Proverbios 3:5 - Biblia Mixe de Quetzaltepec

⁵ Tuk'ijxpät yi'iyë Tios winë aaw winëjot ets këtii yi'iyë xytyukjotkujk'atëty ko tii xyjäty xynyijawë.

Biblia Dc en Mixe de Quetzaltepec

⁵ Tuk'ijxpät yi'iyë Dios winë aaw winëjot ets këtii yi'iyë xytyukjotkujk'atëty ko tii xyjäty xynyijawë.

Proverbios 3:5 ပူးပေါင်းရင်းမြစ်များ

Salmos 37:5

Yë Wintsën yë'ë mjuukyajtën tukkë'ëwanë; yë'ë tuk'ijxpät ets mniminëtëty ko ënäty yë putëjkën xyajmëyäty.

Proverbios 28:26

Yi'iyë tsuuja'ay ënaanp ko oy myäy tyäjy; mëti'ipë ja'ay niwijy winë tyuunpyën, ëwaatsëtum nyäyaj'ita'anyë.

Salmos 37:3

Jam tu'ukyë këx'ix ma Wintsënën ets kuuytyun mëti'ipë oyën, juuky'at naaxwiiny naaxkëjxy ets näyaj'itët oy.

Salmos 62:8

Miitsëty, jënu'unës nnaax'aty nkajpn'atyën jam xëmë yë mjot mwinma'any xyaj'itëty ma Tiosën. Mëkajpxtë winë aaw winëjot. Jä'ä ko Tios yë'ë ntsoktakn'ajtëm.

Isaías 12:2

Yë Tios yë'ëjës xyajtsokp, yë'ëjës ntuk'ijxpejtyp, paatyës ka'ap ntsë'ëkë njawë. Yë Wintsën yë'ëjës ntsoktakn'ajtyp ets yë'ëjës xymyëjaawmoopy, yë'ëjës nwäämpy yaj'ëwaatsëpëtsëëmpë ets yajnitsokpë.

Salmos 37:7

Ko myajpaatëty Wintsën wintuuy amonyë m'itëty; je'eyë ëwxit mä'kxtuk, xy'a'ix xyjyëjp'ixëty jëna'a mputëkëty. Këtii xy'ëxëëkjawëty ko yë ja'ay nyämyëmëta'akëtëty ma jyuuky'ajtënën, ets ko pën ëxëëk winë tuknipëjktaakëty.

Proverbios 3:7

Këtii janty wijy mnäyajnaxëtëty. Winkutsë'ëkë yë Tios ets näjyëpëkët ma ja ëxëëkpën.

Jeremias 10:23

Wintsën, ëjts nnija'apës ko yë naaxwiinyëtë ja'ay ka'ap kyë'ëmëty nyäyajjuuky'ätyë ets ka'ap yë'ëjëty t'awitsy jënu'un jyuuky'ata'any ets wi'ix jyuuky'ata'any.

Romanos 12:16

Juuky'atë tu'ukyë nixim niyam. Ka'ap amëj akëjxm mja'ay'atëty. Jëtu'un mnäpyëjkta'akëtëty tä janty mëk ëyoopëja'ayën. Ka'ap janty ixpëky mnäyajnaxëtëty.

Salmos 125:1

Tëkokyë ja'ayëty pënjaty yë Wintsën tyuk'ijxpäjtëpën, ka'ap nijëna'a yu'kxa'antë, jëtu'un yë'ëjëty tä yë Sión kopkën mëti'ipë xëmë ijtëëpën.

Jeremias 9:23

Jëtu'un yë Wintsën y'ënä'äny: Ka'ap tjëkyepy yë wijyjyä'äy nyätyukmëjjawëtëty ko wyijyëty, näjyëtu'un yë yajkutujkpë ko tmëët'aty ja mëk'ajtën ets kumeenyjyä'äy ko kyuwit kyumeenyëty.

Proverbios 22:19

Tyam ntuknikexy ets jam tu'ukyë xypyëjkta'akëty yë mjot mwinma'any ma Tiosën.

Job 13:15

Oy yë'ë jyatimy'ënaanpë koos xyaj'ooka'any, ëjts ka'apës yë n'ayuk ntukxi'ika'any, nëkoo ko n'ëktuk'ëwaanës wiinxë jëjpxë ko ëjts ka'apës tii poky të ntuny.

Proverbios 23:4

Këtii nëkoo ajotkumonë mnämyëjaaw'ixëtëty ets kumeenyjyä'äy mnäyaj'awinpita'anëtëty. Ixmatsmës yë'ë, këtii yi'iyë xymyëmay xymyëtajy.

Efesios 1:12

E tëë ja Tios jëtu'un tuny ets jëwyiin ja Kristë nmëpëjkmëty ets njuuky'ajtmëty wi'ix mëpaat ja Tios mëjjaw jaantyjawë y'ityën ja myëj'ajt y'oyajtën.

Números 9:20

E pën ja yoots je'eyë jam mäjtsk tëkëëk xëëwë y'ity tëjknëkëjxm ma ja Tios ja jyëën tyëjkën. Ko ja Wintsën ënäty y'ënä'ämëtë ets tsyoontëty, ënät tsyoontë; e ko ja Wintsën ënäty y'ënä'ämëtë ets wyë'ëmtëty, ënät wyë'ëmtë.

Números 9:22

Pën ja yoots ijtp jam tëjknëkëjxm ma ja Tios ja wyittëjkën kanaak xëëw, tu'kpo'o, ëkë tu'kjëmëjt, ja Israel ja'ayëty jëtu'un tna'itë ets ka'ap maa nyëjkxtë. E ko ja yoots jam pyëti'iky, ënätyë ijty tsyo'onta'atë.

Esdras 8:23

Paatykyëjxm ojts n'ayuu'atës ets yaj'amëtooy ja Wintsën ja putëjk pupäjtën.