Sofonías 1:14 - Biblia Mixe de Quetzaltepec

¹⁴ Tëë tyimwiinkony yë Wintsën yë xyëëw. Tim winkon, pe'tym wyinkony. Ta'amëm nëjkx yë ja'ay tjawëtë ko ënäty ja Wintsën ja ëyo'on tyaj'ity: Yë'ëpaat yë ja'ayëty mëti'ipë jotmëkëtyën nëjkxëp y'ayaxtu'utë.

Biblia Dc en Mixe de Quetzaltepec

¹⁴ Tëë tyimwiinkony yë Wintsën yë xyëëw. Tim winkon, pe'tym wyinkony. Ta'amëm nëjkx yë ja'ay tjawëtë ko ënety ja Wintsën ja ëyo'on tyaj'ity: Yë'ëpaat yë ja'ayëty mëti'ipë jotmëkëtyën nëjkxëp y'ayaxtu'utë.

Sofonías 1:14 ပူးပေါင်းရင်းမြစ်များ

Malaquías 4:5

Ëk'ixtë: Ëjts yë'ëjës yam nkäxäämpy yë Elías yajkutujkpë, ma ka'anëm tpaatyën ja xëëw po'o ma ëyo'on jotmay y'ita'anyën.

Ezequiel 30:3

mëti'ipë wiinkoonpën, wiinkoonp ja Wintsën ja xyëëw; mëti'ipë wiinkoonpën wintuky y'ita'any; ëyo'on jää itaanp ma tääpë xëëwën.

Sofonías 1:7

Amonyë m'itëty Wintsën wyintum, jä'ä ko tää ja Wintsën ja xyëëw wyinkony. Yë Wintsën tëë tuknipëjktaakë tu'uk yë wintsë'kën ets tëë tkënu'kxta'ay mëti'ipë të twoy të twitsyën.

Joel 2:11

Yë Wintsën, jëyëjp nyijkxy ma tsyiptuunpëtëjkën, jëtu'un ja y'aaw y'ayuk tyaj'ëna'any; tä ënääwën. May yë tsyiptuunpëtëjk; ka'ap tjëkyepy wi'ix yajmëtyowëtyën mëti'ipë mëmëtoowëpën. Nëkooyë myëj'ajt kyëjää'ajnë yë Wintsën yë xyëëw.

1 Tesalonicenses 4:16

Jä'ä ko Jesús yë'ë kë'ëm tsoonaanp jam tsajpjotm, mëk'äämpy ja ayuk yajmëtowa'any mëët ja kutujkën; yajmëtowaanp tu'uk ja tsajpjotmëtë kukäjpxy mëj kutujkënmëëtpë, ets xyu'uxa'any ja Tios ja xyuxn. Mëti'ipë të y'ooktën ets të tmëpëktën ja Jesús yë'ë nëjkx jëyëjp jyuukpyëktë;

Ezequiel 7:12

Tyam, tëë ja xëëw tpaaty. Ma ja to'kpë yajkpë ka'ap tii t'ëktukxoontaknëty, yë'ëpaat mëti'ipë ajuupyën ka'ap ja mëk'ajtën t'ëkmëët'ajnëty wi'ix myonëty tyukëty. Ëwa'an'ajtën yam mëët ntëytyuna'anyës yë Israel ja'ayëty ko amëj akëjxm nyäyjyawëtë.

Isaías 33:7

Mëtoow'it wi'ix ya'axtën jyoktën ja jotmëkja'aytyëjk jap tu'u akë'p ets wi'ix jyë'ëtën ya'axtën ja ja'ayëty mëti'ipë aaw ayuk myënëjkxtëpën ets jeexyë ja tsip yajkajpx'oyë.

Isaías 15:4

Jya''amëtoow jyapëjktsoowtëp näypyutëkë yë Hesbón ja'ayëty ets Elalé ja'ayëty; jampaat ja jëtu'unpë ja aaw ayuk jyajnë Jahas. Paatykyëjxm ja Moab ja'ayëty ka'ap t'ëknija'awënëtë tii tyuunta'aktëpën.

Santiago 5:9

Mëku'uktëjkëty, ka'ap mnämyëkajpx mnäpya'tkajpxëtëty, këtiipë ja Tios mtëytyunëtëty ets mpaye'eyëtëty, jä'ä ko ja Tios, ja tëytyuunpë paye'epyë, tim winkon jä'änë.

Hechos 2:20

Pi'itsaanp ja xëëw, ja po'o ne'pnyën y'awinpita'any ka'anëm ënäty ja Wintsën myinyëm, ets jää nëjkx yaj'ixy ja Wintsën ja myëj'ajt y'oyajtën.

Joel 1:15

Janty mon janty tuk nyajpatëmë, jä'ä ko tää myiny wyinkony ja Wintsën ja xyëëw. Ma Wintsën xyajkutëkoya'anëmën mëti'ipë maaytyääyëpën winë.

2 Pedro 2:3

Ji'iyë ja meeny tyätsyojktëp ets miits xymyëjuytyëty ko ënäty mtukmëmëtya'akëtë ja kyë'ëm ayuk kyë'ëm winma'any. E tëë ja Tios y'ënä'äny ko ka'ap ja nitsokën tääpë ja'ay tmëët'ata'antë; jä'ä ko yë'ëjëty tëëyëp ja Tios tyuknipëjktaakëtë ets ja mëj ëyo'on tpaatëty.

