Tito 1:9 - Biblia Mixe de Quetzaltepec

⁹ Yë'ë mëti'ipë tyuk'o'kpejtypyën ja ijxpëjkën mëti'ipë të yajtukni''ixën ets näjyëtu'un ja ja'ay wiinkëtypë tjotmëkwinkajpxëty mëët ja ijxpëjkën oypyë ets tukja'akyujkëty mëti'ipë tëkatsy nyimëtyaktëpën ja Tios ja y'aaw y'ayuk.

Biblia Dc en Mixe de Quetzaltepec

⁹ Yë'ë mëti'ipë tyuk'o'kpejtypyën ja ijxpëjkën mëti'ipë të yajtukni''ixën ets näjyëtu'un ja ja'ay wiinkëtypë tjotmëkwinkajpxëty mëët ja ijxpëjkën oypyë ets tukja'akyujkëty mëti'ipë tëkatsy nyimëtyaktëpën ja Dios ja y'aaw y'ayuk.

Tito 1:9 ပူးပေါင်းရင်းမြစ်များ

2 Tesalonicenses 2:15

Paaty, mëku'uktëjkëty, tu'ukyë ja mëpëjkën yaj'itë ets këtii xy'ëxmatstëty ja ijxpëjkën mëti'ipë të ntuk'ëwaanëtën nokyjoty.

2 Timoteo 1:13

Yajtu'uye'ey ya'atë mëtëypyë ijxpëjkën mëti'ipë të xy'ëxajën ma ëjtsën, ets juuky'at ma ja mëpëjkënën mëët ja nätsyok näjyawë mëti'ipë nmëët'ajtëmën ko mëët ja Kristë Jesús tu'ukyë n'ijtëmë.

1 Timoteo 6:3

Pën jam pën tyaj'ijxpëky ja wiink ijxpëjkën ets ka'ap tyu'knaxë mëët ja Wintsën Jesukristë ja y'ijxpëjkën ets mëti'ipë ëëtsajtëm nmëpëjkëmën,

1 Timoteo 1:10

mëti'ipë yajwintsë'këntëkooytyëpën ja pëjkën ukën, mëti'ipë ja myëye'etyëjk ëkë myëto'oxytyëjk myëët'ajtëpën, mëti'ipë ja'amyä'tstëp, mëti'ipë win'ë'ëntëp, mëti'ipë ja Tios yajkajpxtëpën mëët ja antakën, ni'ëmukë jënu'un tmëtsip'atën ja mëtëypyë ijxpëjkën.

Apocalipsis 3:3

Ja'amyäts ja oypyë ja ijxpëjkën mëti'ipë të xymyëtoyën ets niwinpit ja Tios. Pën ka'ap juuky m'ity, ninëjkxäämpy tä mä'tspën ma ënäty ka'ap tii xymyëmay xymyëtajyën.

1 Timoteo 1:15

Tëyajtën ya'atë, mëpëktë ni'ëmukë: Kristë Jesús yë'ë të myiny naaxwiiny ets të tyajtso'oky ja pokyjä'äytyëjk, maas ëjts jëyëjp ntuktso'ontä'äkyën.

Tito 2:1

Jëtu'un mëpaat winë xynyikäjpxy xynyimëtyä'äky ijxtëm ja wa'atspë ja ijxpëjkën y'ënä'änyën.

Tito 1:11

Ya'atë ja'ayëty, ka'ap mëpaat nyajkajpxëmë, yajma'tëp ja ja'ay tu'kjëën tu'ktëjkpë ets tyuk'ijxpëjktëp mëti'ipë ka'ap pyaat'atyën ets tpaatëty ja meeny.

2 Timoteo 4:3

Jä'ä ko pyatäämpy ja xëëw po'o ko ja ja'ay ka'ap tmëmëta'aka'antëty ja oypyë ijxpëjkën, kyë'ëm tsojkën yajtuna'antëp ets t'ixta'aja'antë kanaakjëjp ja yaj'ixpëjkpëtëjk ets tyuk'ijxpëkëtëty mëti'ipë yë'ë tsyojktëpën.

