Tito 1:3 - Biblia Mixe de Quetzaltepec

³ ets tyam, ko tiempo të tpatnë, tëë xytyuknija'awëmë ja y'aaw y'ayuk mëti'ipës nkajpxwä'kxypyën, mëti'ipës ja Tios yajnitsokpë ojts xytyuk'ëne'emyën.

Biblia Dc en Mixe de Quetzaltepec

³ ets tyam, ko tiempo të tpatnë, tëë xytyuknija'awëmë ja y'aaw y'ayuk mëti'ipës nkajpxwä'kxypyën, mëti'ipës ja Dios yajnitsokpë ojts xytyuk'ëne'emyën.

Tito 1:3 ပူးပေါင်းရင်းမြစ်များ

1 Timoteo 1:11

Ya'atë mëtëypyë ijxpëjkën yë'ë mëët nyäpyäätyë ja oy aaw oy ayuk mëti'ipës të xytyuknipëkyën ja Tios kënu'kxypyë.

1 Timoteo 1:1

Ëjts Pablo, Kristë Jesús ja y'ayuk kajpxwa'kxpë, mëti'ipës yë Tios Yajknitsokpë të xytyuk'ëne'emyën ets ja Kristë Jesús, mëti'ipë njëjp'ijxëmën,

Tito 2:10

Ka'ap tii tontëty tmäätstëty, wintsë'ëkë mëjjawë y'itëty ets ja'ay ni'ëmukë t'ixtëty ko oy yë ijxpëjkën mëti'ipë Tios yajnitsokpë jyä'ä'ajtypyën.

Tito 2:13

naamka'anëm jyä'tynyëm mëti'ipë n'a'ijx njëjp'ijxëmën, ko myina'any ja mëj Tios, ets ja yajnitsokpë Jesukristë.

1 Timoteo 4:10

Paaty ëëts ntuntë mëk, jä'ä ko yë Tios ntuk'ijxpätës juukpyë, mëti'ipë ni'ëmukë ja'ay yajnitsokpyën, yë'ë ni'ik mëti'ipë mëpëjktëpën.

1 Timoteo 2:3

Ya'atë jëtu'unpë y'oyjya'ap yë Tios mëti'ipë xyajnitsokëmën,

1 Tesalonicenses 2:4

Ni'ikyë ja Tios ojts t'oy'ixy ets xytyuknipëjktës etsës nkajpxwa'kxtëty ja oy aaw oy ayuk ets jëtu'unës nimëtya'aktë. Ka'apës yë'ëjëty ntsoktë etsës ja ja'ay xy'oyjyawëtëty, yë'ëjës ntsojktë etsës ja Tios xytyukjotkëta'aktëtyës, mëti'ipë tyuk'ijxnajxypyën Wi'ixës ja n'aaw njotëty.

Colosenses 1:23

Je'eyëp ko mëk mëpaat myajpaatë ma mëpëktën, këtii xymyajtstu'utëty mëti'ipë të xymyëpëktën ets mëti'ipë të xymyëtowtën. Yë'ë jëtu'un ya'atë aaw ayuk mëti'ipë të yajkajpxwä'kxyën oy tyimmaajëty ma ja it naaxwiinyëtën, ëjts Pablo je'eyës të nputëkë ets të yajkäjpxywä'kxy.

Colosenses 1:6

mëti'ipë jampaat të jyä'tyën ma miitsëtyën. Ni'ikyë myëjwiin kyëjääjë ya'atë aaw ayuk ets oy wyimpëtsëmy oy tyimmatsowëty naaxwiinyëtë apëtsëmy. Jëtu'un tä të jyäty të kyëpetyën ma miitsëtyën ko ojts ëka'any xymyëtowtë ja oy aaw oy ayuk ets xyjyä'äkyujkëtyë ja tëyajtën.

Efesios 2:17

Kristë ojts tmëminy ja jotkujk'ajtën ets yajtuk'ëwaanëtë ni'ëmukë ja ja'ayëty; jëtu'un miitsëty pën ja Tios ijty myëjëkäm'ajtëpën ets pën ja Tios ijty myëwinkon'ajtëpën.

