Proverbios 5:16 - Biblia Mixe de Quetzaltepec

¹⁶ Këtii nëkoo xy'ixtäm xy'ixyokëty yë nëë mëti'ipë mu'tpën ma mnëë jutën. Këtii nëkoo xyaj'ëxma'atëty ets xytyäm xyokëty tu'ujoty.

Biblia Dc en Mixe de Quetzaltepec

¹⁶ Këtii nëkoo xy'ixtäm xy'ixyokëty yë nëë mëti'ipë mu'tpën ma mnëë jutën. Këtii nëkoo xyaj'ëxma'atëty ets xytyäm xyokëty tu'ujoty.

Proverbios 5:16 ပူးပေါင်းရင်းမြစ်များ

Salmos 128:3

Jap ma ja mjëën mtëjkën yë mto'oxytyëjk jëtu'un jap y'ity tä tu'uk yë tsatym kyepyën mëët yë tyëëm; yë m'u'unk m'ëna'k ko nyaaxwäätstëty kaaypyäjn wintuuy jëtu'un jam myäy nyu'knëtëty tä yë kepyjyi'tskën mëti'ipë yajtijpën olivë.

Salmos 127:3

Yë n'u'unkëtyës mëti'ipë miintëpën naaxwiiny naaxkëjxy, yë'ë tu'uk mëj näkyënu'kxë mëti'ipë Wintsën yäjkpyën.

Isaías 48:21

Oy ojts jyanaxtë jam të'ëts'itjotm, ka'ap nëëtëëtsë tmëët'ajtë; jä'ä ko Tios ojts yë nëë tyajpëtsëmy tsaajoty, je'eyë ja tsaa tjëkëëy ets jap ja nëë tyajpëtsëëmy.

Salmos 68:26

Tëkokyë miitsëty mëjjawëtë yë Tios, mëti'ipë Wintsën'ajtpën. Tëkokyë miitsëty Israel ja'ayëty jënu'un të mniye'eypyätën.

Jueces 12:9

Jä'ä myaank y'ijty ni'i'pxmajk ets nyëëx näjyëtu'un. Ya'atë ëna'këty aakyë'ë ojts tpëktë jaaypyo'kxyjyä'äy. Ibsán jä'ä ojts tsip kopk y'ity jam ma Israel kajpnën wëxtujk jëmëjt.

Deuteronomio 33:28

Yë Israel nitii tkamëmayä'äny tkamëtajja'any, xëmë nëjkx jotkujk jyuuky'äty, yë'ë ets y'u'unk y'ok. Ma kyam tyu'ujën, ma tsyajpmokamën ets tsatym kyamën tyajyony tyajjiitsyën, yajxon nëjkx wyintë'ëwxëty, ja nëë tuu mëti'ipë tso'onpën jam tsajpjotm, ka'ap y'ëmaaytya'aka'any.

Génesis 24:60

Tä ojts tkënu'kxtë ja Rebeca mëët ya'atë aaw ayuk: Jëëky mëku'uk ets mëkä'äx, Taak tsi'tsk m'itëty ma nimayjyä'äyën. Ets ja m'u'unk m'ok myëmëta'akëp ja naax kajpn ma ja myëtsip tsyëënëtën jyuuky'atën.

Proverbios 5:15

Yajmon yë mtëëtsë mëët yë nëë mëti'ipë pëtsëëmpën ma mkë'ëm nëëjutën.

Proverbios 5:17

Yë nëëjut ets nëë mijts yë mjä'ä, këtii mëët pën xypyëjkwa'kxëty;

Proverbios 5:18

kënu'kxy yajpaaty mëti'ipë mnëëjut'ajtypyën. Kënu'kxy mëjjawë y'ity ja mto'oxytyëjk mëti'ipë mëët m'ëna'k'atyën,

Proverbios 9:17

Yë nëë mëti'ipë yajmä'tspën, wäänë pa'ak jyawë, yë tsajpkääky mëti'ipë yajkääpyën ayu'utsy, ni'ik xu'kx jyawë.

Cantares 4:12

Mijts to'oxytyëjk, mëti'ipës mpëkäämpyën, ëtuky mijts myajpaaty, jëtu'un ëtuky m'ity tä yë nëëkopk ëtuky y'ityën, tä yë nëëkopkën mëti'ipë ku'ëtsa'ayën;

Cantares 4:15

Mëti'ipë yë pëjykyam nyëëkopk'ajtypyën yë'ë mëti'ipë jam tso'onpën ma Líbano y'itjotmën.