Rut 3:7 - Biblia Mixe de Quetzaltepec

⁷ Booz ku'uxyë ojts kyäy y'uuky ets janty jotkujk nyäpyëjktakë. Jam nyäkyo'kë ma ja tsajpmok nyipetyën. Kom ok ja Rut myiiny ame'tsyë ets tnipä'äntuty ja Booz ja tyeky ets jam nyäkyo'kë.

Biblia Dc en Mixe de Quetzaltepec

⁷ Booz ku'uxyë ojts kyäy y'uuky ets janty jotkujk nyäpyëjktakë. Jam nyäkyo'kë ma ja tsajpmok nyipetyën. Kom ok ja Rut myiiny ame'tsyë ets tnipä'äntuty ja Booz ja tyeky ets jam nyäkyo'kë.

Rut 3:7 ပူးပေါင်းရင်းမြစ်များ

Ester 1:10

Ja yajkutujkpë Asuero janty'oy ets janty jotkujk nyäjya'awëyë ma wyëxtujkxëëwpejtyën ja xëëw, tëë ënäty y'uuky. Ënät tkejxy ja Mehumán, Biztá, Harboná, Biktá, Abagtá, Zetar ets Carcás, niwëxtujk tkejxy aakyë'ë mëti'ipë tyukjotkujk'ajtypyën,

Jueces 19:6

Ënät nimäjtskëty ja pyu'uy yajmooytyë ets nyaaxwä'tstë kääpyë ukpë, tääts y'ënëmaayëtë ja to'oxytyëjk ja tyeety ets jyaakwë'ëmtëty ja tu'ktsuujën.

2 Samuel 13:28

tëë ënäty t'ënëëmë ja tyuunpëtëjk: M'ixtëp yajxon, ko ja Amnón myukpëkëtëty, koos nikajpxëty ets xyaj'ooktëty, tääts ënätyë xyaj'ooktëty. Këtii mtsë'ëkëtëty, ëjts yam jëtu'un ni'ënä'ämëp. Amëk jotmëk myajpaatëty.

Jueces 19:9

Ko ja Leví ja'ay ojts pyëtë'knë ets tsyonanë mëët ja tyo'oxytyëjk ets ja tyuunpë, ja myë't ojts jyaakënë'ëmxëty ko tsu'ujënyëp ënätynyë nëkoopë tsyoontëty, tiits jaakwë'ëmtëp jeexyë ja tu'ktsuujën ets komjëpomnën mnëjkxtëty.

Eclesiastés 10:19

Yë ka'ayën ukën paatykyëjxm yë'ë të yajtuknikojë ets yajtukxon yajtuk'itëty, yë tsatym nyëë yë'ë të yajtuknipëjktaakë ets yajtukxoonta'akëty; e yë meeny yë'ë të yajtuknipëjktaakë ets tääpë mäjtsk yajjuyëty.

Eclesiastés 9:7

Paaty ni'ik oy, ko xytyukxoonta'akëty yë mkääky m'uuky mëti'ipë mpatyp m'ijxpyën; tukxoontä'äky yë tsatym nyëë mëti'ipë tëëpë nyimaanaxyën ko xy'uukëty, jä'ä ko yë Tios y'oy'ijxyp yë oypyë mtu'unën.

Eclesiastés 8:15

Paatyës ëjts yë'ëjës ni'ik nyajmëjnajxyp yë xoontakën. Yi'iyë jëtu'un mëpaat yë naaxwiinyëtë ja'ay tuny, kyäyëty y'uukëty, y'uukëty jyë'kxëty ets y'äts xyoonta'akëty, jä'ä ko yi'iyë jëtu'un jyaak jëkyejpy tunëty ma yaa yë Tios naaxwiinyëtë naaxkëjxy të pyëjktä'äkyën.

Eclesiastés 2:24

Yi'iyë mëpaat yë naaxwiinyëtë ja'ay mëpaat tuny ets kyäyëty y'uukëty ets tukxoonta'akëty mëti'ipë nyijëtu'unëpën, jä'ä ko yi'iyës të nwinjawë ko tääpë yë'ë Tios yäjkpy.

Salmos 104:15

yë ka'ayën ukën mëti'ipë mëjaaw moopyën, ets tsatym nyëë mëti'ipë yajjotkujktakpën, ets wyiin jyëjp yaj'ixy tim o'oyëtyääpy yowë.

1 Corintios 10:31

Jëtu'unës yam n'ëna'any, pën mkaaytyëp m'uktëp, ëkë pën tii mtuuntëp mkajpxtëp, jëtu'un winë tuntë ijxtëm ja Tios yajtukmëjjawëtyën.

1 Reyes 21:7

Ënät ja Jezabel, mëti'ipë ja Ahab tyo'oxytyëjk'ajtypyën y'ëtsoowë: Yaa Israel, mijts yaa m'ënä'ämp ¿këtiijë? Kay uuk akujk jotkujk. Ëjts nija'ap wi'ixës yam tääpë Nabot y'uvëkam mpatës ets mijts xyjyä'ä'atëty.

Jueces 19:22

Jää ma ënäty jap jotkujk yajpaatën, jää ojts myintë yë ja'ayëty jampë kyukajpn'atën ets tyajnatujktë ja tëjk, tää t'ënëmaaytyë ja mëjja'ay mëti'ipë kutëjk'ajtpën: Juut tääpë ye'etyëjkëty mëti'ipë të xyaja'ajtä'äkyën. Wä'änës mëët t'ëko'knëtë.

Jueces 16:25

E janty jotkujk ënäty nyäyjyawëtë, ënät ojts y'ëna'antë ets ja Sansón tmëmintëty ets tukxi'ika'an tuk'ëwë'ëka'antë. Tä tjanty jyu'të jap pujxn tëkoty ets yajxon t'ëktukxik t'ëktuk'ëwë'ktë; jam tënääytyaktë itkujky ma mäjtsk yë xeny yajpaatyën mëti'ipë ja mëjtëjk myajts'ijtypyën.

Génesis 43:34

Yë José ja myëku'uktëjk yë'ë tyukjë'kx mëti'ipë ënäty näjyëtu'un jam jyi'kxypyën ets ja Benjamín jaakni'ik ojts winë tmo'oy këtiinëm jyëtu'unëty ja wiinkëtpyë; ojts kyääymyuk y'ukmuktë ets jotkujk nyäjya'awëtë.

Efesios 5:18

Ka'ap m'uuktëty mmu'ukëtëty, jä'ä ko yë'ë yajtëkoopy; nikë oy ko mtu'umo'ojëtëty ja Kënu'kxymyëkajtën.

Rut 3:6

Ja Rut ojts jam nyijkxy ma ja Booz ja kyamën ets jëtu'un tuuny tä ja tyaakxyäkxy ënäty të y'ënë'ëmxëtyën.

Rut 3:8

Kujk tsu'um ojts yë Booz wyijy ets je'eyë kyi'itwinpijty ets tja'awëy ko tamtëm tu'uk to'oxytyëjk kyo'knë tyeky'ix'am.