Sofonías 1:6 - Biblia Mixe de Quetzaltepec

⁶ Nyajkutëkoyäämpyës näjyëtu'un mëti'ipës xynyawa'ktutpën, mëti'ipës ka'ap xy'ixta'ayën ets mëti'ipës ka'ap tii xyajtëyën.

Biblia Dc en Mixe de Quetzaltepec

⁶ Nyajkutëkoyäämpyës näjyëtu'un mëti'ipës xynyawa'ktutpën, mëti'ipës ka'ap xy'ixta'ayën ets mëti'ipës ka'ap tii xyajtëyën.

Sofonías 1:6 ပူးပေါင်းရင်းမြစ်များ

2 Samuel 22:22

jä'ä ko yi'iyës tu'ukyë të ntimkyuuy'ixy ja Wintsën ja nyë'ë'aaw tyu'u'aaw; paatyës tyam n'ëna'any ko nijëna'ajës yë Wintsën nka'ixtija'any.

2 Crónicas 15:13

Ojts tkäjpxy'atë ma Wintsënën: pën ka'ap tmëj'ixy ja Wintsën, mëti'ipë ja Israel ja'ayëty y'ëwtajtëpën, mëjpë mutskpë, ye'etyëjkpë to'oxytyëjkpë, kopkpëky ko y'ookëty.

Salmos 10:4

Yë ëxëëk ja'ay amëj akëjxm yë wyiin jyëjp tsajptijy ets y'ënä'äny: ko ka'ap ma Tios, pën xy'ëkyajtëwëpës tiis ntuunpy nkäjpxypën. Yi'iyë myääpy tyäjpy.

Salmos 125:5

Mëti'ipë ja në'ë tu'u ëxëëkpë kyuuynyëjkxtëpën, wä'än ëxëëk tjatë tä ja ëxëëkja'ayëtyën. Wä'än tjam'aty ja jotkujk'ajtën ma Israel kajpnën.

Salmos 36:3

Ëxëëkjatyëty yë aaw ayuk tyajpëtsëmy ets antakp, të tyajtëkooynyë yë y'oyjyot y'oywyinma'any ets ka'ap tii oy t'ëktuunë.

Isaías 1:4

Mëkës njajantyjyawë ko je'eyë nëë poky tuntë tkajpxtë, ja naax kajpn mëti'ipë je'eyë ëxëëkpë myë'ijtypyën, ets ja ja'ay mëti'ipë je'eyë jyot wyinma'any yajtëkooytyëpën; ja u'unk ëna'k ka'apë nijënu'un jyä'äkyukëtën. Tëë ja Wintsën tmëjëkämkäknëtë, tëë tpuwa'ktutnëtë ja Tios mëti'ipë wa'ats yajpatpën jam ma Israel ja'ayëtyën, tëë yajxon t'ëxmajtsnëtë.

Isaías 43:22

E mijts Israel ja'ayëty, Jacob yë kyajpn, ka'apës ojts xymyëkäjpxy, ni'ikyënëm ojts xymyëtsipke'exyës.

Isaías 9:12

Maatsow yë xëëw pyëtsimyën, Siria ja'ayëty jam miintëp; maatsow kyëtä'äkyën, filistejë ja'ay jam miintëp. Poj'am të yajmëmëta'aktë yë Israel ja'ayëty, jëtu'un tä ja'ay poj'am jyi'kxy tkujë'ënaxyën. E yë Wintsën yë tsyip y'äkë ka'ap nyäknyäxy.

Isaías 9:13

E ja naax kajpn, kajts të tmëj'ixy të tmëjpëjktä'äky ja Wintsën, oy jënu'un të jyatëytyunyë; nijënu'un të kyaja'ty wyinma'anyjoty ets jeexyë të t'ixta'ay ja näypyutëkë ma Wintsënën mëti'ipë maaytyääyëpën winë.

Jeremias 10:25

Yajkëta'ak ja mtsip m'äkë ma ja naax kajpnën mëti'ipë ka'ap m'ixy'ätyën, ma ja naax kajpn mëti'ipë ka'ap mmëkäjpxyën, jä'ä ko tëë ja Jacob ja nyaax kyajpn ëxëëk tuunëtë, tëë yajxon timyajkutëkoytyë ets xit ko'ow të t'ëxmatstë.

Jeremias 15:6

Mijts tëëjës xy'ëxmatsy, mjëxkës je'eyë të xytyuk'akë'ëy. Ëjts Wintsën, ëjts ënaanp, paatykyëjxmës të n'ënu'kxënë, tëëjës yë nmä'kxtujkën kyëjxnë etsës mijts të nixajë'knë, të ntëytyuny ets tëë nyajkutëkoy.