1 Tesalonicenses 5:21

Ijxmajtsta'atë tu'kë'ëyë ja ëxëëkpë, yë oypyë yë'ë myajwë'ëmtëp.

Proverbios 23:23

Juy këpät yë wijyajtën, ëëwtë'ëw kajpxtë'ëwën ets ja ja'aykyujkën ets këtii xytyookëty.

Job 2:3

Ënät ja Wintsën y'ënëmaayë: ¿M'ixy'äjtyp yë Job mëti'ipës ntuunpë'ajtypyënë? Nimaa ja'ay jëtu'unpë kyaka'ty tä yë'ëjën naaxwiiny naaxkëjxy, mëti'ipës oy xymyëtuunpën ets mëti'ipë tëy tëtä'äky juukyajtpën, mëtëy winë tuny ets nitii tëko'oyën tkamëëtëty, aak'oy jyiiky myëku'uk tjawë. Oy ëxëëk të xyjatuny ets të xyaj'ëyo'onpaaty ets ka'ap tii poky tmëëtëty, yë'ë mëk yë wyinma'any tmajts'ity ets ka'ap maa tyëkoy.

Apocalipsis 3:11

Minaanpës tsojk. Kwent'at mëti'ipë mmëët'ajtypyën këtiipë pën mpëjkëtëty ja mkuma'ayën.

Apocalipsis 2:25

Yi'iyë ko xykëwent'atëty mëti'ipë mmëët'ajtëpën koonëmës nminëty.

Judas 1:3

Mëku'uktëjkëty, janty jotkujkës näjyawëty ko miits ya'atë noky ntuknijayëtë, jä'ä ko yë'ëjës jap nnikäjpxy nimëtyäkpy ja nitsokën mëti'ipë nmëët'ajtëmën; e paaty ya'atë noky yam ntuknijayëtë ets nmënu'kxta'aktë ko tu'ukyë xyaj'itëty ja mëpëjkën mëti'ipë ja Tios të mo'ojëtën.

2 Timoteo 2:25

ets tkajpxwijëty mëët yë yu'unk'ajt naxym'ajtën mëti'ipë käjpxy kyumëtoownajxtëpën, yaj'ëwxitëty ets ja Tios niwinpittëty ets nijawëtëty ja tëyajtën.

2 Timoteo 2:2

Ja aaw ayuk mëti'ipë të xymyëtoyën maajës ja mayjyä'äy nyaj'ijxpëkyën, yë'ë mtuknipëkëp ja ja'ay ets jëtu'un ja myëku'uk tyaj'ijxpëktëty.

1 Timoteo 4:9

Tëyajtën yë'ë ets paat'ajtëp ja'ay tmëpëktëty.

Hechos 18:28

Ko mëët ja jutiis ja'ayëty myëtyä'äky mayjä'äyjoty, ja Apolo aak mëtëy winë tkäjpxy, jä'ä ko yë'ë tyukkajpxpejtyp ja këxja'aypyë myinyën ma tnikäjpxyën ko Jesús yë jëtu'un Kristë.

Job 27:6

Koonëmës nikajpxa'any ko ëjts mëtëyës winë të ntuny, ka'apës tii poky nmëët'aty tiijës jayajtukwinmëtowëpën.

1 Corintios 14:24

E pën yë'ë ënäty jap mnikajpxtëp ja Tios ja y'aaw y'ayuk ets tu'uk ja ja'ay tyëkëty mëti'ipë ka'ap myëpëkyën, nëjkxëp ja tmëpëky ko tmëtowëty wi'ix m'ëna'antën.

2 Timoteo 3:14

Mijts mëk ja mwinma'any xymyëët'atëty ma ja mëti'ipë të xyjyätyën ets xymyëpëkyën. Mnija'ap pën të myaj'ijxpëkyën.