Proverbios 3:18 - Biblia Mixe de Quetzaltepec

¹⁸ Yë ja'ay mëti'ipë wijyën, ets mëti'ipë winë nyija'apën, mëj këjää yë juukyajtën tpaaty t'ixy, janty jotkujk ja ja'ay yajpaaty mëti'ipë tyukjajtypyën wi'ix jëtu'unpë tyajwë'ëmëtyën jyootjoty kyëpajkjoty.

Biblia Dc en Mixe de Quetzaltepec

¹⁸ Yë ja'ay mëti'ipë wijyën, ets mëti'ipë winë nyija'apën, mëj këjää yë juukyajtën tpaaty t'ixy, janty jotkujk ja ja'ay yajpaaty mëti'ipë tyukjajtypyën wi'ix jëtu'unpë tyajwë'ëmëtyën jyootjoty kyëpajkjoty.

Proverbios 3:18 ပူးပေါင်းရင်းမြစ်များ

Proverbios 11:30

Yë tëypyë nipaye'eyën, juukyajtën yäjkpy; e tsiptu'un tsipkajpxën yë'ë yaj'atëkoopy.

Proverbios 15:4

Yë oypyë aaw ayuk, jëtu'un yajjuuky'äty jeky tä tu'uk mëj kepy jeky jyuuky'ätyën; yë ëxëëk ayuk je'eyë yajmony yajtuky.

Apocalipsis 2:7

Pën yë tyatsk myëët'ajtypyën wä'än tmëtoowkukë wi'ix yë Kënu'kxymyëk'ajtën t'ënëëmën yë mëpëjkpëtëjk. Mëti'ipë mëtaktëpën ka'ap tii jyata'anëtë ko ënäty ja mëmäjtsk'okpë o'kën y'ity.

Proverbios 13:12

Ko ka'ap wyimpëtsëmy jyëjpëtsëmy oy mëti'ipë jayajtuknipëjktakëpën, yajmoonp yajtujkp yë'ë, e ko winë tpaaty t'ixy ja ja'ay mëti'ipë tsyojkën'ajtypyën akujk jotkujk nyäjyawëty.

Génesis 3:22

ets y'ënäny: Tyam jëtu'un yë ye'etyëjk të y'awinpity tä ëëtsajtëmën. Jä'ä ko tyam nyija'ap mëti'ipë oy ka'oyën. Ijxkëm ënät näjyëtu'un tjë'kxpë ja aaytyëëm ujtstëëm mëti'ipë ja juukyajtën myëët'ajtypyën ets y'ëkjuuky'ajtnëty winë xëëw winë jëmëjt.

Génesis 2:9

Ojts näjyëtu'un tyajyony yë aay kepy oyëtypë tsujëtypë, mëti'ipë yakëpën yë tyëëm ets yajë'kx yajpëkëty. Jam kam'itkujkm ojts tyajyony tu'uk yë kepy mëti'ipë myëët'ajtypyën ja juukyajtën. Ets nän jämyë wiinkpë ja kepy mëti'ipë myëët'ajtypyën ja jot winma'any oypyë ka'oypyë ets tëkokyë jënu'un yajmëët'atyën jootjoty winma'any joty.

Apocalipsis 22:2

Jamts mëjtu'ukujkm ye'ey ja mëjnëë ma ya'atë kajpnën ets jam nëëpë'am, jam ja kepy yony mëti'ipë yajjuuky'ajtpën. Wimpo'o ja tyëëm'aty ets ja y'ääy tsooy'ajtëtë ja naaxwiinyëtë ja'ay.

Proverbios 4:13

Jat nijawë winë ets këtii xyjyä'äytyëkoyëty. Yë'ë patun ets mmo'ojëtëty yë juukyajtën.

Proverbios 8:34

Janty jotkujk yë ja'ay yajpaaty mëti'ipës xymyëtoow'ijtpën, ets winjëpom yajpaaty ijx'ijtp këwent'ajtpë maas yë njëën aaw ntëjk'aawën.

Eclesiastés 7:12

Jä'ä ko yë wijyajtën jëtu'un kyuwa'any tä yë wit meenyën, je'eyëp yë wijyajtën yäjkpy ets kyuwäämpy yë juukyajtën ma wijyjyä'äyën.

Proverbios 8:32

E tyam, u'unkëty maayëty, mëtoow'ijtëkës. Jëtu'un winë xytyuntëty ijxtëm ëjts winë ntunyën, ënät jotkujk myajpaatëty.