Tito 2:2 - Biblia Mixe de Quetzaltepec

² Ja mëjja'aytyëjkëty mëtëy winë tuntëty, mëët ets wijy kujk; yajtuntëp oy ja myëpëjkënëty, myëët'atëp ja tsojkën ja'awën ets amëk jotmëk yajpaatëty ets tmëtänëtëty ja ëyo'on.

Biblia Dc en Mixe de Quetzaltepec

² Ja mëjja'aytyëjkëty mëtëy winë tuntëty, mëët ets wijy kujk; yajtuntëp oy ja myëpëjkënëty, myëët'atëp ja tsojkën ja'awën ets amëk jotmëk yajpaatëty ets tmëtänëtëty ja ëyo'on.

Tito 2:2 ပူးပေါင်းရင်းမြစ်များ

Gálatas 5:23

yujy tëtä'äky jyä'äy'atë ets ka'ap tyajtuntë ja kyë'ëm winma'anyëty. Nimëti'ipë ënä'ämën ya'atë xykyatukpoky'ajtmëty ko oy tii ntu'unmëty.

1 Pedro 4:7

Winkoomp ja xëëw ma ja naaxwiinyëtë kyëxanën, paaty miits wijy kujk itë ets ja'amyätstë ja Tios.

1 Timoteo 3:11

Näyjyëtu'un yë tyo'oxytyëjk wiinkutsë'ëkëtëp ja ja'ay, ka'ap pyi'tskajpxëty, mëtëy tyu'uye'eyëty ets oy winë tunëty.

1 Pedro 5:8

Näy'ijx'itëtë ets wijy kejy näyaj'itëtë. Jëtu'un miits ja mëjku'u ix'am mpajëtitëtë ijxtëm ja kaa muup ni'tsp ja jyi'kxy t'ixta'ayën.

Tito 1:13

Ets tëy ojts y'ënä'äny, paaty xywyinkukajpxëty mëk'äämpy ets tu'ukyë tmëpëktëty ja Wintsën,

1 Timoteo 3:2

Paaty, jëtu'unpë ja ja'ay ka'ap tjëkyëpy wi'ix yaj'ojëty. Tu'ukyë mëpaat ja tyo'oxytyëjk tmëëttsëënë ets mëtëy jyuuky'atëty; niwijy ets mëët. Yajja'ajta'akëp ja jëpyaat jëpyo'kxy ma tyëjkën; ets jyatëp wi'ix yaj'ixpëkëtyën;

Proverbios 16:31

Ko yë mëjja'aytyëjk wyääy yaj'ixtë poop, patëtëp ets yajwinkutsë'ëkëtëty; yë'ë mëti'ipë oy të jyuuky'atën.

1 Tesalonicenses 5:8

e ëëts'ajtëmë, mëti'ipë xëëny juukyajtëmën, xëmë wijy kejy nyajpatmëty, näkyëwent'ajtemëp mëët ja mëpëjkën ets ja nätsyok näjyawë ets njëjp'ijxmëty ja nitsokën; jëtu'unts ntu'unmëty winë ijxtëm ja tsiptuunpë nyätyukujupyën ja pujxn kujup.

Romanos 12:3

Jä'äkyëjxm ko ja Tios ja mëyajtën të tuny ma ëjtsën, paaty miits nëëmëtë ko ka'ap je'eyë mnämyëmay mnämyëtajëtëty ets mnämyëjpëjkta'akëtëty. Yë'ë mëmay mëët'ajtëp wi'ix ja Tios të mmo'ojëtën ja wijyajtën kejyajtën mëët ja mëpëjkën.

Job 12:12

Yë mëjja'aytyëjk myëët'ajtëp yë jot winma'any, jää ko tëë jyuuky'atë.

Levitico 19:32

Ko yë mëjja'aytyëjk xy'ixëty, mwa'akë'ëkëp ënätyë ets xykyajpxpo'kxëty. Myaj'ixëtëp yë näwyinkutsë'ëkë, mëët ko jyääjëty yë Tios. Ëjts jëtu'un Wintsën.

