Proverbios 5:6 - Biblia Mixe de Quetzaltepec

⁶ Yë'ë ka'ap tmëmay tmëtajy yë juukyajtën, ni yë'ë tka'ixy tkatuny pën ma jëtu'un yajpaaty.

Biblia Dc en Mixe de Quetzaltepec

⁶ Yë'ë ka'ap tmëmay tmëtajy yë juukyajtën, ni yë'ë tka'ixy tkatuny pën ma jëtu'un yajpaaty.

Proverbios 5:6 ပူးပေါင်းရင်းမြစ်များ

Proverbios 4:26

Yajxon xytyim'ixëty ma mnaswa'akën, jëtu'un jotkujk mnë'ëye'ey mtu'uye'eyëty.

Salmos 16:11

Xytyuk'ixëpës ja në'ë tu'u mëti'ipë ja juukyajtën myëët'ajtypyën. Jam ma mijtsën tam yajpaaty xoontakën. Jotkujk jam xëmë mijts mwintuuy.

Proverbios 30:20

Ja to'oxytyëjk mëti'ipë ka'ap twintsë'ëkën ja nyiye'etyëjk, jëtu'un winë tuny: kyäy pyiky je'eyë, tääts y'apujy kyë'ëpujy yajxon ets ënät y'ënä'äny ko ka'ap ma tii tuuntëkoy.

Proverbios 5:21

Yë Tios wa'ats t'ixy wi'ix yë naaxwiinyëtë ja'ay tyu'uye'eyën, ka'ap t'ijxtëkoy ma ye'ey nyäxyën.

Salmos 119:59

Ënätës të nmëmay të nmëtajy wi'ixës winë ntunyën, täätsës jatëkok të n'ëna'any ni'ik jaak'oy yowë koos yë m'ënä'ämën mtëyajtën nkuuytyunëty.

Proverbios 11:19

Ko ja mëtëypyë ja nipaye'eyën jä'ä npanëjkxmëty, jam xyajnëjkxmëty ma juukyajtën yajpaatyën; e ko ëxëëkpë npanëjkxmëty, jam xyajnëjkxmëty ma ja o'kën yajpaatyën.

2 Pedro 2:14

Yi'iyë y'ijxtëp tyuuntëp wi'ix ja to'oxytyëjk t'ëkmëpokytyuntën, ka'ap ja pokytyu'unën tsyipëtë. Jëtu'un twin'ëën twinxajtë mëti'ipë ka'anëm ja myëpëjkën oy tmëët'atynyëm; je'eyë tii tjanty atsoktë; ëxëëk ja'ay yë'ëjëty.

Proverbios 2:19

Mëti'ipë jam tëjkëtyëpën ma ja jëtu'unpë ja to'oxytyëjk ja jyëën tyëjkën, ka'ap nijëna'a y'ëkwinpijnëtë, nijëna'a jam kya'ëknajxnëtëty ma ja në'ë aaw tu'u aawën mëti'ipë ja juukyajtën tukpatpën.

Proverbios 9:13

Yë tsuuwinma'any jëtu'un tä tu'uk yë to'oxytyëjkën mëti'ipë pi'tskajpxpën, kunëpap jyä'äy'äty ets winma'anytyuk.