Proverbios 27:8 - Biblia Mixe de Quetzaltepec

⁸ Jëtu'un tä tu'uk yë joonën mëti'ipë myëjëkämkekpyën yë pyä'än, jëtu'un ja ja'ay mëti'ipë myëjëkämkekpyën ja nyaax kyajpn ma ojts myëxu'unk'atyën.

Biblia Dc en Mixe de Quetzaltepec

⁸ Jëtu'un tä tu'uk yë joonën mëti'ipë myëjëkämkekpyën yë pyä'än, jëtu'un ja ja'ay mëti'ipë myëjëkämkekpyën ja nyaax kyajpn ma ojts myëxu'unk'atyën.

Proverbios 27:8 ပူးပေါင်းရင်းမြစ်များ

Isaías 16:2

Yë Moab ja'ayëty jëtu'un yaj'ixtë kyä'äktë ko jam Arnón nyaxtë tä joonën mëti'ipë nyitso'ontutypyën yë pyä'än ko tii jëyujk y'ëtsë'ëkëty.

Proverbios 21:16

Mëti'ipë ja'ay ka'ap yajxon winë tunyën jap jya'ta'any o'kpë itkujky.

1 Corintios 7:20

Jëtu'un ja ja'ay mëpaat jyuuky'äty ijxtëm ënäty ja Tios të yaxtsoyën.

Jonás 1:3

E yë Jonás, kyäjpxykyumëtoownajx yë Wintsën ets ni'ikyë tkukeky, jam ojts nyijkxy Jope ma kepy nëëwinye'epyë tsyoontën jya'tën. Tam ënäty tu'uk yë kepy nëëwinye'epyë tyimtsona'any mëti'ipë nëjkxpën Tarsis ko jam jyä'äjty, jä'ä tyuktëjkëy, jëyëjp t'ajuuytyujky ja y'ënyääytyakn ets ojts nyijkxy jam Tarsis.

1 Reyes 19:9

Ko jam jyä'äjty jap ojts aankjoty tyëkë ets jap myääy. E ja Wintsën jä'ä tsu'um ojts myëkäjpxyë ets y'ënëmaayë: ¿Tiitën yaa mtuumpy mijts Elías?

1 Samuel 22:5

Ënät ja Gad, ja käjpxynyajxpë, ojts tkajpxtë'ëy ja David ets t'ënëmaay: Ka'ap y'oypyëtsëmëty ko yaa jeky m'itëty ma ya'atë mëj kajpnën. Paaty yam n'ënëëmë ets mtsoonëty ënätyë, nëjkx jam ma Judá y'itjotmën. Paatykyëjxm ojts yë David jam tsyoony ets ojts nyijkxy jam ma yuk'itën mëti'ipë xyëëwajtypyën Haret.

Proverbios 26:2

Jëtu'un tä tu'uk yë tsi'k kyääkjëtityën ets tä yë patutkën ka'apë tmëëtëtyën yë pyä'än, jëtu'un ja näpyokë ka'ap jyäty ma ja'ayën mëti'ipë nanëkoo pën të pyokyën ets ka'ap tii tuuntëko'oyën tmëëtëty.

Génesis 4:16

Ënät yë Caín ojts jam tsyo'onë ma ënäty mëët ja Tios të myëtyä'äkyën ets ojts jam tsyënaaytyaknpëky ma tu'uk ja it naaxwiiny txëëwatyën Nod, mëti'ipë awinmtsow wë'ëmpën ma mëët yë Edén nyäpyäätyë.

Judas 1:13

Jëtu'un ëxëëk y'ëtë'ëtstë y'ëna'antë ijxtëm yë mejyën, ijxtëm yë nëë o'pky pyëti'ikyën. Jëtu'un yë'ëjëty ijxtëm tu'uk yë matsa'a tsajpjotm tyu'utëkoyën, ets y'ita'any xëmëkyëjxm akootstuuy.

Génesis 21:14

Komjëpom, ënät yë Abraham tni''ijxëy yë tsajpkääky ets ka'ayën ukën ets tukë'ëtëjkëy yë Agar ets nyëjkxnëty ets näjyëtu'un tmooy yë y'u'unk Ismael, ënät ojts tsyo'onë yë Agar jam ma Abraham yë tyëjkën, ni yë'ë tkanijawë mëti'ipë tu'u nyijkxyp jam ma ja të'ëts'itjot txëëwatyën Beerseba.

Proverbios 27:7

Mëti'ipë ja'ay ku'uxyën, yë'ëpaat uuxpa'ak ka'ap txu'kxjawë; mëti'ipë ja'ay yuu'o'këpën, yë'ëpaat yë ta'ampë pa'ak tjawë.

1 Reyes 11:22

E ja yajkutujkpë tyaa ja y'ëtsoowë: ¿Tii ko mwinpita'any ma ja mnaax mkajpnën? ¿Ëkë jää yaa tii mtëkoy'ajtxëtyë? Tä ja Hadad y'ëtsooy: Ka'apës yaa tii xytyëkoy'ajtxë, yi'iyës mpëjktsoopy etsës xy'ëwa'atsëty yë ntu'u wä'änës n'ëknëjkxy maas yë nnaax nkajpnën.