Gálatas 4:4

E ko ja tiempo ojts tpaaty, tääts ja Tios ja y'u'unk ojts tkexy, to'oxytyëjk ojts yajminy yajja'tyë ko tyuuny ja Moisés ja y'ënä'ämën,

1 Corintios 9:17

Pën kë'ëmtsojkën ya'atë ntunyës, njëjp'ixëpës ja nkuma'ayën; ets pën ka'ap, oy jyajëtu'unëty, kopkpëky koos ya'atë tuunk ntuny jä'ä ko Tiosës të xytyuknipëky.

Isaías 45:21

Kajpxtë ets aakmëët nyiwa'kpäjn tii xynyimëtya'akëty, pën m'ënantëp näyajtëwëtë nixim niyam. ¿Pën ojts ëka'any ya'atë jëtu'unpë tnikäjpxy? ¿Pën ojts mtuk'ixëtë tëëyëp? ¿Këtii y'ëjtsëtyë, maas nxëëwatyën Wintsënë?. Ka'ap ma wiinkpë Tios jëtu'unpë tä ëjtsën. Ka'ap maa wiinkpë Tios mëti'ipë mëtakpën tsipjoty ets mëti'ipë yajnitsokpën.

Filipenses 1:13

Koos yap jëtu'un tsumy n'ity tëë tyuny etsës nikajpx nimëtya'akëty ja Kristë mayjä'äyjoty ets näjyëtu'un ma ja kutuunktëjkëtyën ets ma oy pyënëtyën.

Romanos 16:26

je'eyëp ko tëë tyam yajnijawë ko ja y'aaw y'ayuk të tukjaaywyi'imy ja kyäjpxynyajxpëtëjk ijxtëm tni'ënä'ämën ja xëmëkyëjxmëpë Tios ets ja naaxwiinyëtë ja'ay ni'ëmukë yajtuknijawëtëty jëtu'un tmëpëktëty ets tmëmëtowtëty.

Romanos 15:19

ets mëët yë myëk'ajtën ja Kënu'kxymyëkajtën ko yajtuny ja mëj'ajtën. Jëtu'unës të nkajpxwä'kxy ja oy aaw oy ayuk ma ënäty ka'anëm ja Kristë yajnimëtyä'äkyën, jam Jerusalén ets Lirië y'itjotm.

Romanos 5:6

Ko ënäty ëëts'ajtëmë ka'ap tjëkyepy ëwaatsëtuuy nyajpatmëty, ënät ja Kristë myiiny ets ja pokyjyä'äy tni'o'ktuty.

Hechos 17:26

Tios pyëjktak ja ye'etyëjk mëti'ipë ja naaxwiinyëtë ja'ay tyeety'at tyaak'atëpën, jëtu'unts tyajwintukëty tu'kë'ëyë ja naaxwiinyëtë, ets tëë tmo'oy ja xëëw jëmëjt mapaat tyajjuuky'ata'anyën,

Hechos 10:36

Tios ojts tmëkäjpxy ja Israel ja'ay ja y'u'unk y'okëty, tuk'ëwaanë ja jotkujk'ajtën mëët ja Jesukristë, ko yë'ë nyiwintsën'ajtääpy winë.

Lucas 1:47

ets xoontakpës ja njot nja'awën mëët ja nTiosës mëti'ipës xyajnitsokpën.

Marcos 16:15

Ets yaj'ënëmaaytyë: Nëjkxtë naaxwiinyëtë apëtsëmy ets ja oy aaw oy ayuk xykyajpxwa'kxtëty.

Marcos 13:10

Ets yajkajpxwa'kxëp jëyëjp ja oy aaw oy ayuk ka'anëm ënäty kyukëxë ja naaxwiinyëtë.

Habacuc 2:3

Ka'anëm tpaaty ja nyixëëw ets y'atëwëty ya'atë wiinkëma'ay; yë'ë koonëm yë y'atëwa'any. Mijts ëwxit oy pyo'oxëty, jä'ä ko jää y'atëwa'any ko ënäty yajxon të tpaaty ja nyixëëw.

