë mtu'kä'äx'atën; yajnikëxë'ëktë ja mtëtä'äky'ajtënëty.

Santiago 4:11

Mëku'uktëjkëty, këtii mnanyi'ojëtëty nixim niyam. Pën ja myëku'uk nyi'ojëp ets pyoky'ijxyp ja Tios ja y'ënä'ämën ënäty kyamëj'ijxëp; ko pën tkamëj'ixy ja ënä'ämën, tëytyuunpë ets paye'epyë ënäty nyäpyëjktä'äkyë ets ni yë'ë tkapatuny ja ënä'ämën.

Gálatas 5:22

E ko ja ja'ay tyajtuntë mëti'ipë ja Kënu'kxymyëkajtën yäjkpyën, nätsyojkëtëp ja nixim niyam, ijtëp xoontëp, jotkujk yajpaatë, mä'kxtujktëp, amëku'ukëty, tyuuntëp mëti'ipë paat'ajtëpën,

Mateo 11:29

Kupëktë ëjts ja n'ijxpëjkën ets jatë ëjts ja ntu'unën, mä'kxtujkpës, ets yujy tëtä'äkyës ja nwinma'any, jëtu'unts xypyaatëty ja po'kxën.

1 Pedro 2:1

Ixmajtsta'atë ja ëxëëkajtën, ja win'ë'ënën, ko ja'ay oy nyänyimëtyä'äkyë ets ëxëëk jyä'äy'äty, ja näy'ëxëëk'ixë ets ja pi'tskäjpxy.

Santiago 3:17

pën myëët'ajtyp ja wijyajtën kejyajtën mëti'ipë tso'onpën ma Tiosën, wa'ats yajpaatë ma jyuuky'ajtënëtyën; ka'ap maa pën mëët yë tsip tmëët'atë, tëtä'äky jyuuky'atë, yaj'ijxëtëp ja y'oyjyot y'oywyinma'anyëty. Pa'ëyoow najts'ëyo'owëtëp, pyutëjkëtyëp yë ja'ay xim yam, ëmuumtu'ukjot winë tuntë ets oy myäytyë tyajtë.

Gálatas 6:10

Paaty, oy tyimjëna'ajëty, ntu'unmëp ja oypyë ma ja ja'ayëtyën ets yë'ë ka'ap nja'atyëko'omyëty yë nmëku'uk'ajtëmë mëti'ipë näjyëtu'un mëpëjktëpën.

2 Samuel 22:36

Mijts xypyëjk'ijtp xymyajts'ijtpës ets mijts xyajnitsokpës, yë m'oyjot yë'ëjës të xyajwinpety.

Gálatas 6:1

Miits mëku'uktëjkëty, ko pën xy'ixtëty tëë pokyjotm kyä'äy, miitsëty mëti'ipë näyaj'ijtëtëp mëët ja Kënu'kxymyëkajtën putëkëtë ets kajpxwijtë mëët ja nätsyokë näjyawë ets näkyëwent'atëtë këtiipë mka'atëty näjyëtu'un pokyjotm.

1 Timoteo 3:11

Näyjyëtu'un yë tyo'oxytyëjk wiinkutsë'ëkëtëp ja ja'ay, ka'ap pyi'tskajpxëty, mëtëy tyu'uye'eyëty ets oy winë tunëty.

1 Tesalonicenses 2:7

Mëët koos ja Kristë y'aaw y'ayuk xytyukkajpxwa'xtë, jyajjëkyejpy eets jeexyë miits n'ënä'ämtë nyajkutuktë. Ka'apës jëtu'un të ntuntë, ni'ikyës të näpyëjkta'akëtë pi'k ëna'kën: Yujyës ni'ikyë të mnäpyëjkta'akëtë ma miitsëtyën ijxtëm ja u'unktaak ja y'u'unk y'ëna'k tkëwent'atyën.

Filipenses 4:5

Wä'än ja ja'ay nijawëtë ko yujy naxym mja'ay'atë. Tää ja Wintsën tyimwiinkony.

1 Corintios 9:19

Oyës pën xykyatuunpë'aty, tëëjës näpyëjktä'äkyë ijxtëm ja mëtuunpën ets ja ja'ay may tpaatëty ja Kristë.

Salmos 140:11

Wä'än t'atëkoytyë yaa naaxwiiny ja ja'ayëty mëti'ipë je'eyë ëxëëk kajpxtëpën. Wä'än yë ëyo'on jotmay tpajëtitëtë ets yajkutëkoyëtë.

