Rut 1:15 - Biblia Mixe de Quetzaltepec

¹⁵ Tä ja Noemi t'ënëmaay ja Rut: Ëk'ix u'unk maay, yë m'ojy tëë nyëjkxnë ma nyaax kyajpnën ets ma ja tyios t'ëwtatën. Panëjkx yë mmëku'uk.

Biblia Dc en Mixe de Quetzaltepec

¹⁵ Tä ja Noemi t'ënëmaay ja Rut: Ëk'ix u'unk maay, yë m'ojy tëë nyëjkxnë ma nyaax kyajpnën ets ma ja tyios t'ëwtatën. Panëjkx yë mmëku'uk.

Rut 1:15 ပူးပေါင်းရင်းမြစ်များ

2 Reyes 2:2

Tääts ja Elías t'ënëmaay ja Elisejë: Yaa wë'ëm, jä'ä ko jamës yë Wintsën të xykyexy Betel. E ja Elisejë tyaa y'ëtsooy: Ëjts tyamës yajxon ntimnyikäjpxy mëët yë Wintsën yë xyëëw ets mëët mxëëw näjyëtu'un, ko mijts ka'ap nijëna'a n'ëxmatsëty nätyu'uk. Ënät ojts nimäjtsk nyëjkxtë jam Betel.

Salmos 125:5

Mëti'ipë ja në'ë tu'u ëxëëkpë kyuuynyëjkxtëpën, wä'än ëxëëk tjatë tä ja ëxëëkja'ayëtyën. Wä'än tjam'aty ja jotkujk'ajtën ma Israel kajpnën.

Salmos 36:3

Ëxëëkjatyëty yë aaw ayuk tyajpëtsëmy ets antakp, të tyajtëkooynyë yë y'oyjyot y'oywyinma'any ets ka'ap tii oy t'ëktuunë.

Sofonías 1:6

Nyajkutëkoyäämpyës näjyëtu'un mëti'ipës xynyawa'ktutpën, mëti'ipës ka'ap xy'ixta'ayën ets mëti'ipës ka'ap tii xyajtëyën.

Números 10:30

E ja Hobab tyaa y'ëtsooy: Ka'ap yowë. Jamës jatëkok nwinpita'any maas yë nnaax nkajpnën ma tsyëënëtën ja njëëky nmëku'ukës.

Lucas 24:28

Ko tmëwinkoontë ja kajpn ma ënäty jya'ta'antën, ënät ja Jesús ye'eytsyo'ony pe'tym ijxtëm jeexyë jyotëkoyën.

Hebreos 10:38

Yë n'u'unkës mëtëy jyuuky'ata'any mëët ja mëpëjkën; jää tëy ko tyu'utëkatsëty ka'apës nëjkx oy näjyawëty.

Josue 24:15

E pën kajtsën xymyëtuna'antë yë Wintsën, tyam xytyimnikajpxtëty pën mpanëjkxantëp: nikajpxtë pën yë'ë mpanëjkxantëp ja wiink tios mëti'ipë ja m'aptëjkëty y'ëwtajtën jam Éufrates mëjnëë''ëkë'ëm, ëkë tiosëty mëti'ipë yë Amor ja'ayëty y'ëwtajtëpën yaapë tsyënaaytyën. E ëjts mëëtës yë n'u'unk n'ëna'k etsës yë nkujëën nkutëjk yë'ëjës yë Wintsën nmëtunantëp.

Josue 24:19

E ja Josué tyaa y'ëtsoowëtë: Miitsëty ka'ap xyjyëkyäptë Tios xymyëtuntëty. Jä'ä ko wa'ats yë'ë ets ni'äkë'ajtp; ko pën je'eyë kyäjpxykyutëjy ets pyokytyuny, ka'ap jëtu'unyë tnani''ijxnaxy.

1 Juan 2:19

Yë'ëjëty tëë jam yajpaatë ma ëëtsajtëmën. Je'eyëp ko ka'ap oy të myëpëktë. Ko jeexyë tu'ukyë ja jyot wyinma'any të tpëjkta'aktë, ka'ap jeexyë të xypyuye'eytyutëmë. Jëtu'un të nyikëxë'ëky ko ka'ap ëëtsajtëm nja'ay'ajtëmë.

Jueces 11:24

Yë Quemós mëti'ipë mTios'ajtypyën, ko tii mo'oyë, mijts mjä'äniwäämpy yë'ë: ¿Këtiijë? E näjyëtu'untsën ëëtsëty Tiosës ya'atë naaxwiinyëtë të xymyo'otë, paatyës njä'äniwa'antë.

Rut 1:14

Tä ojts tyëkëtë jatëkok yaxpë. Ja Orfa jä'ä ojts nyëjkxnë, je'eyë ojts tjaaktsu'kxy ja tyaakxyäkxy Noemi ets mëët nye'ëxmajtsë. E ja Rut ojts wyi'imy mëët ja tyaakxyäkxy.

Rut 1:16

E ja Rut tyaa y'ëtsooy: Këtiijës xy'atsip'aty ets mijts n'ëxmatsëty. Ëjts tëëjës ntuknipëjktaakë ko mijts npanëjkxa'any; ma mnëjkxyën jamës nnëjkxa'any; ma mjuuky'ätyën jamës njuuky'ata'any. Yë mkajpn yë'ëjës nkajpn'atäämpy ets mTios yë'ëjës nTios'atäämpy.