Sofonías 2:5 - Biblia Mixe de Quetzaltepec

⁵ Mon tuk miitsëty myajpaatë, Creta ja'ayëty, mejypyë'aaypyë tsyëënëtën. Tëë yë Tios myajnitukëtë: Mijts Canaán kajpn, ma filistejë ja'ay tsyëënëtën, nyajkutëkoyäämpy yam ets ni tu'ukës ja'ay nkayajwë'ëma'any ma mnaax mkajpnën.

Biblia Dc en Mixe de Quetzaltepec

⁵ Mon tuk miitsëty myajpaatë, Creta ja'ayëty, mejypyë'aaypyë tsyëënëtën. Tëë yë Dios myajnitukëtë: Mijts Canaán kajpn, ma filistejë ja'ay tsyëënëtën, nyajkutëkoyäämpy yam ets ni tu'ukës ja'ay nkayajwë'ëma'any ma mnaax mkajpnën.

Sofonías 2:5 ပူးပေါင်းရင်းမြစ်များ

Ezequiel 25:16

Paaty ëjts maas nWintsën'atyën, jëtu'unës n'ëna'any: Nnipëtë'ëkäämpyës yam yë filistejë ja'ayëty ets ntëytyuna'antës; nyajkutëkooyäämpyës yë quereteos ja'ayëty ets tu'kë'ëyë mëti'ipë jam nëëpë'am të jyaakwë'ëmtën.

Jeremias 47:7

¿E wi'ix tu'k'ityë wyë'ëmëty pën yë Wintsën të y'ëne'emyë? Yë'ë të tyuknipëkyë ets tyuuntëkoyëty jam ma Ascalón kajpnën ets jampaat ma mejypya'ajën.

Amós 3:1

Israel ja'ayëty, mëtowtë wi'ix ja Wintsën t'ënëëmën ja kajpn mëti'ipë jap Egiptë yajpëtsëëmën:

Josue 13:3

mëti'ipë jam najxpën ma ja Sihor mëjnëë jyënäkyën, a'oytsyow ma Egiptë naaxwiinyëtë yajpaatyën, jyä'ty jam ma Ecrón ja tsyëpa'an nyäxyën, jam anëkëjxmtsow mëti'ipë yaj'antijpën ko Canaán ja'ayëty tjä'ä'atë; ma tääpë it naaxwiinyëtën nimëkoxk jam yajpaatë yë filistejë ja'ayëty yë wyintsëntëjkëty, jä'ä mëti'ipë jam yajpaatëpën Gaza, Asdod, Ascalón, Gad ets jam Ecrón. Jaakwë'ëmp näjyëtu'un ja itjot mëti'ipë nyitënaaytyëpën ja Avejë ja'ayëty,

Marcos 12:12

Tääts ojts tjamatsa'antë ja Jesús jä'äkyëjxm ko tja'aykyujkëtë yë'ë yowë yajnimëtyaktëp mëët ja ijxpäjtën. Je'eyëp ko tsyë'këtyëp ja mayjyä'äy, paaty ka'ap tmajtstë. Tääts jam tsyo'ontë.

Zacarías 1:6

E yë n'ayukës ets n'ënä'ämënës, mëti'ipës ënäty të ntuknipëktën ja nkäjpxynyajxpëtëjkës, ojts pyaatëtë yë m'ap m'okëty. Yë'ëjëty ojtsës xynyiwinpitë ets ojts tja'akyukëtë ko paatyës ënäty o'ktëy të nyajjat të nyajkëpätë jä'ä ko jëtu'unëtën ënäty nyitëkëtë ja y'ëxëëktu'un y'ëxëëkkajpxënëty, ko ka'ap ënäty tii oy të tuntë.

Sofonías 3:6

Jëtu'un yë Wintsën y'ënä'äny: Ëjts tëëjës nyajkutëkoy yë naax kajpn, tëëjës njity mëjëtypë potsy ets këjxmëtypë ets aanë'ëk tëëtsë'ëk të ntuuntaayës yë nyë'ë tyu'u, ma ka'ap yë ja'ay y'ëknajxnëtyën. Ma nyaax kyajpnëtyën mëti'ipë tukwa'ats të wyi'imyën nitu'uk kya'ëkyajpatnë.

Amós 5:1

Mëtoow'itë ja n'ayukës miitsëty Israel ja'ayëty; mëtoow'itë wi'ix yam jë'ë ya'ax nimëtya'aktën:

Isaías 14:30

Yë ëyoopëja'aytyëjk jam yë kyupixyny tyaj'oka'antë maas yë nkamën, ja ja'ayëty mëti'ipë ka'ap wit meeny tmëëtëtyën jotkujk nëjkx jyuuky'atë. E mijts ni'ikyë ja mja'ay nëjkx nyajyuu'ookyës ets mëti'ipë juuky jaakwë'ëmtëpën, nëjkxëpës ni'ikyë njaakyaj'ooktë.

Jueces 3:3

Ojts wyë'ëmtë ja nimëkoxkpë ja filistejë ja'ayëty ja kajpnëty, ma ënäty tsyëënëtën ja Canaán ja'ayëty, sitonyë ja'ayëty ets Heve ja'ayëty, jampë tsyëënëtën Líbano kopkjotm, tso'ontä'äky jam ma ja kopkjot yajtijyën Baal-hermón ets jyä'ty ma yajtuknaxyën yë Hamat itjotm.

1 Samuel 30:14

Jamës ënäty ojts të nmäätstë apa'tkë'ëmtsow ma Queret ja'ay tnitänëtën ets Judá ja'ayëty ets Caleb ja'ayëty, tëëjës näjyëtu'un nino'oktë yë Siclag kajpn.

Isaías 14:29

Këtii nëkoo mjotkujk'aty mijts filistejë kajpn, ko ja kepy të tyijy mëti'ipë myajtukwojpën; jä'ä ko tsa'any tu'uk pëtsëmaanp ma ja tsa'anytyaak y'ityën, tääpë tsa'any kääkë'ëkaanp yë'ë.

Sofonías 1:11

Jë'ëtë ya'axtë miitsëty mëti'ipë jam Kajpnpë'am tsënaaytyëpën, ma kumeenyjyä'äytyëjk tsyëënëtën, jä'ä ko o'kta'ajantëp yë ja'ayëty mëti'ipë ajuuy ato'ktëpën ets y'o'kta'aja'antë yë ja'ayëty mëti'ipë wit meeny tsyoontëpën myajtstëpën.

Josue 13:2

E yë'ë jaakwë'ëmp yë filistejë ja'ayëty yë y'it nyaaxwiinyëtëty ets guesureos ja'ayëty,