Sofonías 2:2 - Biblia Mixe de Quetzaltepec

² maanëm ka'ap mwinpapojtënëm aay pu'uxmën ets poj'am pyojtëkoy; maanëm ka'ap mtukëta'akëtënëm ja Wintsën ja tsyip y'äkë mëti'ipë toopyëm myëët'ajtypyën jap jyootjoty; maanëm ka'ap tnajtsmatsënëm ma miitsëtyën ja Wintsën ja jyoot'an.

Biblia Dc en Mixe de Quetzaltepec

² maanëm ka'ap mwinpapojtënëm aay pu'uxmën ets poj'am pyojtëkoy; maanëm ka'ap mtukëta'akëtënëm ja Wintsën ja tsyip y'äkë mëti'ipë toopyëm myëët'ajtypyën jap jyootjoty; maanëm ka'ap tnajtsmatsënëm ma miitsëtyën ja Wintsën ja jyoot'an.

Sofonías 2:2 ပူးပေါင်းရင်းမြစ်များ

Nahúm 1:6

¿Pën ëkwintänëjanëp ko jyoot'anpëky? ¿Pën y'ëkmëmëta'akäämpy yë y'äkë? Jëtu'un jyäjy tä jëënën ko jyoot'anpëky, ma yë'ëjën jëtu'unyë ja tsaa kyë'ëtswä'kxy.

Oseas 13:3

Paatykyëjxm jëtu'un jyata'antë tä nëëma'a yaj'ixyën jopyëp; tä maanik kyä'äyën ets ënätyë tyëkoy; tä aaykyëta'ak wyimpapojyën; tä jok pyëtsimyën jëëntooytyaknjoty.

Lamentaciones 4:11

Yajnajx ja Wintsën ja tsyip y'äkë, ojts tyajmëtä'äky ja jyoot'an; yajnitooy ja Sión kajpn ets yë'ëpaat tyajkutëkooytyääy ja pyoty ëjx.

Isaías 17:13

Ko ja Wintsën y'ojëtë, ënätyë kyääkjoktë ets jëkäm nyëjkxtë, jëtu'un tä pu'uxm wyimpapojyën tunkëjxm, jëtu'un tä äpnytyë'ëts pyojë'ëkyën ko mëktuupoj myiny.

Salmos 1:4

E yë ëxëëkja'aytyëjkëty ka'ap jyëtu'un'atë, jä'ä ko jëtu'un yë'ëjëty tä aaykyëta'akën mëti'ipë winpapojpën.

Sofonías 3:8

Paaty miitsëty ëwxitë, pyatyp ja xëëw maas nikajpxanën yë pyokyëty. Ëjts Wintsën, ëjts ënaanp: Tëës ntuknipëjktaakë koos nyajtu'ukmujkta'aja'any yë naax kajpn ets yajkutujkpëtëjk etsës nyajnaxa'any yë ntsip n'äkë ets njoot'anës. Tu'kë'ëyë yë naax kajpn kyutëkooytya'aja'any mëët yë ntsip n'äkës mëti'ipë jëënmëët minaanpën.

Sofonías 1:18

Ma ënäty ja Wintsën të y'ëwa'antä'äkyën ka'ap nëjkx ni pën tsyo'oky ets yë'ëpaat yë pu'ts pujxn poop pujxn wa'ats kyutëkooytya'aja'any, jä'ä ko ja Wintsën ja tsyip y'äkë jëtu'un nëjkx jyëtity jëënën ets nëjkxëp ja naax kajpn nyitooytyä'äy. Tu'kë'ëyë ja ja'ayëty mëti'ipë ënäty kajpnjoty tsënaaytyëpën poj'am y'o'kta'aja'antë.

Job 21:18

¿Jëna'a të y'ëkwa'kxtëpë jëtu'un tä yë pu'uxm pyojwä'kxyën ko pojxujtyky nyäxy?

Mateo 24:35

Këxaanp naxaanp yë tsajp ets naaxwiinyëtë, e yë n'aaw n'ayukës nijëna'a kyakëxa'any kyanaxa'any.

Ezequiel 12:25

Jä'ä ko ëjts Wintsën, kajpxaanpës yam ets ja mëti'ipës nikajpxäämpyën atëwaanp tsojk. Kajpn je'eyëpë kyäjpxykyumëtoownaxyën, nëjkxëp kë'ëm xy'ixtë; koos ënäty nkäjpxy koonëm nëjkx y'atëy. Ëjts Wintsën, ëjts ënaanp.

Jeremias 23:20

Jäänëm yë Wintsën yë tsyip y'äkë nyaxa'any ko ënäty tuny tkäjpxy mëti'ipë të tuknipëjktaakën. Yë'ënëm nëjkx tpaaty nyixëëw nyipo'o täänëm ya'atë xyjyä'äkyukëtëty.

Salmos 50:22

Ja'aykyukëtë yajxon ya'atë, miitsëty jënu'un yë Tios ijxtëkoy ja'atyëkoy xyaj'itën, këtiipë ajotkumonë n'awots ntukwotsëtëty ëkë ëxëëk ntuntëty ma ka'ap pën myajtso'oka'anëtën.

Jeremias 4:4

Miitsëty Judá ja'ayëty ets Jerusalén ja'ayëty, ja'amyätstë ko ëjts Wintsënajtp. Pëjkta'aktë jap mjootjoty mwinma'anyjoty ja käjpxytyu'unën mëti'ipë të ntu'unëmën; këtiipë tsyooypyëkëty jëënën ja ntsip n'äkës ko ënäty tëkatsy tii xytyuntë ets ka'ap tjëkyäpëty wi'ix pyi'itsëtyën.