Amós 8:2

etsës xyajtëëy: ¿Tii m'ijxyp, Amós? Etsës n'ëtsooy. Yë'ëjës n'ijxyp tu'kkatsy yë ujts tsa'am. Etsës xy'ënëmaay: Yë Israel ja'ayëty tëë tsyaamnëtë; paaty yë'ëjëty ka'apës n'ëkpoky myä'kxanë.

Joel 2:31

Pi'itsäämpy yë xëëw ets po'o, ne'pnyën jyajta'aja'any; ka'anëm ënäty yë Wintsën yë xyëëw tpaaty mëti'ipë mëj'äämpy ets kutsë'ëkë itaanpën.

Sofonías 1:10

Jëtu'un yë Wintsën y'ënä'äny: Jä'ä xëëw, nëjkxëp may yë ja'ay näypyutëkë tja'amëtoy jam ma Nëë Jëyujk Majtspë Tyëjk'aawëtyën. Nëjkxëp yë ja'ay mëk jyë'ëtë ya'axtë ma ja mëmäjtskpëkpyë ja kajpnën ko ënäty ja ja'aw jam kyutëkë kopkkëjxm.

Joel 3:16

Amuupëm jam yë Wintsën yajmëtowa'any Sión ets nojkpëm jam Jerusalén yajmëtowa'any, yu'kxaanp yë naaxwiinyëtë. E yë Wintsën yë'ë kyuwa'anäämpy yë nyaax kyajpn, jëtu'un yajpaata'any tä tu'uk yë tsaapotsyën mëti'ipë kajpn kyuwäänpyën ma Israel ja'ayëtyën.

Joel 2:1

Yajxu'uxtë yë pujxnxuxn jam ma Sión kopkën; yaktë ja mëto'owën jam ma Wintsën yë kyopkën. Wä'än tyajxijtyu'kxtë ja mëti'ipë jam Judá tsënaaytyëpën, jä'ä ko tim wiinkoonp ja Wintsën ja xyëëw,

Ezequiel 12:23

E jëtu'unts xy'ënëëmëty: Tëë yë Wintsën y'ënä'äny: Ëjts tëëjës ntuknipëjktaakë ets ka'ap jëtu'un pën y'ëk'ënanëty jam ma Israel kajpnën. Näyjyëtu'un xy'ënëëmëty ko tëë timpyääty ja xëëw jëmëjt ma tyuna'any jyata'anyën tä ja käjpxynyajxpëtëjkëty të tnikajpxtën.

Jeremias 48:41

Oy jënu'un myëjkajpnëty ets oy jënu'un kyëwent'atyëty, ko ja myëtsip nyiminëtëty, o'ktëy tyuna'anyë. Jä'ä xëëw ja Moab ja tsyiptuunpëtëjk nëjkxëp yë tsë'ëkë tyajnaxy tä tu'uk yë to'oxytyëjk tsyë'ëkën ko u'unk maay tyajmina'any naaxwiiny.

Jeremias 30:7

Miimp wiinkoonp ja xëëw ma ja ëyo'on jotmay y'ita'anyën, tääpë xëëw myinyën nijëna'a jëtu'un kya'itynyëm. Ja Jacob ja nyaax kyajpn mon tuk jää yajpaata'antë, je'eyëp koos nyajtso'okäämpy.

Jeremias 25:36

Yaxtëp jojktëp yë kupixyny këwent'ajtpë, jëëytyëp yaxtëp yë kupixyny winwoopë, jä'ä ko tëë ja Wintsën tyajkutëkooytyä'äy ja aay ujts.

Isaías 66:6

Tääpë mëto'owën kajpnjotypë tsyoonyën, tääpë nä'ämpë tsajptëkotypë yajmëtoyën, yë'ë yë Wintsën yajmëtoowëp yë myëk'ajtën ets ëxëëk tyajjata'any tyajkëpäta'any yë myëtsip.

Hebreos 12:26

Ko ja Tios ojts kyäjpxy kopkëjxm, ojts yu'kxy ja naaxwiinyëtë, e tyam jëtu'un y'ënä'äny: Nyajyu'kxäämpyës jatëkok ja naax; je'eyëp ko ka'ap yi'iyëty naax, näjyëtu'un ja tsajp.

Filipenses 4:5

Wä'än ja ja'ay nijawëtë ko yujy naxym mja'ay'atë. Tää ja Wintsën tyimwiinkony.

Isaías 8:22

Ko nëjkx jyanaxku'ixëtë, yi'iyë pyaatantëp ja monyëtukyë ets kupi'its kukoots wyë'ëma'antë.

Ezequiel 7:16

Wä'än jëtää jam pën kopkkëjxm nyajtskääkëty, tä muuxyën mëti'ipë tsë'ëkëkäkpën; tëkokyë y'o'kta'aja'antë mëët ja nyëë pyokyëty.

Joel 3:14

Tam ja'ay jyätyë ma ja joyjotmën ma jam yajnijawëja'anyën wi'ix tu'uktu'uk ja nipaye'eyën y'ita'any. Tëë wyinkony ja Tios ja xyëëw.

Jeremias 46:5

E ¿tiijës n'ijxyp? Tsë'ëkë tsë'ëkë jyaak winpitë. Jëtu'unyë kyääkwa'kxta'atë mëti'ipë tsip'ixyëtyën ko ka'ap y'ëkmëtaknëtë; pëyi'ikyë jyänty kyä'äktë, ni pën kyanäjyë'ixyë. Aak kutsë'ëkë oy myaa'ajnë. Ëjts Wintsën, ëjts ënaanp.