Tito 2:10 - Biblia Mixe de Quetzaltepec

¹⁰ Ka'ap tii tontëty tmäätstëty, wintsë'ëkë mëjjawë y'itëty ets ja'ay ni'ëmukë t'ixtëty ko oy yë ijxpëjkën mëti'ipë Tios yajnitsokpë jyä'ä'ajtypyën.

Biblia Dc en Mixe de Quetzaltepec

¹⁰ Ka'ap tii tontëty tmäätstëty, wintsë'ëkë mëjjawë y'itëty ets ja'ay ni'ëmukë t'ixtëty ko oy yë ijxpëjkën mëti'ipë Dios yajnitsokpë jyä'ä'ajtypyën.

Tito 2:10 ပူးပေါင်းရင်းမြစ်များ

Mateo 5:16

Näyjyëtu'un miitsëty, tuk'ixtë ja ja'ay ja m'oyjä'äy'ajtënëty. Jä'äts ja ja'ay y'ixtëp ets tmëjjawëtëty tjaantyjawëtëty ja Tios Teety mëti'ipë tsajpjotmën.

1 Pedro 2:12

Mëët'atë ja oyjyot oywyinma'any mëët ja ja'ay mëti'ipë ja Tios ka'ap tnijawëtën. Oy ëxëëkjaty mtijëtë ijxtëm jeexyë miits m'ëxëëkja'ay'atën, nëjkxëp jëna'a t'ixtë tnijawëtë ko ënäty miits oy winë xytyuntë ets nëjkxëp tmëjjawëtë ja Tios ko ënäty ja paye'eyën tuny.

2 Juan 1:9

Pën yajni'ikëp ja Kristë ja y'ijxpëjkën, ka'ap ënäty mëët y'ity. Pën pyatuumpy ja Kristë ja y'ijxpëjkën, yë'ë ja Tios Teety ets ja Tios U'unk mëët yajpaaty.

Efesios 4:1

Paaty ëjts, maas yap tsumy n'ityën koos yë Wintsën Jesukristë tmëpëky, tyam miits nmënu'kxta'aktë ets jëtu'un mjuuky'attëty ijxtëm ja ja'ayëtyën mëti'ipë ja Tios të myëkajpxëtën, ijxtëm miitsëty ojts mjuuky'atën.

1 Pedro 3:16

E yu'unk'ajtën naxym'ajtën ets mëët winë xytyuntëty. Jëtu'un winë xytyuntëty ijxtëm mjotkujk'attëtyën, jëtu'un ja y'ayuk tsëtyu'unjawëtëty mëti'ipë ëxëëk mnikajpxëtëpën ko miits oy mja'ay'atë ets ko ja Kristë xymyëpëktë.

Tito 1:3

ets tyam, ko tiempo të tpatnë, tëë xytyuknija'awëmë ja y'aaw y'ayuk mëti'ipës nkajpxwä'kxypyën, mëti'ipës ja Tios yajnitsokpë ojts xytyuk'ëne'emyën.

1 Timoteo 6:3

Pën jam pën tyaj'ijxpëky ja wiink ijxpëjkën ets ka'ap tyu'knaxë mëët ja Wintsën Jesukristë ja y'ijxpëjkën ets mëti'ipë ëëtsajtëm nmëpëjkëmën,

1 Timoteo 6:1

Yë mëtuunpëtëjkëty mëti'ipë nitookyën, myëmay myëtajtëp ko ja wyintsënëty patëtëp ets yawintsë'ëkëtëty, këtiipë tëkatsy ja Tios ja xyëëw yajnimëtya'akëty ets näjyëtu'un mëti'ipë ëëts n'ijxpëjkëmën.

1 Corintios 4:2

Pën ja tuunk të t'ëxajë, yajnikëxë'ëkëp ko maayëp ja tuunk.

Lucas 16:10

Pën oy yajtuunpy ja wit meeny wäänëpë, näjyëtu'un tyajtuna'any ja maypyë. Pën ka'ap tyajtuny oy ja wit meeny wäänëpë, nän ka'ap tyajtuna'any oy ja maypyë.

Mateo 24:45

¿Pën jëtää ja tuunk oy y'ëkmëpëtsëmëp? ko ja Wintsën tyajwë'ëmëty tu'uk ja tyuunpë ma ja tyëjkën mëti'ipë yajja'akyäyëpën tiempëpaaty.

