Sofonías 1:17 - Biblia Mixe de Quetzaltepec

¹⁷ Jëtu'un yë Wintsën y'ënä'äny: Jotmayjyotyës yë ja'ay nyaj'ita'any. Jëtu'un yaj'ixa'antë wiints yowëty, jä'ä ko tëëjës xymyëtëkoytyë. Tä naaxwayën yaj'ixa'any ja nye'pnyëty ets tä tsajpkaatë'ënyën yaj'ixa'any ja xyixyëty pyajkëty.

Biblia Dc en Mixe de Quetzaltepec

¹⁷ Jëtu'un yë Wintsën y'ënä'äny: Jotmayjyotyës yë ja'ay nyaj'ita'any. Jëtu'un yaj'ixa'antë wiints yowëty, jä'ä ko tëëjës xymyëtëkoytyë. Tä naaxwayën yaj'ixa'any ja nye'pnyëty ets tä tsajpkaatë'ënyën yaj'ixa'any ja xyixyëty pyajkëty.

Sofonías 1:17 ပူးပေါင်းရင်းမြစ်များ

Miqueas 7:13

Yë naaxwiinyëtë, aanë'ëk tëëtsë'ëk y'awinpita'any mëët ko të tyëkoytyë yë naaxwiinyëtë ja'ay, jëtu'un wyinpëtsëma'any ja y'ëxëëktu'un y'ëxëëk kajpxënëty.

Apocalipsis 3:17

Jä'ä ko mijts m'ëna'any ko mkumeenyëty, ko akujk jotkujk mjuuky'äty ets ko ka'ap nitii xyaj'ëmaaytyä'äky; ka'ap kë'ëm mnäy'ixyë ko mijts o'ktëy myajpaaty, m'ëyoop, myajmëyäjtyp winë ets mniwa'ats m'ëxwa'ats.

Salmos 83:10

mëti'ipë jam Endor kutëkooytyën, ets apu'ut y'awinpijtaaytyë.

1 Juan 2:11

Pën ja myëku'uk y'ëxëëk'ijxyp, jam y'ity ets jyuuky'äty akootstum, ka'ap nijawë maa nyijkx, jä'ä ko ka'ap tii t'ixy akootstuuy.

2 Pedro 1:9

Pën ka'ap tyajmëjtëkë ja jëtu'unpë oywyinma'any, jëtu'un ja jyatë ijxtëm tu'uk ja ja'ay wiintspën ëkë mëti'ipë ka'ap jëkämpaat y'ixyën, jä'äkyëjxm ko të tja'atyëkoytyë ko ja Kristë të yajpokywya'atsëtë ma ijty pyokytyuntë.

Romanos 11:25

Mëku'uktëjkëty, yë'ëjës ntsojkpy ets miits xynyijawëtëty mëti'ipë ijty ka'ap yajnijawën, jëtu'unts ka'ap mnämyëjpëjkta'akëtëty. Yë jutiis ja'ay juun yë y'aaw jyot të tpëjkta'aktë, ka'ap yë Tios të tmëmëtowtë, jëtu'un y'ita'antë koonëm tpata'atëty ja oyajtën mëti'ipë ka'ap jyutiis'atën.

Romanos 11:7

¿Wi'ix ënät njaak'ëna'anmëty? Ja Israel ja'ayëty ka'ap të tpaatë mëti'ipë të tja'ixta'atën, yi'iyë mëti'ipë ja Tios të wyin'ixëtën të tpaatë. Ja wiinkëtypë je'eyë ojts kyujuunta'aktë,

Mateo 15:14

Paaty n'ënëëmëtë, ëxmatstë. Jä'ä ko yë'ëjëty jëtu'un ijxtëm ja ja'ay wiintspë tu'uwinwoy ja myëwiints. Ko tu'uk ja ja'ay wiintspë tu'uwinwoy ja myëwiints, nimäjtsk muum jyutkukëtawtë.

