Proverbios 4:23 - Biblia Mixe de Quetzaltepec

²³ Yajxon winë oy xymyëmay xymyëtajëty ko tii xytyuna'anëty, jä'ä ko jëtu'un xytyunëty jotkujk mjuuky'atëty.

Biblia Dc en Mixe de Quetzaltepec

²³ Yajxon winë oy xymyëmay xymyëtajëty ko tii xytyuna'anëty, jä'ä ko jëtu'un xytyunëty jotkujk mjuuky'atëty.

Proverbios 4:23 ပူးပေါင်းရင်းမြစ်များ

Lucas 6:45

Ja oyjyä'äy, oy ja kyajpxën myëtyakën, jä'äkyëjxm ko twinma'any'äty ja oypyë. Ja ëxëëk ja'ay, ëxëëk ja kyajpxën myëtyakën jä'äkyëjxm ko twinma'any'äty ja ka'apë y'oyëtyën. Mëti'ipë jyootjoty wyinma'anyjyotyën, yë'ë kyajpxpëtsëëmpy.

Proverbios 13:3

Ko ja'ay y'aaw yyä'än tmajts'ity, kë'ëm nyäkyëwent'atyë. E mëti'ipë tyäty myëtyakpën, kë'ëm nyäyajkujo'opyë.

Jeremias 17:9

Nitii jëtu'un kyawin'ëëny ets nitii jëtu'un kyayajtsojkën'aty tä yë jot winma'anyën. ¿Pën y'ëkja'akyukëp wi'ix ko jyëtu'unëty?

Mateo 15:19

Jä'ä ko jootjoty tsyoony ja ëxëëk winma'any, ënät ja ja'ay yaja'ay ooktë, tyajma'atë ja pëjkën ukën, nyämyëëttsëënëtë nixim niyam, myäätstë, y'anta'aktë ets nixim niyam nyäwyinkajpx nyäjyëjpkajpxëtë.

Proverbios 23:19

U'unk maay, ja'akyukë ja aaw ayuk ets winë yajxon xyjyatëty. Yë'ë jëtu'un mëmay mëtajëp xëmë ja në'ë tu'u oypyë ets yë'ë xypyanëjkxëty.

Proverbios 28:26

Yi'iyë tsuuja'ay ënaanp ko oy myäy tyäjy; mëti'ipë ja'ay niwijy winë tyuunpyën, ëwaatsëtum nyäyaj'ita'anyë.

Marcos 14:38

Wijtë käjtë, ja'amyätstë yë Tios ets ka'ap ja ku'oypyë mnätyukmëmëta'akëtëty. Ënaanp ja aaw jot ets tunëty mëti'ipë Tios tsyojkpyën; je'eyëp ko ni'kx kopk, yë'ë atoonk apatk yajpatp.

Deuteronomio 4:9

E paaty yam miits n'ënëëmëtë, ko yë'ë xëmë mja'amyätstëp, mëti'ipë yam të xy'ixtën. Nijëna'a xykyaja'atyëkoytyëty. Ni'ikyë nëjkx ja m'u'unk m'ëna'k xytyuk'ëwaanëtë ets m'ok'u'unk m'ok'ëna'këty.

Hebreos 12:15

Nämyëjotëkoyëtë këtiipë pën tyëkoy'ajtxëtëty ja Tios ja tsyojkën jya'awën. Nitu'uk mka'itëty ijxtëm ja ta'am ujtsën mëti'ipë pa'amtuunpën ets mayjyä'äy tukpaaty.

Proverbios 4:7

Tim mëjëyëjp yë'ë mmëjpëjkta'akëp yë wijyajtën kujk'ajtën.

Proverbios 3:21

U'unk maay, wijy kujk xëmë mjuuky'atëty ets këtii nijëna'a xyjyä'äytyëkoyëty yë këpetyajtën.

Proverbios 22:5

Ma ëxëëk ja'ay yë nyë'ë tyu'ujën, tam jyätyë mëti'ipë yaj'anäjp yaj'akojxëpën; e mëti'ipë ja'ay kyëwent'ajtypyën yë jyuukyajtën, nyija'ap wi'ix tuknaxëtyën ja yaj'anäjp yaj'akojxëpë.

Proverbios 11:16

Yë to'oxytyëjk mëti'ipë oy määpy tajpën, kumay nyäxy, yë naaxwiinyëtë ja'ay mëti'ipë pe'tymyën, pyätyp winë mëj këjää.

Eclesiastés 5:13

Tëës n'ixy ntuny wi'ix naaxwiiny naaxkëjxy jyäty kyëpetyën yë ja'ay mëti'ipë wit meeny nyipëjkpejtypyën, yë'ë nyipëjkpejtyp mëti'ipë ëxëëk myëjat myëkëpätëpën,

Mateo 15:18

E mëti'ipë pëtsëëmpën aawjoty, jap tsyoony ma naaxwiinyëtë ja'ay jyotën ets yë'ë yaj'ëxëëkëty.

2 Reyes 10:31

E oy ojts jëtu'un ja Wintsën jya'ënë'ëmxëty, yë Jehú ka'ap ojts yajxon winë oy tuunta'ay tä ja Wintsën tjatsojkyën, jä'ä ko ka'ap ojts t'ëxmatsy ja ëxëëktu'un ëxëëk kajpxën mëti'ipë tyuunën ja Jeroboam ko tyajpokytyuuny ja Israel ja'ayëty.

Proverbios 16:17

Mëti'ipë jëtu'un yë wa'ats ja'aytyëjk yajxon timyajtuk'ënä'ämtëpën, yë'ë ko tmëjëkäm'atëty yë ëxëëkajtën. Ko yajxon yajkëwent'aty ma winë yajtuny yajkäjpxyën, kë'ëm ënäty nnäkyëwent'ajtëmë.