Rut 2:20 - Biblia Mixe de Quetzaltepec

²⁰ Ets ja Noemi y'ëtsoowë: Wintsën Tios kënu'kxëtëp mëjwiin këjää. Mëët ko xy'oyjya'aw xytsyuja'awëmë, yë'ë jëtu'unyëm yë y'oyjyä'äyëty, jëtu'un ijty jyä'äy'äty mëët ja mëti'ipë të y'o'knëtën. Tääpë ja'ay nmëku'uk ëëts yë'ëjëty, paaty patëp ets xypyutëjkëmëty.

Biblia Dc en Mixe de Quetzaltepec

²⁰ Ets ja Noemi y'ëtsoowë: Wintsën Dios kënu'kxëtëp mëjwiin këjää. Mëët ko xy'oyjya'aw xytsyuja'awëmë, yë'ë jëtu'unyëm yë y'oyjyä'äyëty, jëtu'un ijty jyä'äy'äty mëët ja mëti'ipë të y'o'knëtën. Tääpë ja'ay nmëku'uk ëëts yë'ëjëty, paaty patëp ets xypyutëjkëmëty.

Rut 2:20 ပူးပေါင်းရင်းမြစ်များ

2 Samuel 2:5

Paaty ja David ojts tu'uk ja ayuk tkexy ma tääpë ja'ayëtyën ets t'ënëmaay: Yë Wintsën yë'ë mkënu'kxëtëp mëët ko ja oyjyot oywyinma'any të xyajkëxë'ëktë, ko xyajnaaxtëjkëtyë ja Saúl ja nyini'kx mëti'ipë tu'uwinwoowën.

2 Samuel 9:1

Tu'kxëëw tu'ktiempë ojts yë David tyajtëy ja ja'ayëty ets y'ënäny: ¿Këtii jëtäätën maa pën y'ëkjuuky'ajnë mëti'ipë yë Saúl myëku'uk'ajtypyën ets jeexyë nkumayës mëët ko ja Jonatán ijty oy mëët näjyawëtyësë?

Job 19:25

Ëjts nija'apës ko juuky yajpaaty mëti'ipës xypyukajpxëjaanpën ets yë'ëjës xynyikajpxtu'utaanp yaa naaxwiiny naaxkëjxy.

Proverbios 17:17

Tu'uk yë jëëky mëku'uk xëmë tsyoky jyawë; jëtu'un nyäxy tä mëkä'äxën ko myëku'uk mon tuk yajpaaty.

Levitico 25:25

Pën tu'uk yë mëkunaax mëkukajpn yaj'ëmaaytyäkpy yë wyit myeeny ets mtukmëtookyë yë nyaax kyam. Pën jam yë jyiiky myëku'uk ets myëkä'äx, jyëkyejpy yë'ë nëjkx tjuuypyëtsimy ja naax, mëti'ipë ënäty të tookyën ja myëku'uk.

Filipenses 4:10

Ntukxoontäkypës ets nkukajpxëpës ma miitsëtyën ets ma Wintsënën koos jatëkok të xyjyä'ämyätstë. Ka'apës yë'ë ntijy koos miits të xyjyä'ätyëkoytyë, jä'ä ko ka'ap të mmëta'aktë ets jeexyë të xypyutëkëtës.

Rut 2:21

Tääts ja Rut jyaak'ënany: Nen tëëjës xy'ënëëmë koos njaaknëjkxkojëty tuunpë mëët tu'knax ja tyuunpëtëjk, koonëm pyëtë'kta'ajëty ja pyëjktä'äky.

Rut 3:12

E oy jyëtu'unëty koos winkon mijts xymyëku'uk'aty, mijts tam wiinkpë mmëku'uk jaakwinkonpë këtiinëm ëjts.

Rut 4:14

Tä ja to'oxytyëjkëty t'ënëmaaytyë ja Noemi: Mëj'äämpy yë Wintsën nyäxy ko tyam të mo'oyë tu'uk yë m'ok'u'unk mëti'ipë mkëwent'atanëpën. Jääpëk yë m'ok'u'unk mëj'äämpy nyäxy ma Israel kajpnën.

Rut 4:4

E paaty yam ntuk'ëwaanë ets xynyijawëty, pën mjuyäämpy nikajpx ma ya'atë mëjja'aytyëjkëtyën mëti'ipë y'ixtëp nyijawëtëp ma ya'atë naax kajpnën. E komë mijts mëët winkon yë Elimélec mnämyëku'uk'atyë, mpatëp ets mijts xykyujuyëty yë nyaax kyam. E pën kajts xyjyuyä'äny, xytyuk'ëwaanëpës. Jä'ä ko mijts xykyajuyëty ëjts xypyatp njuyëtyës, jä'ä koos nän nmëku'ukës yë Elimélec, je'eyëp ko najëkäm. Ënät y'ëtsooy ja tu'uk: Tyamës ëjts nkujuyëty.

Rut 4:6

Ko jëtu'un tmëtooy, tä ja myëku'uk y'ëtsooy: Pën jëtu'un, ka'ap tjëkyepy njuyëtyës. Jä'ä ko tsojk jyotmaykyojëty maas ja nkuma'ayënën. E pën mijts mjuyäämpy, oy xyjyuyëty. Tyam mijts nmo'ojëty mëti'ipë ënäty ëjts xyjyapatpën.