Rut 2:10 - Biblia Mixe de Quetzaltepec

¹⁰ Tä ja Rut tkukajpxëy ets wyintäky nyaaxkooy mëët ja wintsë'kën ets t'ënëmaay ja Booz: ¿Wintsën, tiijës ko xy'oyjawë, janty'oy mjot mwinma'any xyajkëxë'ëky mëët ëjts, oyës njëpyaat njëpyo'kxëty?

Biblia Dc en Mixe de Quetzaltepec

¹⁰ Tä ja Rut tkukajpxëy ets wyintäky nyaaxkooy mëët ja wintsë'kën ets t'ënëmaay ja Booz: ¿Wintsën, tiijës ko xy'oyjawë, janty'oy mjot mwinma'any xyajkëxë'ëky mëët ëjts, oyës njëpyaat njëpyo'kxëty?

Rut 2:10 ပူးပေါင်းရင်းမြစ်များ

Génesis 18:2

Ko ojts ja Abraham y'ijxë'ëky, ënät t'ijxy nitëkëëk yë ja'ay wyintänëty ye'etyëjk. Ko jëtu'un t'ixy ojts pojën y'ëxwä'ätsë'ëky ets ojts t'ëëwpo'kxy tkajpxpo'kxy.

2 Samuel 19:28

ëjts mëëtës yë nteety n'ap ets n'u'unk n'ëna'k xynyitëjkëtyëpës ets n'ooktëtyës ma mijtsën mëj'ënä'ämpë, ëjts ni'ikyënëmës ojts xymyo'oy ja nka'ayënës n'ukënës ma mijts mkay m'uukyën. ¿Tyam tiijës njaaktimy'amëtowëp yë mëj'ënä'ämpë?

2 Samuel 7:18

Ënät ja yajkutujkpë David tyëjkëy jap tëkoty ets myëtya'aka'any mëët ja Wintsën ets t'ënëmaay: Wintsën, ¿jënu'unëmës jëtää ëjts tii n'ëktimtsyowëty ets näjyëtu'un ja n'u'unk n'ëna'kës, etsës mijts Yaapaat të xyajja'ty?

2 Samuel 9:8

E ja Mefi-bóset, ojts wyintä'äky nyaaxkoy jëyëjp ets y'ënäny: ¿Ëjts ka'apës nijawë, tii ko jëtu'un yë ënä'ämpë xy'ënëëmës? Yë ënä'ämpë wa'ats tnijawë ko ka'apës nitii xymyäy ets ntunëtyës, jëtu'unës ëjts tä tu'uk yë uk ookyën.

Levitico 19:34

Jëtu'un xyjyawëtëty, tä aak miitsëty mnäjyawëtën. Tsoktë jawëtë jä'ä ko jëtu'un yë'ë jyä'äyëty tä miitsëtyën. Yë'ë ëkmëmay ëkmëtajtë ko miitsëty jaaypyaat jaaypyo'kxy ojts jap m'itë Egiptë. Ëjts jëtu'un Wintsën, mëti'ipë miits mTiosajtëpën.

Mateo 25:35

Jä'ä ko të nyuu'ookyës, tëëjës miitsëty xyajkaytyë; koos të ntëëtsë tëëjës miits xyajnëë uuktë; koos jëtu'unyë të n'any të mpojy, tëëjës xyjyëënmo'o xytyëjkmo'otë;

Lucas 1:43

Tim pën ëjtsnë ets ja Wintsën ja tyaak xykyu'ixëtyës.

Lucas 1:48

Tëës ja Tios xynyi''ijxkëtä'äky, ëjts yë tyuunpë yu'unkpë naxymyëpë. Tyam ënät ëjts xëmë ja ja'ay ni'ëmukë xytyijnëty ko n'akujk njotkujkëtyës.

Romanos 12:10

Nätsyokëtë ijxtëm ja ja'ay tyukä'äx'atyën. Näwyintsë'ëkëtë nixim niyam tu'knax.

Rut 2:11

Tä ja Booz y'ëtsooy: Ëjts wa'atsës nijawë wi'ix janty'oy xymyëët'aty yë mtaak mxäkxy ets wi'ix mëk xywinkutsë'ëkën oy tëë ja mniye'etyëjk y'o'knë. Näy tëëjës nijawë ko mijts tëë yë mnaax nkajpn xy'ëxmatsy ets mteety mtaak tääts yaa të miny ma ëëtsëtyën oyës nwiinkja'ay'atë.

Rut 2:13

Ënät ja Rut y'ëtsooy: Mijts janty'oy mja'ay'äty mëët ëjts, yë m'aaw m'ayuk janty jotkujkës xyajnäjyawëty. Mëët ja aaw ayuk oypyë të xymyëkäjpxyës, oyës nkajëtu'unëty tä nitu'ukën yë mtuunpë.

Rut 2:19

¿U'unk maay maaxën tyam të mtuny të mkupëky? Jëtu'un ja Noemi tyajtëëy ja Rut. ¿Maatën ya'atë tsajpmokpajk të xy'ëkmaypyëjknë? Tios jaakmo'o jaakkäxëtëp yë ja'ay mëti'ipë ya'atë näypyëtëkë të tyäkyën. Rut wa'ats tukmëmëtyaktaay ja tyaakxyäkxy pën ënäty mëët të tyunyën: Yë ja'ay maas ojts të ntunyën jä'ä xyëëwajtyp Booz. Jëtu'un t'ënëmaay.

Rut 2:2

Ënät yë Rut jatëkok t'ënëmaay yë Noemi: Nanë, ëwatskës yë ntu'u, wä'änës nëjkx n'ixta'ay yë tsajpmok, kooxyëp muum npaatëtyës yë ja'ay mëti'ipë oyjyä'äyën ets jam kyamjotm npëjkmukëtyës yë tsajpmok mëti'ipë tu'uka'apën. Nëjkx, u'unk, nëjkx, jëtu'un ja tyaakxyäkxy y'ëtsoowë.

Rut 2:9

Pën maa nyëjkxtë, jam mnëjkxëty. Ëjts tëëjës n'ënëëmëtë ko këtii nëkoo m'ënaxëtëty. Pën mtëtsëp jam nëjkx mnëë'uuky ma tyaj'itën yë nyëë'apëjkënëty.

1 Samuel 25:23

Ko ja Abigail t'ijxy ja David ënätyë ojts ja jyëyujk tukjënäky ets twinkujijtëy tääts jëtu'un tyaj'ijxë ja näwyinkutsë'ëkë.