2 Corintios 12:20

Tsë'këpës ko ënäty nëjkx nku'ixëtë ets nkapaatëty ijxtëmës njatsokyën ets ko miits nëjkx mjamintë nän ka'apës xypyaatëty ijxtëm xyjyatsoktën. Tsë'këpës ko wä'änxyëp ënäty miits jam xymyëët'atë ja tsip äkë, näkya'oy'ixë; ëkë pi'tskäjpxy pi'itsmëtyä'äky, xim yam myajpaatë, mnäy'ëxëëk'ijxëtëp, nixim niyam; mnanyi'oj mnanyiyaaxëtë ets je'eyë tii të xyajma'ta'atë.

2 Corintios 10:1

Ëjts, Pablo, n'amëtoy npëjktsoyës ja mëyajtën ma miitsëtyën, mëët ja Kristë yujy'ajt nyäxym'ajtën; oy pën y'ëna'anëty ko amonyës n'ity koos jam nyajpaaty ma miitsëtyën, ko ku'aawës näpyëjktä'äkyë koos jëkäm nyajpaaty.

Hechos 23:5

Tääts ja Pablo y'ëtsooy: Mëku'uktëjkëty, ka'apës nijawë pën yë'ë teety wintsën, jëtu'un ja Tios ja y'aaw y'ayuk y'ënä'äny: Këtii xypyokëty mëti'ipë yajkutujkpën ma ja mnaax mkajpnën.

Proverbios 25:24

Jaak'oy'ajtp ni'ik ko jap tëjkkëjxy ja'ay tsyëënë, ets këtii ko mëjtëkoty tsyëënë mëët tu'uk ja to'oxytyëjk mëti'ipë je'eyë yajjoot'anpëjkpën.

Proverbios 6:19

Ko ja'ay nipi'tskäjpxy myëku'uk, ets ko ja'ay yajtsiptuny.

Judas 1:10

E tääpë ja'ayëty ëxëëkjaty nimëtya'aktë mëti'ipë ka'ap nijawëtën. Jëtu'un yë'ëjëty ijxtëm ja jëyujkën, ka'apë jyä'äkyukëtën, jëtu'unts ëxëëktum nyäyajka'ajëtë.

Judas 1:8

Oy jyajëtu'unëty, tääpë ja'ayëty, jëtu'un jyuuky'atë tä jeexyë wyinkuma'atën, tyaj'ëxëëkëtë ja jyot nyini'kx, ka'ap ja Tios ja kyutujkën tsojkëtë ets y'ëxëëktijtëp ja kutujkën këjxmëpë.

2 Pedro 2:10

Tios tyiytyunäämpy ja mëti'ipë ja ëxëëk winma'any y'atsojkpyën ets mëti'ipë ka'ap tkupëkyën ja Tios ja kyutujkën. Winma'anytyuk yë'ëjëty ets tyuuntëp tii tyimtunantëpën; ka'ap tsyë'ëkëtë ko t'ojtë ja kutujkëntëjk mëj'äämpyë.

1 Pedro 4:4

E tyam, ko miits ka'ap xy'ëkpuwa'kënëtë ma ëxëëk jyuuky'atën, ëxëëk tjawëtë, paaty mnikajpxtë ëxëëkjaty.

1 Corintios 6:10

Këtii myajwin'ëëntëty, jä'ä ko jam ma ja Tios ja kyutujktaknën ka'ap yajpaata'antë mëti'ipë jyot nyini'kx yajktëpën, mëti'ipë tsaatsetsy, kepy tsyetsy y'ëwtajtypyën, mëti'ipë ka'ap yë nyiye'etyëjk ëkë tyo'oxytyëjk twintsë'ëkën, ëkë mëti'ipë ato'oxyën, ëkë mëti'ipë myëye'etyëjk pyijkpyën y'ukpyën.

Isaías 40:11

Jëtu'un myiny tä tu'uk ja'ayën mëti'ipë y'ijx'ijtyp kyëwent'ajtypyën yë kyupixyny, tsyä'änë'kpy yë kyupixyny u'unk; tääts tmu'uxy kyätykyijxy, ëtyä'äkyë'äämpy tyajnëjkxy ja mëti'ipë tim mëxu'unkën.

Proverbios 19:19

Mëti'ipë ja'ay poj'am joot'anpëjkpën o'ktëy jyäty kyëpety; ko nkajëjpwijtswinpijtmëty, ni'ikyë y'o'ktë.