Tito 2:8 - Biblia Mixe de Quetzaltepec

⁸ Oy ets wa'ats mkajpxëty mmëtya'akëty, këtiipë pën y'ëna'anëty ko ka'ap jyëtu'unëty. Jëtu'un tsyëtyu'unpaatëty mëti'ipë mmëtsip'ajtëpën, jëtu'un ka'ap tjëkyäptëty wi'ix ëxëëk xynyimëtyakmëtyën.

Biblia Dc en Mixe de Quetzaltepec

⁸ Oy ets wa'ats mkajpxëty mmëtya'akëty, këtiipë pën y'ëna'anëty ko ka'ap jyëtu'unëty. Jëtu'un tsyëtyu'unpaatëty mëti'ipë mmëtsip'ajtëpën, jëtu'un ka'ap tjëkyäptëty wi'ix ëxëëk xynyimëtyakmëtyën.

Tito 2:8 ပူးပေါင်းရင်းမြစ်များ

1 Pedro 2:12

Mëët'atë ja oyjyot oywyinma'any mëët ja ja'ay mëti'ipë ja Tios ka'ap tnijawëtën. Oy ëxëëkjaty mtijëtë ijxtëm jeexyë miits m'ëxëëkja'ay'atën, nëjkxëp jëna'a t'ixtë tnijawëtë ko ënäty miits oy winë xytyuntë ets nëjkxëp tmëjjawëtë ja Tios ko ënäty ja paye'eyën tuny.

1 Pedro 2:15

Jä'ä ko Tios yë'ë tsyojkpy ets miits xytyuntëty ja oypyë, këtiipë yë tsuuja'aytyëjk ets kupojtëjk tëkatsy mnimëtya'akëtëty.

1 Pedro 3:16

E yu'unk'ajtën naxym'ajtën ets mëët winë xytyuntëty. Jëtu'un winë xytyuntëty ijxtëm mjotkujk'attëtyën, jëtu'un ja y'ayuk tsëtyu'unjawëtëty mëti'ipë ëxëëk mnikajpxëtëpën ko miits oy mja'ay'atë ets ko ja Kristë xymyëpëktë.

1 Timoteo 6:3

Pën jam pën tyaj'ijxpëky ja wiink ijxpëjkën ets ka'ap tyu'knaxë mëët ja Wintsën Jesukristë ja y'ijxpëjkën ets mëti'ipë ëëtsajtëm nmëpëjkëmën,

2 Tesalonicenses 3:14

Pën jam pën ka'ap tmëjpëjktä'äky mëti'ipës nnikajpxtëpën jap nokyjoty, m'ixtëp pën ënäty ets këtii mëët mye'eymyuk mnajxmuktëty, wä'än tsëtyu'unpaaty.

Nehemías 5:9

Etsës ojts njaaktimy'ënëëmëtë: tääpë xytyuntën ninu'un kya'oypëtsëma'any. Ni'ikyënëm jeexyë miits xywinkutsë'ëkëtë ja mTiosëty, këtiipë nëkoo xyajxi'ik xyaj ëwë'ëktëty ja ja'ay mëti'ipë ka'ap nmëkunaax'ajt nmëkajpn'ajtëmën.

Isaías 66:5

Mëtoow'itë ja Wintsën ja y'aaw y'ayuk, miitsëty ninu'un xymyëj'ix xymyëjpëjkta'aktën ja y'aaw y'ayuk. Tä naakën mjëëky mmëku'ukëty mëti'ipë mwiink'ijxëtëpën, mëti'ipë m'ixjëtijt mpajëtijtëtëpën ko xykyajpxpaatë yë nxëëwës ets y'ëna'antë: Wä'än yë Wintsën tyaj'ixyë yë myëj'ajt y'oyajtën; n'ixantëpës. Je'eyëp ko yë'ëjëty nëxi'iky tukxi'iky wyë'ëma'antë.

1 Timoteo 5:14

Paatyës nëëmëtë ja ku'ooky tyo'oxytyëjkëty ëna'këtypë ets ënätyë pyëktëty, wä'än tmëët'atë y'u'unk y'ëna'këty, wä'än jyëënjoty tyëkoty tuntë, këtiipë nëkoo tëkatsy ja mëtsip nyikajpx nyimëtya'akëtëty.

Lucas 13:17

Ko ja Jesús jëtu'un y'ënäny, tääts ja myëtsip tsyëtyu'unpatë, e ja mayjyä'äy tyukxoontaktë tu'kë'ëyë mëti'ipë ja Jesús tyuunpyën mëjwiin këjää.

Marcos 12:34

Ko ja Jesús t'ijxy ko ënäty oy tsuj të y'ëtsoy, tääts t'ënëmaay: Mijts ka'ap xymyëjëkäm'aty yë Wintsën yë kyutujktakn. Ka'ap ojts pën tii t'ëkyajtëëwnë.

Marcos 12:32

Tääts ja tsajptëkotyëtë yaj'ijxpëjkpë y'ënäny: Wintsën, oy jëtu'un m'ëna'any ko Tios tu'ukyë, ka'ap ma wiinkpë tä yë'ëjën.

Marcos 12:28

Tääts tu'uk myëjwä'ky ja tsajptëkotyëtë yaj'ijxpëjkpë mëti'ipë ënäty të tmëtoyën ko ja Jesús mëët ja aaw ayuk tyajtsiptä'äky ets ko tnija'awëy ko ënäty ja Jesús oy të y'ëtsoy, ënät tyajtëëy: ¿Mëti'ipë ënä'ämën ni'ik kopkpëky?

Marcos 12:17

Ënät ja Jesús y'ënëmaayëtë: Mo'otë ja César mëti'ipë César jyä'ä'ajtypyën ets mo'otë ja Tios mëti'ipë Tios jyä'ä'ajtypyën. Ko ja Jesús jëtu'un y'ënäny, mëjmëtoy ojts ja ja'ay tjawëtë.

Tito 3:14

Wä'än näjyëtu'un ja nmëku'uk'ajtëmë tjatë ja oyajtën wi'ix ja myëku'uktëjk tputëkëtëty mëti'ipë tii yajmëyajtëpën ets ja jyuukyajtën tyajtuntëty.