Proverbios 8:34 - Biblia Mixe de Quetzaltepec

³⁴ Janty jotkujk yë ja'ay yajpaaty mëti'ipës xymyëtoow'ijtpën, ets winjëpom yajpaaty ijx'ijtp këwent'ajtpë maas yë njëën aaw ntëjk'aawën.

Biblia Dc en Mixe de Quetzaltepec

³⁴ Janty jotkujk yë ja'ay yajpaaty mëti'ipës xymyëtoow'ijtpën, ets winjëpom yajpaaty ijx'ijtp këwent'ajtpë maas yë njëën aaw ntëjk'aawën.

Proverbios 8:34 ပူးပေါင်းရင်းမြစ်များ

Lucas 11:28

Tääts ja Jesús y'ëtsooy: Yë'ë wäänëni'ik akujk jotkujk yajpatp mëti'ipë ja Tios ja y'aaw y'ayuk myëtoow'ijtëpën ets tpatuntë.

Mateo 7:24

Paaty n'ënëëmëtë, pën y'amëtoow'ijtypyën ëjts ja n'ayuk ets tpatuny mëti'ipës nkäjpxypën, jëtu'un jä'ä ijxtëm ja ja'ay wijypyë kujkpën mëti'ipë ja tyëjk kyojën ets tsaakëjxy tpojtsë'ky.

Proverbios 3:13

Janty jotkujk ja ja'ay mëti'ipë të tpaatyën ja wijyajtën, ets mëti'ipë pyätypyën ja këpetyajtën.

Hechos 2:42

Ets oy ojts tukjuuky'atë ja ijxpëjkën mëti'ipë nyimëtyaktën ja ijxpëjkpëtëjkëty. Tu'ukyë ijty ja tsajpkääky tyajkwa'kxtë ijxtëm ja Jesús tuuntäkyën mëët ja y'ijxpëjkpëtëjk ets ja Tios tja'amyätstë.

Lucas 10:39

Ets ja myëkä'äx tu'uk, Maria xyëëwajtyp; yë'ë ojts Jesús wyintum nyaaxweetsy ets tmëtoow'ity wi'ix y'ënä'änyën.

Proverbios 3:18

Yë ja'ay mëti'ipë wijyën, ets mëti'ipë winë nyija'apën, mëj këjää yë juukyajtën tpaaty t'ixy, janty jotkujk ja ja'ay yajpaaty mëti'ipë tyukjajtypyën wi'ix jëtu'unpë tyajwë'ëmëtyën jyootjoty kyëpajkjoty.

Salmos 84:10

Tsoowpatp ni'ik ja tu'kxëëwpë nyajpaatyës tsajptëkoty, këtiinëm koos jeexyë jëmëjt'am nyajpaaty tëja'p. Ëjts jotkujkës näjyawëtëty oy jeexyë je'eyë ntimy tyëjkëwent'ajtpës ma ja tsajptëjk yajnitëkën, ets këtii koos ënäty ëxëëktum nyajpaaty.

Salmos 27:4

Tu'uk je'eyë mëti'ipës n'amëtoopyën yë Wintsën, tu'uk je'eyë mëti'ipës ntsojkën'ajtypyën. Yë'ë koos xëmë n'itëty ma Wintsën yë tsyajptëjkën mapaatës njuuky'ätyën, ets n'ëwtata'any etsës n'ixa'any yë y'oyajtën.

Lucas 1:6

Nimäjtskëty oy ijty yë Tios tmëtuntë, pyatuuntëp ja Wintsën ja y'ënä'ämën ets ka'ap tii poky tmëët'atë.

Proverbios 1:21

Y'ëëwä'kxyp kyajpxwä'kxyp yë y'aaw y'ayuk jëën ëkë'ëy tëjk ëkë'ëy, ets maajaty ja ja'ay nyaxtën tyëkëtën kajpnjotypë.

Salmos 92:13

Kojy peny jam yajpaatë ma Wintsën yë tsyajptëjkën; ets janty'oy yaj'ixtë ko pyëjtë ma Tios yë tyëjkën, mëti'ipë nTios'ajtëmën.

Éxodo 12:7

Ja ne'pny nëjkxëp xypyëjkë'ëktë ets yë'ë mëët xytyukkoytyëty ja mtëjk'aawëty, ma ënäty mkaytyën m'uuktën.

1 Reyes 10:8

Aak akujk jotkujk ja mja'ay yajpaatë, janty akujk jotkujk n'ixyës tyuntë yë mtuunpëtëjk, mëët ko xëmë yajpaatë mëët mijts ets xëmë tmëtowtë ja m'aaw m'ayuk mëti'ipë mnikäjpxyp mnimëtyäkpyën, ja oyëtypë ets mëtëyëtypë ja aaw ayuk.