Rut 4:13 - Biblia Mixe de Quetzaltepec

¹³ Jëtu'un ja Booz mëët pyijky ja Rut. Ko mëët tsyënaayi'ky yë Wintsën ojts tyajkutuky ets Rut u'unk mëët wyë'ëmëty.

Biblia Dc en Mixe de Quetzaltepec

¹³ Jëtu'un ja Booz mëët pyijky ja Rut. Ko mëët tsyënaayi'ky yë Wintsën ojts tyajkutuky ets Rut u'unk mëët wyë'ëmëty.

Rut 4:13 ပူးပေါင်းရင်းမြစ်များ

Génesis 20:17

Ënät yë Abraham ojts yë Tios tmënu'kxtä'äky, tä ja Tios jatëkok tyajjëwä'ky ja yuu pa'am ma ja Abimélec ja jyot nyini'kxën ets ma ja tyo'oxytyëjkën. Ojts näjyëtu'un tsyo'oktë y'akëta'aktë ja tyuunpë ets mëpaat y'u'unk'ixtë.

Génesis 25:21

Yë Rebeca ka'ap ënäty tjëkyepy yë u'unk tmëët'atëty, paaty ojts yë Isaac yë Tios mëktä'äky tmëkäjpxy mëëtkyëjxm yë Rebeca. Yë Wintsën ojts yë Isaac yë kyapxtakën tmëtoowë. Jä'ä ko Tios myëët'ajtyp yë mëk'ajtën, ënät ojts yë Rebeca jyänty wyi'imy u'unk mëët.

Génesis 29:31

Ko yë Tios t'ijxy, ko yë Jacob ka'ap ënäty nëkooyë tsyoky yë Lea. Ënät ojts tyajkutuky ets ja Lea ni'ik ja u'unk maay tmëët'atëty, këtiinëm jyëtu'unëty ja Raquel. Ja Raquel nitu'uk ënäty ja u'unk maay tkamëëtëty.

Génesis 30:2

Ënät yë Jacob ojts tukjoot'anpëky yë tyo'oxytyëjk ets t'ënëmaay: ¿Tii ëjts Tios'ajtpë? Yë Tios yë'ë tyajkutuky ets u'unk maay xymyëët'atëty.

Génesis 33:5

Ko t'ijxy ja Esaú ja to'oxytyëjkëty ets ja y'u'unk y'ëna'këty, ënät tyajtëëy: E ya'atë to'oxytyëjkëty mëët yë y'u'unk y'ëna'këty. ¿Pën yë'ëjëty? Tä Jacob y'ëtsooy: Ëjts yë n'u'unk n'ëna'k mëti'ipës yë Tios të xymyo'oy të xykyexyën.

Salmos 113:9

Ja to'oxytyëjk mëti'ipë ka'ap ja y'u'unkën, myoopy ja jotkujk'ajtën ets y'itëty taak tsi'tsk ma ja y'u'unk y'ëna'kën, ets jotkujk tyaj'ity ma ja jyëën tyëjkën. Tukxoontä'äky mëjjawë Tios yë xyëëw nyaxëty.

Salmos 127:3

Yë n'u'unkëtyës mëti'ipë miintëpën naaxwiiny naaxkëjxy, yë'ë tu'uk mëj näkyënu'kxë mëti'ipë Wintsën yäjkpyën.

Rut 3:11

Këtii mtimtyë'ëkëty u'unk maay, ma ya'atë naax kajpnën nyija'awëtyëp yë ja'ay ko mijts oyjyot oywyinma'any xymyëëtëty ets oy winë xytyuny. Paatyës tyamës nkupëky ets mpëjkmëty ijxtëm të xy'amëtoyën.

Rut 4:12

Tios yë'ë yajkutukëp ets may yë u'unk maay xypyaatëty. Ets myäyëty yë m'u'unk m'ëna'këty, jëtu'un tä yë Fares, yë Judá ets Tamar y'u'unk y'ëna'k nyimayajtën.

1 Samuel 1:27

Etsës yë Wintsën n'amëtooy etsës xykyë'ëmo'ojëty tu'uk yë u'unk maay, e yë'ë tëëjës xyäntymyo'oy.

1 Samuel 2:5

mëti'ipë ënäty ka'ap tii y'ëmaaytyakxëtyën, tyam yajtsiptäkpy ja yiinpë wäänpë; e ja mëti'ipë ënäty yuu'o'këtëpën, tyam ka'ap ja tii t'ëkyaj'ëmaaytyaknë. Ja to'oxytyëjk mëti'ipë ënäty ka'ap tjëkyepyën y'u'unkpaatëty, tyam ni'ik wëxtujk'ok ja y'u'unk të tnayajmëxu'unk'ajnë; e ja mëti'ipë ënäty janty may ja y'u'unk y'ëna'kën, tyam jëtu'un ja jyaak yajpaaty tä yë aay ujts të xyjyotkëtaknën.