Amós 4:10

Ojts ntuknikäxtë këtye'epyë jëtu'unpë tä ojts jap Egiptë nkexyënës; ëjts ojts nyajkutukyës ets pi'k ëna'ktëjk jam tsipjotm y'ooktëty ets ojts n'ëwa'atsyës ets mëtsip tjä'ä'ajta'atëty yë kwaay; ojts ntukxuuk'atë yë o'kpë jam ma ënäty mtsiptuntën, e miitsëty kä'äpyëm ojts xynyiwinpitës. Jëtu'un yë Wintsën y'ënä'äny.

Lamentaciones 2:21

Xii yaa muum o'kpë kyëxë'knëtë në'ëjoty tu'ujoty, mëjja'ay, mutskja'ay, ye'etyëjk to'oxytyëjk mëti'ipë yo'kpux o'ktën. Ko të mjoot'anpëky tëë o'kën xyaj'ity, ka'ap pën të xypya'ëyoy ko të myajja'ay'ooky.

Lamentaciones 1:18

Yë Wintsën jä'ä të tuny mëti'ipë mëtëyën, ëjts tëëjës njanty kyäjpxy kyumëtoownaxy. Mëtoow'itë nnaax kajpn; ixtë wi'ixës pëjkën ijxën nmënaxy nyajnaxyën. Yë ëna'ktëjkëty ets to'oxy'ëna'këty tsumy matsy wiink naax wiink kajpn të yajmënëjkxta'atë.

Lamentaciones 1:14

Tëës yë Wintsën yë nnëë mpoky xy'ijxë; yë'ëjës të xytyukjëëtsëmë'ëky, tä yë tsajpkaa yajtukutsumyën yë kyepy; ënu'kxëpës. Tëës Wintsën xykyë'ëyäky ma ja'ayën mëti'ipës ka'ap nmëmëta'aka'anyën.

Lamentaciones 1:8

Yë Jerusalén nëkooyë të pyokytyuunë paaty ka'ap pën y'ëktsojkënë. Mëti'ipë ijty mëj'äämpy jyëkyajpëpën, tyam ka'ap pën y'ëk'ixanënë, jä'ä ko niwa'ats ëxwa'ats t'ijxnëtë. Paaty jyi'iy yä'äxy ets wintsëtyu'un jëjptsëtyu'un wya'akwinpity.

Jeremias 18:21

E mijts myajkutukëp ets ja y'u'unk y'ëna'k yuu'ooktëty ëkë kupuxy y'ooktëty. Wä'än yë pa'am ëyo'on yë'ë yaj'ookëtë ets ja y'ëna'ktëjkëty wä'än jam tsipjotm t'ooktë.

Jeremias 15:3

Ëjts, mëti'ipë Wintsën'ajtpën, ëjts jëtu'un ënaanp: Taxkpëkyës nkäxa'any yë ëyo'on jotmay: tam mëti'ipë tsipjotm ookaanpën, tam mëti'ipë uk nëjkx tsyu'utyën, tam mëti'ipë lut majkwejkxy nëjkx yë jyot nyini'kx yajkëjxëty ets tam mëti'ipë nëjkx kaa jëyujk myätsyën.

Jeremias 10:18

Jëtu'un yë Wintsën y'ënä'äny: Tyam jëkämës nnajtskäxëjanë ya'atë ja'ayëty mëti'ipë tsënaaytyëpën ma ya'atë kajpnën. Jotmayjyotyës npëjkta'aka'antë etsës n'ëk'ixa'any pën xye'eypyatëpës.

Jeremias 4:18

Mëët ko yi'iyë të xytyuny mëti'ipë ëxëëkën, paaty o'ktëy të mjaty; mëët ko të mtuuntëkoy, paaty të mjoottëkëty ja ëyo'on ets tëë ja mwinma'anytyëkoy.

