Proverbios 4:13 - Biblia Mixe de Quetzaltepec

¹³ Jat nijawë winë ets këtii xyjyä'äytyëkoyëty. Yë'ë patun ets mmo'ojëtëty yë juukyajtën.

Biblia Dc en Mixe de Quetzaltepec

¹³ Jat nijawë winë ets këtii xyjyä'äytyëkoyëty. Yë'ë patun ets mmo'ojëtëty yë juukyajtën.

Proverbios 4:13 ပူးပေါင်းရင်းမြစ်များ

Hebreos 2:1

Paatykyëjxm wäänëni'ik nmëjpëjktakmëty mëti'ipë të nmëto'owëmën ets ka'ap n'ëxmajtsmëty mëti'ipë të nmëpëjkëmën.

Proverbios 3:18

Yë ja'ay mëti'ipë wijyën, ets mëti'ipë winë nyija'apën, mëj këjää yë juukyajtën tpaaty t'ixy, janty jotkujk ja ja'ay yajpaaty mëti'ipë tyukjajtypyën wi'ix jëtu'unpë tyajwë'ëmëtyën jyootjoty kyëpajkjoty.

Proverbios 23:23

Juy këpät yë wijyajtën, ëëwtë'ëw kajpxtë'ëwën ets ja ja'aykyujkën ets këtii xytyookëty.

Deuteronomio 32:47

Ya'atë aaw ayuk ka'ap tjëkyepy namaa natii xyjyawëtëty, ya'atë ënä'ämën yë'ë nëjkx myajjuuky'atëtë ko xypyatuntëty. Ko xytyuntëty ijxtëm y'ëne'emyën, jeky nëjkx mjuuky'atë ma ja it naaxwiinyëtën jampë yajpaatyën nëë awinaxy, ma Jordán mëjnëëjën, mëti'ipë miitsëty mniwa'akantëpën.

1 Tesalonicenses 5:21

Ijxmajtsta'atë tu'kë'ëyë ja ëxëëkpë, yë oypyë yë'ë myajwë'ëmtëp.

Hechos 11:23

Ko jam jyä'äjty ja Bernabé ets t'ijxy wi'ix ja antioquiiëtë ja'ay ënäty tëë ja Tios kyënu'kxëtën, ënät ojts jotkujk nyäjyawëty ets tjotmëkwinkajpxëy ets ëmuumtu'ukjot ja Wintsën tmëpëktëty.

Hechos 2:42

Ets oy ojts tukjuuky'atë ja ijxpëjkën mëti'ipë nyimëtyaktën ja ijxpëjkpëtëjkëty. Tu'ukyë ijty ja tsajpkääky tyajkwa'kxtë ijxtëm ja Jesús tuuntäkyën mëët ja y'ijxpëjkpëtëjk ets ja Tios tja'amyätstë.

Juan 6:68

Ënät ja Simón Pedro y'ëtsooy: Wintsën, ¿Pën n'ëkninëjkxtëpës? mijts yë'ë mnimëtyäkpy ja juukyajtën xëmëkyëjxmëpë.

Apocalipsis 12:11

Tëë ja nmëku'uk'ajtëm tmëmëta'aktë ja mëjku'u mëët ja Tios U'unk ja nye'pyny ets mëët ja tëyajtën mëti'ipë nyikajpxtën; ka'ap të tsë'ëkëtë ja o'kën, ni'ikyënëm të y'ëna'antë oy tyimwi'ix'atëty.

Apocalipsis 2:13

Nija'apës ko jam mtsëënë ma ja mëjku'u kyutujktaknën; je'eyëp ko wa'ats jam mnäyaj'ityë koos ëjts xymyëpëky. Ka'ap ja mmëpëjkën të xyajjëwä'äky ma ëjtsën, ni jää ma ja Antipas y'o'kyën, mëti'ipës oy xymyëtuunën, ma tääpë kajpnën ma mëjku'u tsyëënën.

Cantares 3:4

Wäänës ënäty të nmëjëkämkä'äktë koos mëët të nyäpyäätyë ja ye'etyëjk mëti'ipës ja njuukyajtën tsyojkën'ajtypyën. Täätsës të nmatsy kyë'ëkëjxy etsës të nwoownëjkxy ma ntaakës yë jyëën tyëjkën.

Eclesiastés 7:12

Jä'ä ko yë wijyajtën jëtu'un kyuwa'any tä yë wit meenyën, je'eyëp yë wijyajtën yäjkpy ets kyuwäämpy yë juukyajtën ma wijyjyä'äyën.

Proverbios 3:22

Yë'ë nëjkx myajjuuky'ätyë ets oy myajkëxë'ëka'anyë, jëtu'un tä yë ja'ay oy yajkëxë'ëkyën yë wit tujkxy.

Génesis 32:26

Ënät ja naaxwiinyëtë ja'ay ojts ja Jacob y'ënë'ëmxëty: Ëxmajtskës, jä'ä ko tää xyiinyënë. Pën ka'apës xymyo'oy yë kënu'kxën, ka'ap yam mijts n'ëxmatsëty, jëtu'un y'ëtsooy ja Jacob.

Juan 6:63

Ja Tios ja Jya'awën yë'ë ja juukyajtën yäjkpy, ka'ap tyuny mëti'ipë jam yë nyi'kx kyopkën. Mëti'ipë yam të ntukmëmëtya'aktën yë'ë mëti'ipë ka'ap yaj'ixyën je'eyëp ko yäjkpy ja juukyajtën.

Proverbios 6:23

Mëtëy yë'ë ko yë ënä'ämën tëyajtën ets ijxpëjkën xëmë tyi'kxy jyäjy. Ko tii nyajtukmëkajpxmëty ets ko nyaj'ëëwij nyajkajpxwijmëty, jëtu'un tä ntu'upatmëtyën ma juukyajtënën.

Proverbios 8:35

Jä'ä koos ëjts pën xypyääty, jëtu'un tä pën tpaatyën yë juukyajtën, ets Tios janty'oy jyawëty;

Proverbios 10:17

Mëti'ipë ja'ay kyupëjkpyën ma winë yajtukmëkäjpxyën ko tii oy tkatuny, yë'ë në'ë tu'u oypyë pyijkpy mëti'ipë ja juukyajtën mo'ojëtëpën; e mëti'ipë ka'ap tkupëkyën kë'ëm nyäyajtëkoyë.