Proverbios 6:9 - Biblia Mixe de Quetzaltepec

⁹ Mijts nuux, pëtë'knë, këtii nëkoo mma'ay.

Biblia Dc en Mixe de Quetzaltepec

⁹ Mijts nuux, pëtë'knë, këtii nëkoo mma'ay.

Proverbios 6:9 ပူးပေါင်းရင်းမြစ်များ

Efesios 5:14

Jä'ä ko ja ajajk atë'kxk tu'kë'ëyë tyajnikëxë'kta'ay. Paaty y'ënä'äny: Wijtë käjtë mëti'ipë jëtu'un ijtëpën tä ja'ay myä'äyën, pëtë'ëktë ets ka'ap m'ëk ijnëtëty ijxtëm ja o'kpën, jëtu'un ja Kristë mkujaj mkutë'kxëtëty.

Jeremias 4:14

Miitsëty Jerusalén ja'ayëty, yaj'oyëtë mjot mwinma'anyëty ets mnäyajtso'okëtëty. ¿Tii jekyëtën yi'iyë xymyëmaya'an xymyëtaja'antë ëxëëkpë jot winma'any?

Salmos 94:8

Miitsëty tsuuja'aytyëjkëty ets kumonypë myajpaatën ets winma'anytyukpë, ja'akyukëtë ya'atë: ¿Jëna'a miitsëty mja'akyukëja'antë?

Romanos 13:11

Ixtë tuntë wi'ix ja xëëw jëmëjt tyu'uye'eyën, ets yë'ë mëmay mëtajtë ko tëë tpatnë jëna'a ja ja'ay myä'äywijtëtyën. Jä'ä ko ja nitsokën'ajtëm tim winkon ja yajpatnë, ka'ap y'ëkjëtu'un'ajnë ijxtëm ojts nmëpëjktso'onëmën.

Proverbios 1:22

Miitsëty ëna'ktëjkëty mëti'ipë ka'ap oy tii xyjyatën xynyijawëtën, je'eyëpë mnëxi'iktën mtukxi'iktën ko mtsuu'atë, ¿Jëna'a jëtu'un xy'ëxmatsa'antë ja mtsuu winma'any, ets jëna'a jëtu'un ku'uxyë mnäjyawëja'anëtë ko je'eyë mnëxi'ik mtukxi'iktë, ets ka'ap xytyuntë këwentë ja nija'awën, ets jëna'a jëtu'un ja mjot mwinma'any wyijtëty kyäjtëty?

Juan 1:6

Ojts tu'uk ja'ay jyuuky'äty, Juan xyëëwajt, Tios ojts kyexyë.

Proverbios 6:6

Mijts nuux, ëk'ix yë nuj, ix wi'ix winë tunyën, ets xyjyatëty wi'ix winë xytyunëtyën.

Proverbios 6:8

yë'ë jää tnipëjktaakë yë jyi'kxy ma pyojë'ëky wyaatsë'ëkyën, ets tnipëjkpety may'äämpy mëti'ipë të tnitsëmy të tnikë'ëyën.

Proverbios 6:10

Pën mijts je'eyë mma'ay ets mku'uuy mkuwëjpxy, ets je'eyë mnäkyë'ëmëkityë ko mki'itwinpity,

Proverbios 19:15

Yë nuux'at je'eyë ma'ayë tyukpaaty; e yë ja'ay mëti'ipë nuuxën, kë'ëm nyäyaj'ayuu'atyë.

Proverbios 20:13

Këtii yë tsuu ma'ay xyajmëjtëkëty, këtiipë jëna'a m'ëyow mjotëkoyëty. Wijy xëmë m'itëty, ets ka'ap mka'ayën m'ukën tyëkoy'atëty.

Proverbios 26:14

Jëtu'un tä tëjk'aaw myë'ëwtityën yë pujxn mëti'ipë majts'ijtëpën, jëtu'un yë nuux ja'ay kyi'it'ëwtity janaam jatsojk ma myaapäjnën.

Eclesiastés 4:5

Jëtu'un ja'ay y'ëna'antë: Yë winma'anytyuk je'eyë nyäkyë'ëmëkityë ets nyäyaj'ëyo'ontëkëty ni'ikyë.