Jeremias 2:19

Mkë'ëm ëxëëk winma'any o'ktëy mnätyuktunanëp, mëët ko xykyamëj'ixy ja Wintsën. Mëmay mëtaj wi'ix xykyujatëja'anyën ets wi'ix ta'amëm xyajja'awëkyëta'aka'anyën mëët koos të xy'ëxmatsy ets koos të xykyamëjpëjktä'äky ëjts yë mWintsën Tios. Ëjts Wintsën mëti'ipë maaytyääyëpën winë, ëjts ënaanp.

Jeremias 2:17

Paaty jëtu'un të mjaty jä'äkyëjxm koos ëjts të xy'ëxmatsy, ëjts yë mWintsën Tios mëti'ipë ijty mtu'uwinwoowëpën.

Isaías 50:1

Jëtu'un ja Wintsën y'ënä'äny: Miitsëty këtii m'ëna'antëty ko paatyës ja Israel kajpn të n'ëxmatsy, mëti'ipë miits mtaak'ajtëpën ëkë paatyës të ntooky ma wiink kajpnën jä'äkyëjxm koos ënäty pën nmënu'kxy'äty. Miitsëty paaty të myajtooktë wiink naax wiink kajpn jä'äkyëjxm ko të mpokytyuntë; ja Israel kajpn paaty të yaj'ëxmatsy jä'ä ko miitsëty je'eyë të mkäjpxykyumëtoownaxtë.

Isaías 29:10

Yë Wintsën tëë mtuknikäxëtë tsuu ma'ay. Yë käjpxynyajxpëtëjk yë'ë ja'ay tyukjotkujk'ajtëp je'eyëp ko jëtu'un yë Wintsën të tyunëtë tä jeexyë wit të yajtukwinkuwitsëtën.

2 Corintios 4:4

Jä'ä ko ka'ap myëpëktë, ja mëpëjkën yääyëpë naaxwiinyëtën yë'ë yajwinma'anytyëkajtsëtëp këtiipë t'ijxpaatëty ja jajën të'kxën, ja oy aaw oy ayuk ma yajnimëtyä'äkyën ja Kristë ja myëj'ajt jyääntyajtën, ja Kristë mëti'ipë Tios nyäjxypyën.

Jeremias 8:2

jam nëjkx yajpëjktëwtë xëëw antuuy, po'o antuuy ets mëtsa'a antuuy, mëti'ipë ënäty të t'ëwtatën, të tmëtuntën, të tpanëjkxtën ets të tyajtëwtën winë. Ni pën nëjkx kyapëjkmukëtë ets nyaaxtëkëtëty. Jëtu'un wyimputskëta'aka'antë tä të'ënyën.

Ezequiel 16:38

Ets yë'ë ntukpatëkëjäämpy ko ënäty të xyajwintsë'këntyëkoy ja pëjkën ukën ets ko ënäty të myajja'ay ooky, atsip a'äkë nëjkx nyaj'ooky.

Ezequiel 24:7

Yë naax kajpn ujts yajpaaty mëët yë jot ne'pny; jam të nyaaxkutämë tsaakëjxy ma yaj'ixëtyën yajxon ets ka'ap nyaaxkëjxyëty ma jeexyë naaxway yajnitukyën.

Ezequiel 24:8

Ëjts jamës nyajwë'ëma'any tääpë ne'pny, ma tääpë tsaajën të'kxpë, këtiipë nyitukëty, jëtu'unës njoot'anpëkëty etsës ja nipaye'eyën ntunëty.

Jeremias 3:25

Tsojk naxym nnäpyëjktakëmë ets wintsëtyu'un jëjptsëtyu'un, oy ënät pën xykya'oyjya'awëmëty, jä'ä ko ëëtsajtëm mutsknëm jëtu'unpë të npatso'ontakëmë ets tyimpety tyimku'ty jëtu'un tyampaat, yi'iyë nëë poky të ntu'un të nkajpxëmë; nän timjëtu'un tä ja n'ap'ajt n'ok'ajtëmën ets ëëts'ajtëmë tëë ja Wintsën nmëtëko'oyëmë mëti'ipë nTios'ajtëmën ets ka'ap të nmëmëto'owëmë.