Rut 1:20 - Biblia Mixe de Quetzaltepec

²⁰ E ja Noemi tyaa y'ëtsooy: Këtiijës jëtu'un xy'ëktijnëtë Noemi; jä'äs xytyijtëty Mará, jä'ä ko yë Tios mëti'ipë maaytyääyëpën winë, tëëjës yë njuukyajtën tyajkëxy mëët yë monyëtukyë.

Biblia Dc en Mixe de Quetzaltepec

²⁰ E ja Noemi tyaa y'ëtsooy: Këtiijës jëtu'un xy'ëktijnëtë Noemi; jä'äs xytyijtëty Mará, jä'ä ko yë Dios mëti'ipë maaytyääyëpën winë, tëëjës yë njuukyajtën tyajkëxy mëët yë monyëtukyë.

Rut 1:20 ပူးပေါင်းရင်းမြစ်များ

Job 6:4

Mëti'ipë maaytyääyëpën winë, jëtu'unës të xytyuny ijxtëm jeexyë të xytyukmoxmëkumën yë xyëwät ets të tukye'eyëtyä'äy yë njot nini'kxës. Tëës yë Tios xytyuktu'u'ëtujkta'ay yë ëyo'on jotmay.

Hebreos 12:11

Ko pën tii yajtuk'ojy ëkë yajtuk'ënëëmë ka'ap oy nyäjyawëty, ni'ikyë yajmëkjawë; e ko oy yajja'akyukë, oy ja ja'ay tukjuuky'äty ets mëtëy winë tuny.

Isaías 38:13

Jëtu'un tääjës jeexyë kaa xy'akääp xytyuk kääpën, jëtu'unës një'ëy nyä'äxy xëëny koots. Xëëny kootsës xyaj'ëyoy.

Salmos 88:15

Yë jëtu'unpë jää ojts tsyo'ontä'äky koos n'ëna'k'ajty ets jëtu'un tyampaat tyu'uye'ey, mon tukës nyajpaaty, o'kën jëjp'amës näjyawëty; tëës yë këjääjëtypë ëyo'on jotmay nyajnaxy mëti'ipës të xytyuknikexyën, e maas tyam ja ëyo'on npaatyën ka'apës n'ëkmëmëta'akanë.

Salmos 73:14

Jä'ä ko janty janaam jatsojkës nyajkoxy nyajtsiiky, ets jopy jopyës xëmë nyajtëytyuny.

Job 19:6

Yë'ë yajxon nijawëtë ko yë Tios yë'ëjës të xyajkëtay, yë'ëjës jam të xyajkuka'ajë ma o'ktaknën yu'utsypë.

Job 5:17

Jotkujk ets xoontä'äky yë ja'ay yajpaaty mëti'ipë Tios ojëpën; këtii xy'ëxëëkjawëty ko m'ojëtëty yë Tios mëti'ipë maaytyääyëpën winë.

Job 11:7

¿Mijts m'ënaanp ko winë xywyinja'awëtya'aja'any mëti'ipë yë Tios tyuunpy kyäjpxypën ets xynyija'awëtya'aja'any tu'kë'ëyë mëti'ipë yë'ë nyija'apën?

Éxodo 6:3

Ojtsës nnänyikëxë'ëkyë ma Abraham, Isaac ets Jacob, etsës ojts jëtu'un ja nxëëw nkë'ëyäky, Tios mëti'ipë maaytyääyëpën winë. Ëjts ka'apës nëkoo ja nxëëw ojts ntimkyë'ëyajkojy, tääjës mëtëy nxëëwatyën: Wintsën.

Génesis 43:14

Tios mpa'ëyowëtëp tääts tnajtsmatsëty ja tu'ukpë ja mëku'ukëty ets Benjamín, e pën ëjts jëtu'unës ënät u'unktuk nwë'ëmëty, minës jëtu'un n'ëkwë'ëmy.

Génesis 17:1

Ko ënäty yë Abram yë jyëmëjnë majkta'px majkmokx majktaxk, ënäty yë Wintsën nyänyikëxë'kë ma yë'ëjën ets y'ënëmaayë: Ëjts jëtu'un Tios'ajtp. Ëjts nmëët'ajtypyës yë mëk'ajtën ets mjuuky'atëty wa'ats, m'itëty oy tsuj ëjts nwintum.

Apocalipsis 21:22

Ni ma kajpn jëtu'un të nka'ixyës ja tsajptëjk ma Tios yajwintsë'ëkën, jä'ä ko ja Tios mëti'ipë maaytyääyëpën winë ets ja mëti'ipë yajtijpën Kupixyny U'unk, yajwintsë'këtëp jä'ä oymyaajëty.

Apocalipsis 1:8

Ëjts tso'ontakp ets ëjts jëjpkëjxp jëtu'un ja Wintsën Mëti'ipë Maaytyääyëpën Winë y'ënä'äny, mëti'ipë tyam ijtpën, mëti'ipë tëëyëp ijtën ets mëti'ipë itaanpën.

Éxodo 15:23

Ko jam jya'ajtë ma tu'uk ja naax txëëwëtyën Mará, jam tpatë tu'uk yë nëëwooky, e ja nëë ta'am ënäty, ka'ap tjëkyejpy t'uuktëty, paatykyëjxm ojts txëëwmo'otë Mará.

Job 9:18

je'eyës nëjkx ni'ikyë ntëkë moonpë tujkpë ets ka'apës n'ëk'xajnëty.