1 Pedro 1:13

Paaty miits a'ijxp jëjp'ijxp myajpaatëty ets wijy kujk mjuuky'atëty. Nämyëmëta'akëtë, jëjp'ixtë ëmuumtu'ukjot ja mëyajtën mëti'ipë ja Tios tyunäämpyën ko ja Jesukristë myinëty jatëkok.

1 Corintios 15:34

Niwinpitë ja oy juukyajtën, ka'ap m'ëk pokytyuunëtëty, jä'ä ko ka'ap miits ja Tios jënaakën xynyijawëtë. Miits mtsëtyu'unpatëp koos jëtu'un n'ëna'any.

Salmos 92:14

Oy ënäty tëë jyamëjja'ayënëtë, yë'ëjëty je'eyëm tyëëmpäta'antë ets oy mëk xëmë yajpaata'antë.

2 Pedro 1:6

ja ja'aykyujkën, nämyajts'itë, mä'kxtujkën; ets ja mä'kxtujkën mëët ja wiinkutsë'ëkën,

Tito 2:7

oymyaatsowëty, ets najtstunë mijts kë'ëm wi'ix oy tii tuntëtyën. Ko xyaj'ijxpëkëty, tun mëët wa'ats aaw wa'ats jot, ka'ap tii in tsots xyajwinkëxë'ëkëty.

Tito 1:8

Ni'ikyë xëmë ja ja'ay tyajjajta'akëty oy tsuj ma tyëjkën; oy winë tunëty, wijy kujk jyä'äy'atëty, ka'ap tii tuuntëkoyëty ets mëtëy tyu'uye'eyëty.

1 Timoteo 3:4

Jyatëp y'ënä'ämëty tyëkoty, ets jyatëp wi'ix tu'uwinwowëtyën ja y'u'unk y'ëna'k mëtëy, wi'ix myëmëtowtëtyën ets wyintsë'këtëtyën;

1 Timoteo 1:5

Jä'äkyëjxm tääpë ënä'ämën jyääjëty ets winpity atëjy nnätsyojkëmëty nixim niyam mëët ja oyjyot oywyinma'any ets ja mëtëypyë ja mëpëjkën.

1 Tesalonicenses 5:6

Paaty ka'ap näjyä'äytyëko'oyëmëty ijxtëm ja wiinkëtypë y'ëtë'ëtstën, wijy kejy ëëts näyaj'ijtëmëty.

Filipenses 4:8

Mëku'uktëjkëty yë'ë mëmay mëtajtë mëti'ipë tëy jaantyën, mëti'ipë paat'ajtëp yajwintsë'ëkëtyën, mëtëypyë, wa'atspë; mëti'ipë yajtukjotkëtakpën ets mëti'ipë oy wiinkëxë'kpën. Mëmay mëtajtë tu'kë'ëyë mëti'ipë oyën ets paat'ajtëp oy yajnikajpxëty.

2 Corintios 5:13

Pën tsuu ëëts ja ja'ay xytyijtë, Tioskyëjxm ëëts ntsuu'atë; e pën ka'ap, miits mtuk'oy'atantëp.

1 Corintios 9:25

Mëti'ipë näjyëjp'ijxëtëpën ko y'ëyë'ëka'antë, ka'ap nëkooyë tii tjë'kxtë mëti'ipë pa'amtuunëtëpën. E paaty miitsëty jëtu'un winë tuntë jä'ä ko yë'ë pyaatantëp ja kuma'ayën mëti'ipë tëtspën mëti'ipë xo'tspën; e ëëtsajtëm yë'ë nitsiptu'unemë ko n'ëxajëja'anëm ja kuma'ayën mëti'ipë ka'ap tsyi'itsyën ets ka'ap xyootsyën.

