Proverbios 5:20 - Biblia Mixe de Quetzaltepec

²⁰ ¿U'unk maay, wi'ix ko wiink to'oxytyëjk mnätyukyajkujo'opëtëty, wi'ix ko wiink to'oxytyëjk mmatsëtëty mënänëtëty?

Biblia Dc en Mixe de Quetzaltepec

²⁰ ¿U'unk maay, wi'ix ko wiink to'oxytyëjk mnätyukyajkujo'opëtëty, wi'ix ko wiink to'oxytyëjk mmatsëtëty mënänëtëty?

Proverbios 5:20 ပူးပေါင်းရင်းမြစ်များ

Proverbios 7:5

Yë'ë mtuk'awoowtu'utëtëp ja to'oxytyëjk mëti'ipë wiink ye'etyëjk y'ijxypyën ets tam nyiye'etyëjk, mëti'ipë janty'oy yajmëtoopën kyäjpxy myëtyä'äky.

Proverbios 6:24

Yë'ë mkuwa'anëtëp ko ja to'oxytyëjk muum mpaatëtëty mëti'ipë ëxëëk ja jyot wyinma'anyën, mëti'ipë janty'oy yajmëtoopën kyäjpxy myëtyä'äky,

Proverbios 23:33

Amäjtsk atëkëëk jää winë xy'ijxnëty, ka'apë nijëna'a xy'ixynyëmën; aakyë'ë mëmaay mëtajnëp tsipëtypë, ets xykyajpxnëty ka'apë ninu'un yaja'akyukën.

Proverbios 22:14

Yë wiink to'oxytyëjk jëtu'un npëjktakmëty tä mëjjutën ma kyuka'anaxtën yë ja'ayëty mëti'ipë Tios të tpokyën.

1 Reyes 11:1

Ja Salomón ja tamën ënäty ja tyo'oxytyëjk, ja yajkutujkpë nyëëx, je'eyëp ko ojts ëpëky wiinkëtypë to'oxytyëjk tsoky tjawë ka'apë tmëkukajpnëtyën, tä yë: Moab ja'ayëty, Amón ja'ayëty, Edom ja'ayëty, Sidónja'ayëty ets Hit ja'ayëty;

Proverbios 5:3

Jä'ä ko yë wiink to'oxytyëjk janty'oy yajmëtoy kyäjpxy myëtyä'äky, ets y'aaw yo'kn yu'unk naxym yajmëtoy,

Malaquías 2:14

Ets ënät miitsëty ni'ikyë xyajtëwtë, ¿tii ko jëtu'un jyäty kyëpety? Ka'ap yowë xynyijawëtë ko paaty jyëtu'unëty jä'ä ko ka'ap ja m'aaw m'ayuk xy'ëkpatuunëtë ko xy'ënëmaaytyë ja to'oxytyëjk mëti'ipë mëët mpëjky m'ukyën ko mpi'k ëna'k'ajty ko xëmë xywyinkutsë'ëkëja'any. Yë'ë ënäty mjämyëët'ajtëp ets yë'ë ojts xytyukwinwanë ko xëmë mëët m'ita'any.

Malaquías 2:16

Jëtu'un yë Wintsën, mëti'ipë maaytyääyëpën winë ets mëti'ipë yë Israel Tyios'ajtëpën, t'ënëmaay yë Israel ja'ayëty: Këwent'atë yë mjot mwinma'any ets këtii yë m'aaw m'ayuk xytyukxi'iktëty; jä'ä ko ëxëëkës n'ixy yë ja'ay mëti'ipë y'ëxmajtsypyën yë tyo'oxytyëjk ets nëë poky tuunë tkajpxnë.