Salmos 101:6

Yë'ëjës n'oyjawëjäämpy yë ja'ay mëti'ipë oy ja'ay'ajtpën, ets jam jyuuky'atëty ma ëjtsën; yë'ë nëjkx jap tyuny maas ëjts nyajkutukyën mëti'ipë oy yajxon ja jyuukyajtën yajtu'uye'epyën.

1 Samuel 26:23

Ets Wintsën yë'ë kë'ëm y'ixëp pën oy në'ëye'eyp tu'uye'epy ets pën mëtëy winë tyuunpy. Yë Wintsën tëë tyam tjapëjktä'äky ëjts nkë'ëjotmës ja mëj'ënä'ämpë etsës jeexyë të nyaj'ooky të nyajtëkoy, ëjts ka'apës ja ëxëëk winma'any jëtu'un të npaaty, etsës nyaj'ook nyajtëkoyëty ja mëj'ënä'ämpë mëti'ipë ja Wintsën kë'ëm të twin'ixyën.

1 Timoteo 5:17

Ja mëjja'aytyëjk mëti'ipë nyikopk'ajtëpën ja mëpëjkpëtëjk, paat'ajtëtëp ja wintsë'kën ets ja putëjkën; wäänëni'ik pyaat'atëtë mëti'ipë ja Tios ja y'aaw y'ayuk kyajpxwa'kxtëpën ets yaj'ijxpëjktëpën.

1 Timoteo 1:1

Ëjts Pablo, Kristë Jesús ja y'ayuk kajpxwa'kxpë, mëti'ipës yë Tios Yajknitsokpë të xytyuk'ëne'emyën ets ja Kristë Jesús, mëti'ipë njëjp'ijxëmën,

Filipenses 4:8

Mëku'uktëjkëty yë'ë mëmay mëtajtë mëti'ipë tëy jaantyën, mëti'ipë paat'ajtëp yajwintsë'ëkëtyën, mëtëypyë, wa'atspë; mëti'ipë yajtukjotkëtakpën ets mëti'ipë oy wiinkëxë'kpën. Mëmay mëtajtë tu'kë'ëyë mëti'ipë oyën ets paat'ajtëp oy yajnikajpxëty.

Filipenses 1:27

Wä'än t'ixy tii tuunëp jajtëp, juuky'atë miits ijxtëm y'ënä'änyën ja oy aaw oy ayuk ma Kristë yajnimëtyä'äkyën. Oy miits nninëjkxtëty ëkë nkaninëjkxtëty, nijawëpës ko tu'ukyë m'itë ets tu'ukyë ja mwinma'any yajpaatë ets xytyuntë wi'ix ja ja'ay oy tmëpëktëtyën ja oy aaw oy ayuk,

Isaías 12:2

Yë Tios yë'ëjës xyajtsokp, yë'ëjës ntuk'ijxpejtyp, paatyës ka'ap ntsë'ëkë njawë. Yë Wintsën yë'ëjës ntsoktakn'ajtyp ets yë'ëjës xymyëjaawmoopy, yë'ëjës nwäämpy yaj'ëwaatsëpëtsëëmpë ets yajnitsokpë.

1 Samuel 22:14

Tä ja Ahimélec t'ëtsooy ja yajkutujkpë: ¿Wintsën, pën jëtää janty wintsë'ëkë m'ëk yaj'ijtëp ets janty'oy janty tsuj m'ëkmëtunyë ma nitëkokyë yë mtsiptuunpëwintsëntëjkën, ets aak'oy winë tuny ma kutujktaknën tä yë Davidjën?

Juan 12:6

Judas ka'ap yë'ëkyëjxmëty jëtu'un y'ënä'äny ko ja ëyoopëja'ay tpa'ëyoy, yë'ëkyëjxm ko myeetsy. Yë'ë ënäty ja meeny apëjkën kyë'ë'am'ajtyp ets xëmë tpukony mëti'ipë jap pyëjkë'kpyën.

Lucas 1:47

ets xoontakpës ja njot nja'awën mëët ja nTiosës mëti'ipës xyajnitsokpën.

Lucas 1:80

Jëtu'un ja Juan ye'ky pyejty ets myëkpëjky mëët ja Kënu'kxymyëkajtën, jam tsyënaay ma ja të'ëts itjotmën koonëm ojts nyänyikëxë'ëkyë ma ja Israel ja'ayëtyën.

Tito 3:4

E ko ja Tios yajnitsokpë ojts tyaj'ixyë ja y'oyajtën ets ja tsyojkën ma ja naaxwiinyëtë ja'ayën,