Rut 1:1 - Biblia Mixe de Quetzaltepec

^1-2 Jä'ä xëëw, jä'ä jëmëjt, ma ënäty y'ënä'ämtën yë tsiptuunpë ja'ayëty tsip'ixypyë jam Israel kajpnjotm, ojts yë yuu xëëw y'ity. Paatykyëjxm ojts tsyo'onë tu'uk yë ja'ay, Elimélec xyëëwajtyp, jam kyukajpnëty Belén, Judá y'itjotm ets ojts nyijkxy tsënääpyë ma Moab y'itjotmën. Ojts twoownëjkxy yë tyo'oxytyëjk Noemi ets nimäjtsk yë myaank: tu'uk txëëwaty Mahlón ets tu'uk Quelión. Jä'ä yajtijtë Éufrates ja'ayëty, jä'ä ko jam tsyoontë Belén. Ojts jya'të jam Moab ets jam tsyënaaytyaknpëjktë.

Biblia Dc en Mixe de Quetzaltepec

^1-2 Jä'ä xëëw, jä'ä jëmëjt, ma ënety y'ënä'ämtën yë tsiptuunpë ja'ayëty tsip'ixypyë jam Israel kajpnjotm, ojts yë yuu xëëw y'ity. Paatykyëjxm ojts tsyo'onë tu'uk yë ja'ay, Elimélec xyëëwajtyp, jam kyukajpnëty Belén, Judá y'itjotm ets ojts nyijkxy tsënääpyë ma Moab y'itjotmën. Ojts twoownëjkxy yë tyo'oxytyëjk Noemi ets nimäjtsk yë myaank: tu'uk txëëwaty Mahlón ets tu'uk Quelión. Jä'ä yajtijtë Éufrates ja'ayëty, jä'ä ko jam tsyoontë Belén. Ojts jya'të jam Moab ets jam tsyënaaytyaknpëjktë.

Rut 1:1 ပူးပေါင်းရင်းမြစ်များ

Génesis 12:10

Tëkok ojts yë yuu xëëw jam y'ity ma ja Abram tsyëënën. Ënät ojts nyijkxy jap Egiptë tsënääpyë tu'kxëëw tu'kjëmëjt. Jä'ä ko ka'ap ënäty jam t'ëkpatnëtë tii jyë'kxtëp ets jyuuky'atëty.

Génesis 26:1

Jä'ä xëëw jä'ä jëmëjt ojts ja yuu xëëw myiny ma jampë ja it naaxwiinyëtën. Ëpëky näjyëtu'un mëti'ipë ojts y'ëk'ijtpën ma ënäty yë Abraham jyaak juuky'ätynyëmën. Paaty ojts yë Isaac jam nyijkxy Guerar, ma jam ja Abimélec tsyëënën, ja yajkutujkpë, filistejë ja'ay.

Ezequiel 14:13

Ko tu'uk yë naax kajpn xymyëtëkoyëtyës ets wintsë'kën tyajtëkoyëty ma ëjtsën, nixajë'ëkäämpyës ets ntëytyunäämpyës ko npëjkëtyës yë jyi'kxy pyiky; nkäxäämpyës yë yuu xëëw ma yë'ëjën ets y'ooktëty yë jëyujk ets ja'ay.

Jueces 17:8

Ya'atë yujkyeeky'ëna'k ojts jam tsyoony Belén ets ojts nyijkxy wiinktsow, t'ixta'ay ma y'ëktsënaaytyaknpëkëty. Ko jam jyä'äjty ma kopkjotmën mëti'ipë yë Efraín nyitënääpyën, jam ojts jyajtä'äky ma ja Micaías ja tyëjkën.

Levitico 26:19

Ëjts ka'apës jëtu'un nkupëka'any ets miitsëty janty mëj janty akëjxm mnäjyawëtëty. Njëpëkäämpyës ja nëë tuu tsajpwinm ets ka'ap jam tii xypyaatëty mkamwinm mtu'uwinmëty.

Génesis 43:1

Ja yuu ja xëëw ni'ikyë myëjë kyëjääjë,

Amós 4:6

Ojts miitsëty nyaj'ayuu'atë maajaty yë mkajpnëtyën; ojts nyaj'ëmaaytyä'äkyës yë jë'kxy pëky maajaty mtsëënëtën, e miitsëty ka'apës xynyimiintë. Yë Wintsën jëtu'un ënaanp.

Salmos 105:16

Ojts tyaj'ity yë yuu xëëw ma tääpë it naaxwiinyëtën, ets tjëpëjktaay tëkokyë yë jë'kxy pëky.

Deuteronomio 28:38

Janty may yë mtëëmpt xyjyani'ipëty, ja mpëjktä'äky wäänë nëjkx xyajwinmujknë. Jä'äkyëjxm ko maymyu'u nëjkx tyajpa'amtëjkëtyä'äy.

Ezequiel 14:21

Ëjts Wintsën, jëtu'unës n'ëna'any: Ni'ik o'ktëy nëjkx yë Jerusalén kajpn jyäty kyëpety koos ntuknikäxëty ja majktaxkpë ëyo'on: Tsip, yuu, jëyujk ets pa'am ets y'ooktëty ja ye'etyëjk to'oxytyëjk ets jëyujkpaat.

Jeremias 14:1

Mëët ko ënäty ja naaxwiinyëtë tyëëtsë'kënë, paatykyëjxm yë Wintsën ojts tmëkäjpxy yë Jeremías ets t'ënëmaay:

Salmos 107:34

yaj'awinpijtyp yë naax kaanmëxëpinëpë ma ënäty winë të y'ity të wyintëyën, ko ja naaxwiinyëtë ja'ay ka'ap tukjaty wi'ix jyä'äy'atëtyën;

1 Reyes 18:2

Ënät ojts ja Elías jyänty nyijkxy ets ja Ahab jam twinkuwa'këy. Ja yuu xëëw yajxon ënäty jam ni'ikyë myëjë kyëjääjënyë.

Jueces 12:8

Ko yë Jefté y'o'ky, yë'ë ojts tu'uwinye'ey yë Israel kajpn ma tsyiptuunyën tu'uk yë ja'ay mëti'ipë xyëëwajtypyën Ibsán, jam kyukajpnëty Belén.

2 Samuel 21:1

Ma ja David ënäty y'ëne'emyën, ojts jam yë yuu xëëw y'ity tëkëëk jëmëjt. Ënät yë David ojts yë Wintsën tuk'ëwaanë ets y'ëtsoowë: Yë yuu xëëwpaaty yë jyää'aty, jä'ä ko yë Saúl ojts nanëkoo may tyaj'ooky yë Gabaón ja'ayëty.

Jueces 17:7

Jam Belén jam ijty tu'uk tsyëënë yujkyeeky'ëna'k, Judá jyä'äy, Leví y'u'unk y'ok.

Miqueas 5:2

E mijts Belén, mëti'ipë näjyëtu'un yajtijpën Efrata, mutskpë kyajpn'atyën ma Judá kyajpnën, jam tu'uk ënä'ämpë pyëtsëma'any mëti'ipë nëjkx yajkutukyën Israel, yë'ë jyä'äy yë tëëyëpë jyuuky'atën.

1 Crónicas 2:51

Salma xyëëwajt yë Belén tyeety; ets Haref xyëëwajtyp ja Bet-gader tyeety.

1 Crónicas 2:54

Yë y'u'unk y'ëna'k yë Salma jä'ä xyëëwajtë: Belén ets mëti'ipë yajtijtëpën netofatitës, atrot-bet-joab ets nikujkwä'kxy ja manahetitë ja'ayëty, soreitë ja'ayëty