Daniel 11:27

Ënät ja yajkutujkpëtëjk, ja winma'any tpaata'antë wi'ix myëta'aktëtyën ets nëjkx tu'ukyë kyääymyuktë ma ja kaaypyäjnën, nixim niyam nëjkx jyanäwyin'ëëna'anëtë je'eyëp ni pën nëjkx kyayajwin'ëëny jä'ä ko ka'ap tpaatynyëm jëtu'un ja nyixëëw.

Daniel 9:24

Tëkë'px majk sëmaan nyaxa'any ets jyëwa'akëty ja ëyo'on jotmay ets ja nëë poky ma ja mnaax mkajpnën wa'atspë ets ja mnaax mkajpn tpaatëty ja poky nyimä'kxën ets jam nyaxxkëta'akëty ja oypyë ets mëtëypyë ja nipaye'eyën xëmëkyëjxm ets y'atëwëty mëti'ipë të xywyinkuma'ayën ets mëti'ipë të yaj'akäjpxyën jëtu'un'äämpy wya'atsëty jatëkok ja tsajptëkoty mëti'ipë ijty wa'ats ni'ik.

Daniel 8:23

Ko ya'atë yajkutujkpëtëjk nëjkx mëj'äämpy y'ijnëtë ma ja naaxwiinyëtën ets ënäty ja nëë poky myëjënyë kyëjääjënë, tu'uk nëjkx yë yajkutujkpë pyëtsimy mëti'ipë nëjkx amëj akëjxm jyä'äy'ätyën ets wijy këpety nëjkx nyäyajnaxyë.

Isaías 45:15

E mijts Tios, ka'ap myaj'ixy, Tios mëti'ipë yajnitsokpyën yë Israel kajpn.

Isaías 12:2

Yë Tios yë'ëjës xyajtsokp, yë'ëjës ntuk'ijxpejtyp, paatyës ka'ap ntsë'ëkë njawë. Yë Wintsën yë'ëjës ntsoktakn'ajtyp ets yë'ëjës xymyëjaawmoopy, yë'ëjës nwäämpy yaj'ëwaatsëpëtsëëmpë ets yajnitsokpë.

Apocalipsis 14:16

Tääts mëti'ipë u'unyääpyën jam yootsjotm tyajpëtë'ktaay ja pëjktä'äky naaxwiinyëtë apëtsëmy mëët ja tsujkn.

Efesios 1:10

Jatëp jëtu'un wi'ix të tuknipëjktaakën ko ja xëëw tpaatëty ets tukë'ëtëjkëtya'aja'any ja Kristë mëti'ipë tsajpjotm ijtpën ets mëti'ipëjaty ijtpën naaxwiiny.

Marcos 1:15

ets y'ënäny: Tëë ja xëëw jëmëjt tpaaty, wiinkoonp ja Tios ja kyutujkën. Jootwinpitë ma Tiosën ets ëxajëtë mëët ja mëpëjkën ja oy aaw oy ayuk.

Romanos 16:25

Nmëjja'aw njaantyjya'awëm ja Tios. Wä'än yë'ë mputëkëtë ets tu'ukyë xymyëpëktëty ja oy aaw oy ayuk mëti'ipës të nkajpxwä'kxyën. Näy yë'ë mëti'ipë ja Tios ja ja'ay tyuknija'awëyën mëti'ipë ijty kayajnija'apën ma kanaak xëëw kanaak jëmëjt të y'ityën,

2 Timoteo 4:17

E Ojtsës ja Wintsën Jesús xypyutëkë ets xymyooyës ja mëjaaw ets ja oy'aaw oy ayuk nkajpxwa'kxëtyës ets tmëtowtëty ja ja'ay mëti'ipë ka'ap jyutiis'atën. Jëtu'unës ja Tios xyaj'ëwa'atspëtseemy jam tsimptum o'këntum,