Hechos 24:25

Tääts ja Pablo ojts nimëtyä'äky wi'ix pyaat'atyën ja'ay jyä'äy'atëty, wi'ix nyäyajt'itëtëty ets wi'ix ja Tios nëjkx ja naaxwiinyëtë ja'ay tpaye'eyën. Ënät ja yajkutujkpë Félix tsyë'këy ets ja Pablo yajnëmaay: Nëjkx tyämyë. Jää jatëkok nwoowtsowëty koos ënäty n'ëwaatsë'aty.

Lucas 8:35

Ojts ja ja'ay tnitsoontë ets t'ixa'antë tii të tyuny të jyätyë; ko jyajtë ma ja Jesús jamën ets t'ijxpatë ko tam ja ja'ay y'u'unyë mëti'ipë ënäty ja maykyu'oypyë të tmëët'atyën, wijy kejy, xoxy pëky; ënät ojts tsyë'ëkëtë.

Marcos 5:15

Ko jyajtë ma ja Jesús jamën, ënät ojts t'ixtë ja ja'ay mëti'ipë ënäty të tmëët'atyën ja ku'oypyë, ko tam y'u'unyë xoxy pëky, tëë wyijnë kyäjnë. Ënät ja ja'ay tsyë'këtyë.

Isaías 65:20

Jam ka'ap nëjkx pi'k ëna'k y'ëk'o'knëtë tsojk, yë mëjja'aytyëjk jeky nëjkx jyuuky'atë. Ja mëko'px jëmëjtpë y'ookyën tsojkën ënäty y'ooky, ko pën mëko'px jëmëjt kyajuuky'atëty, poky ënäty y'ity.

1 Timoteo 3:8

Näyjyëtu'un ja mëpëjkpëtëjk mëti'ipë ja tuunk të yajtuknipëktën jap tsajptëkoty, yë'ë mëti'ipë jyëkyejpy yajwintsë'ëkëty, mëti'ipë ka'ap y'ëëwtëkoy kyajpxtëkoytyën, ka'apë y'uuktën myu'ukëtën ets ka'apë yi'iyë wit meeny tpa'ix tpawoontën.

1 Timoteo 1:2

yajkajpxpo'kxy ja Timoteo mëti'ipë mëtëy yaj'u'unk'ajtpën ma mëpëjkënën. Wä'än ja Tios Teety ets ja Wintsën Jesukristë mmo'oyë ja kënu'kxën, pa'ëyo'owën ets ja jotkujk'ajtën.

1 Timoteo 1:10

mëti'ipë yajwintsë'këntëkooytyëpën ja pëjkën ukën, mëti'ipë ja myëye'etyëjk ëkë myëto'oxytyëjk myëët'ajtëpën, mëti'ipë ja'amyä'tstëp, mëti'ipë win'ë'ëntëp, mëti'ipë ja Tios yajkajpxtëpën mëët ja antakën, ni'ëmukë jënu'un tmëtsip'atën ja mëtëypyë ijxpëjkën.

1 Timoteo 1:14

Jëtu'un ja Wintsën ja mëjmëyajtën të tuny maas ëjtsën etsës të xymyo'oy ja mëpëjkën, tsojkën ja'awën mëti'ipë nmëët'ajtëmën ko tu'ukyë ja Kristë Jesús të nmëpëjkëmë.

1 Timoteo 5:1

Ka'ap ja mëjja'aytyëjk xy'ojëty; mëët ja tëtä'äkyajtën winë xytyuknëëmëty jëtu'un tä jeexyë xytyeetyëtyën. Jëtu'un xyjyawëty ja ëna'ktëjk ijxtëm ja mmëkä'äxën.

Filemón 1:9

nikë oy yajmëtowëty ko mijts nmënu'kxta'akëty mëët ja tsojkën ja'awën. Ëjts Pablo, tëëjës nmëjja'ayënë ets tsumy matsyës yap n'ity koos ja Kristë Jesús ja y'aaw y'ayuk nkajpxwa'kxë.