Jeremias 2:13

Yë nnaax nkajpnës mäjtsk ok nipëtë'ëkës të xymyëtëkoy: ojtsës xy'ëxmatstë ma ënäty ëjts xywya'antën nëëkopkën mëti'ipë yajjuuky'ajtpën, ojts tnitajëtë kë'ëm ja nyëë ma ja nëë tëyë nyäxyën.

Jeremias 2:17

Paaty jëtu'un të mjaty jä'äkyëjxm koos ëjts të xy'ëxmatsy, ëjts yë mWintsën Tios mëti'ipë ijty mtu'uwinwoowëpën.

Jeremias 3:10

Yë Judá nän ka'ap të jyotwinpity winë aaw winëjot ma ëjtsën, je'eyë awin'ëënë nëkoo nyätyijyë të jyotwinpity. Ëjts Wintsën, ëjts ënaanp.

Ezequiel 3:20

N'ëkpëjktakmëty wiinkpë ijxpäjtën; tu'uk yë ja'ay oypyë jyuuky'ätyën tyajtëkatsëty yë jyuukyajtën ets jä'ä tuunëty ja ëxëëkpë ëkë tëkatsypë ets jyuukyajtën tyajtsiptëkëty; pën mijts ka'ap wi'ix xy'ënëëmë, ookëp yë'ë. Ëjts ka'apës nja'amyätsa'any oy ënäty tii oy të tjatuny mëj këjää, yë'ë nëjkxëp ja pyoky tku'ookë; je'eyëp ko mijts nëjkx nyajtëy pën tëë ënäty xyjya'ënëëmë ets ka'ap tii tëkatsy tunëty.

Oseas 11:7

Jëkämës yë nkajpn tyimnäyyaj'ityë; nëyax yujkyaxtëp je'eyë ets ni pën tkamëtoy.

Oseas 7:10

Yë y'amëj'ajt y'akëjxm'ajtën të yajnitukëty. Oy jyajëtu'unëty, yë'ëjëty ka'ap ojts jyootwinpitë, ka'ap ojts yë Wintsën t'ixta'atë.

Oseas 7:7

Aakjëtu'un tyoytyë jyämtë jëëntooytyaknën mëti'ipë të tyajnitooytya'atën yë kyutujkpëtëjkëty. Tëkokyë yë kyutujkpëtëjkëty tëë tyëkooytya'atë ets nitu'uk kyayajpaaty mëti'ipës jeexyë xymyëkajpxpën.

Sofonías 3:2

Ka'ap tmëtoy wi'ix ja Wintsën jya'ëna'anyën ets ka'ap të tkupëky ets yaj'awijtsë'ëkëty; ka'ap yë Wintsën të tuk'ijxpety ets ka'ap të t'ëwtaty.

Romanos 3:11

Ka'ap pën jyä'äkyukë, ka'ap pën maa mëti'ipë y'ixtääpyën yë Tios.

Hebreos 2:3

¿Paaty wi'ix ëëtsajtëm nkuukäkmëty ja tëytyu'unën pën ka'ap nmëjpëjktakëm ja mëj nitsokën? Wintsën ojts kë'ëm tnikäjpxy jëwyiin ya'atë nitsokën; ets mëti'ipë ojts tmëtoow'itën, yë'ë të tnikajpxtë ma ëëtsajtëmën.

Josue 23:12

Jä'ä ko ntsojkpyës ets ya'atë xynyijawëtëty: pën miitsëty majtstutëp yë Tios ets mnäyxyëpiinëtëp mëët tääpë ja'ayëty mëti'ipë të jyaakwë'ëmtën ma miitsëtyën ets mëët mpëjknëtëty m'uknëtëty; yë Wintsën ka'ap nëjkx nijëna'a tyajjëwä'äky tääpë ja'ayëty ma miitsëtyën, ni'ikyë nëjkx jam tyajwë'ëmy ets yë'ë nëjkx ëxëëk myajjat myajkëpätëtë; jëtu'un nëjkx y'itë tä jeexyë tejpxy, po'otejpxy myajtukwoptën koonëm mkëjxta'atëty.

1 Samuel 15:11

Okës tyam njamëkjawë koos ojts yë'ë Saúl npëjktä'äky ënä'ämpë, yë'ë ka'apës xy'ëkmëj'ijxnë ets ka'apës xy'ëkmëmëtoownë. Samuel ojts jyoot'anpëky, ka'ap t'oyja'awëy ko jëtu'un ja Wintsën y'ënëmaayë, paaty ojts tu'ktsu'um wyanë tsyowë Tios wyintuuy.