Rut 4:6 - Biblia Mixe de Quetzaltepec

⁶ Ko jëtu'un tmëtooy, tä ja myëku'uk y'ëtsooy: Pën jëtu'un, ka'ap tjëkyepy njuyëtyës. Jä'ä ko tsojk jyotmaykyojëty maas ja nkuma'ayënën. E pën mijts mjuyäämpy, oy xyjyuyëty. Tyam mijts nmo'ojëty mëti'ipë ënäty ëjts xyjyapatpën.

Biblia Dc en Mixe de Quetzaltepec

⁶ Ko jëtu'un tmëtooy, tä ja myëku'uk y'ëtsooy: Pën jëtu'un, ka'ap tjëkyepy njuyëtyës. Jä'ä ko tsojk jyotmaykyojëty maas ja nkuma'ayënën. E pën mijts mjuyäämpy, oy xyjyuyëty. Tyam mijts nmo'ojëty mëti'ipë ënety ëjts xyjyapatpën.

Rut 4:6 ပူးပေါင်းရင်းမြစ်များ

Rut 3:13

Tyam, yaa ëkwë'ëmnëm, jopynyëm yajnijawëty wi'ix ya'atë winma'any wyi'imy, pën yë'ë tyunäämpy ma mijtsën mëti'ipë yë'ë patëpën, oy'atëp. E pën kajts tuna'any, Tios wintuuyës yam nyikäjpxy koos jëjp'ixyës nyajpaaty etsës ntunëty mëti'ipës xypyatpën. Tyam yaa ma'a po'kx, jopynyëm mnëjkxëty.

Levitico 25:25

Pën tu'uk yë mëkunaax mëkukajpn yaj'ëmaaytyäkpy yë wyit myeeny ets mtukmëtookyë yë nyaax kyam. Pën jam yë jyiiky myëku'uk ets myëkä'äx, jyëkyejpy yë'ë nëjkx tjuuypyëtsimy ja naax, mëti'ipë ënäty të tookyën ja myëku'uk.

Deuteronomio 25:7

E pën ja ye'etyëjk kajts tpëka'any ja kyäpy, ja to'oxytyëjk jam nëjkx tnikäjpxy ma ja kutuunktëjkëtyën ets ma ja mëjja'aytyëjkëty jam yajpaatën ets y'ëna'anëty: Yë nkäpyës ka'ap tsoky ets y'äjty yë xyëëw ja'amyetsy y'itëty ma Israel kajpnën. Ka'apës xypyëka'any, e ëjts nija'apës ko yë'ë patëp jä'ä ko yë'ëjës nkäpy'äjtyp.

Génesis 38:8

Ënät yë Judá wiinkpë ja myaank t'ënëmaay mëti'ipë xyëëwajtypyën Onán: Puwa'akë yë to'oxytyëjk mëti'ipë yë m'ajty të tku'ookyën, mijts jëtu'un mpatëp, jä'ä ko mijts mkäpy'ätyë. Jëtu'un yë m'ajty tmëët'atëty yë y'u'unk y'ok mëët mijtskyëjxm.

Deuteronomio 25:8

Ënät nëjkx ja kutuunktëjkëty ets ja mëjja'aytyëjkëty tmëjwowtë ja ye'etyëjk ets tmëmëtya'aktëty. Pën janty ënaanpën ko ka'ap tpëka'any ja to'oxytyëjk, mëti'ipë ja y'äjty të tku'ookyën.

Deuteronomio 25:9

Ënät ja to'oxytyëjk twinmëtsujëty ja kyäpy ets tpëjkëty ja kyë'ëk tu'kpa'a ets t'ënëëmëty: Jëtu'un yë ye'etyëjk yajtuny mëti'ipë ka'ap tsokyën ets myëkä'äx yë xyëëw ja'amyetsy y'itëty mëti'ipë të y'ookyën.

Rut 2:20

Ets ja Noemi y'ëtsoowë: Wintsën Tios kënu'kxëtëp mëjwiin këjää. Mëët ko xy'oyjya'aw xytsyuja'awëmë, yë'ë jëtu'unyëm yë y'oyjyä'äyëty, jëtu'un ijty jyä'äy'äty mëët ja mëti'ipë të y'o'knëtën. Tääpë ja'ay nmëku'uk ëëts yë'ëjëty, paaty patëp ets xypyutëjkëmëty.

Rut 3:9

Tääts tyajtëëy: ¿Mpën mijts? Ets ja Rut y'ëtsooy: Rutës ëjts. Ëjts ni'ija'apës ko mijts nmëku'uk'aty ets mpatëp etsës xykyuwa'anëty. Ntsojkpyës ets ëtsajtëm mpëjkmëty.