Proverbios 4:4 - Biblia Mixe de Quetzaltepec

⁴ yë nteetyës ojtsës näjyëtu'un xyaj'ixpëky. Yajwë'ëm akëpäjky yë n'aaw n'ayukës. Yë'ë jëtu'un mtunëp mëti'ipë yam ntuk'ëne'empyën ets mjuuky'atëty.

Biblia Dc en Mixe de Quetzaltepec

⁴ yë nteetyës ojtsës näjyëtu'un xyaj'ixpëky. Yajwë'ëm akëpäjky yë n'aaw n'ayukës. Yë'ë jëtu'un mtunëp mëti'ipë yam ntuk'ëne'empyën ets mjuuky'atëty.

Proverbios 4:4 ပူးပေါင်းရင်းမြစ်များ

Proverbios 3:1

U'unk maay, këtii xyjyä'äytyëkoyëty yë n'ijxpëjkënës. Pëjkë'ëk ma mjot mwinma'anyën yë n'ënä'ämënës,

Juan 12:50

Nija'apës ko ja mëti'ipë ja Tios Teety të ni'ënä'ämën, yë'ë mëti'ipë yajjuuky'ajtpën xëmëkyëjxm. Paaty mëti'ipës nkäjpxypën, jëtu'unës nkäjpxy ijxtëm ja Tios Teety të ni'ënä'ämën.

Proverbios 7:2

Patun yë n'ënä'ämën ntëyajtënës ets n'ijxpëjkënës. Jëtu'un këwent'at tä yë mwiin santë xykyëwent'atyën, ets mjuuky'atëty.

1 Crónicas 28:9

E mijts Salomón mëj'ix mëjpëjkta'akëp ja mteety ja Wyintsën ets yë'ë mëmëtowëp winë aaw winëjot ets mtukxoonta'akëp yajxon amëk jotmëk, jä'ä ko yë Wintsën wa'ats nija'awëtyä'äy yë jot winma'any, pën oy ka'oy. Paaty pën m'ixtääpy yë'ë, mpaatëp yë'ë; e pën mijts ka'ap xy'ëkmëj'ijxnë, yë'ë kopkpëky ko nëjkx m'ixtijyë winë xëëw winjëmëjt.

2 Timoteo 3:15

Ja'amyäts ko mutsknëm të xynyijawë ja Tios ja y'aaw y'ayuk mëti'ipë të myajwijy të myajkejyën, mëti'ipë mtu'uwinwowanëpën ets xypaatëty ja nitsokën ko ja Kristë Jesús të xymyëpëky.

Efesios 6:4

Miits taak teetyëty ka'ap m'u'unk m'ëna'k xyajjoot'anpëktëty, ëëwij kajpxwijtë yajxon ets tuk'ix tuknijawëtë wi'ix tuntëty mëti'ipë Wintsën tsyojkpyën.

Deuteronomio 6:6

Jajta'a tëkokyë mëti'ipë yam të ntuk'ëwaanën,

Hebreos 5:9

Ets ko ojts tyaj'apaatë ja tyuunk, ënät ojts nyäxy yajnitsokpë xëmëkyëjxm ma ja mëti'ipë mëmëtoowëpën,

Isaías 55:3

Nimiintëkës ets ja'akyukëtë n'aaw n'ayukës, mëtoow'ijtëkës ets mjuuky'atëty. Ëjts ntunäämpyës tu'uk käjpxytyu'unën xëmëkyëjxmëpë y'itëtyën, ets nyaj'atëwa'anyës ja waantakën mëti'ipës ja David ojts ntukwinwanën.

2 Timoteo 1:5

Jä'ä ko nja'amyejtsypës wi'ix mijts ja mëpëjkën xymyëët'atyën. Ja mëpëjkën mëti'ipë ja mtaak mëjja'ay Loida myëët'ajtën ets ja mtaak Eunice, ets nija'apës ko mijts nän yë'ë jëtu'unpë ja mëpëjkën mëët'ajtyp.

Proverbios 22:6

Yaj'ijxpëk ja u'unk ëna'k tyam ma myutsk'atyën, ko myëjja'ayëty, ka'ap nëjkx tsuu yajpaaty.

Salmos 119:11

Tyapës pëjkë'ëk nyaj'ity yë m'aaw m'ayuk maas yë njot nwinma'anyën; këtiipë jëna'a nmëtuuntëkoyëty.

Deuteronomio 4:9

E paaty yam miits n'ënëëmëtë, ko yë'ë xëmë mja'amyätstëp, mëti'ipë yam të xy'ixtën. Nijëna'a xykyaja'atyëkoytyëty. Ni'ikyë nëjkx ja m'u'unk m'ëna'k xytyuk'ëwaanëtë ets m'ok'u'unk m'ok'ëna'këty.

Génesis 18:19

Yë'ëjës të nwin'ixy ets yë'ë t'ënä'ämëty yë y'u'unk y'ëna'k, y'u'unk y'ok, ko tpatuntëty yë n'ijxpëjkënës ets tu'kë'ëyë mëti'ipë oyën ets tëyajtënën. Jëtu'un tjëkyäpëty näjyëtu'un ntunëtyës tu'kë'ëyë, winë mëti'ipës të n'ëwaanën ets tëëpës nikäjpxyën.

Salmos 119:168

Ëjts nmëmëtoopyës yë m'ënä'ämën mtëyajtën ets m'ënä'ämën mkutujkën: Mijts wa'ats xynyijawë wi'ixës tii ntunyën.

Proverbios 23:26

U'unk maay, pëjkta'ak yë mjot mwinma'any ma ëjtsën, ets m'oy'ixëp mëti'ipës ntuuntäkpy nkajpxtäkpyën.

Jueces 13:12

Ënät ja Manoa y'ënäny: Ko ënäty y'atëy tä të m'ëna'anyën, ¿Tii ëëts ntuntëp mëët yë'ë?

Salmos 119:144

Yë m'ënä'ämën mtëyajtën aak'oy winë tuny, mooykyës yë wijyajtën kujk'ajtën etsës njuuky'atëty.

Proverbios 3:2

jëtu'un jeky mjuuky'atëty ets myajpaatëty xëmë jotkujk.

Jeremias 38:20

Tä ja Jeremías y'ëtsooy: Mijts yajkutujkpë, ka'ap jyamëty mnäkyë'ëyaka'anyë ma yë'ëjëtyën. Mijts yajkutujkpë, yë'ë tun mëti'ipë yë Wintsën të mtukni''ixëtyën mëti'ipë të ntukmëmëtyä'äkyën. Këtiipë wi'ix mjatëty ets mjuukyajtën tsyo'okëty.