Proverbios 22:9 - Biblia Mixe de Quetzaltepec

⁹ Mëti'ipë ja'ay oy yë jyiiky myëku'uk jya'apën, nëjkxëp mëj këjää ja näkyënu'kxë tpaaty, mëët ko ënäty ja jyiiky myëku'uk t'akaaytyuky t'a'uktuky.

Biblia Dc en Mixe de Quetzaltepec

⁹ Mëti'ipë ja'ay oy yë jyiiky myëku'uk jya'apën, nëjkxëp mëj këjää ja näkyënu'kxë tpaaty, mëët ko ënety ja jyiiky myëku'uk t'akaaytyuky t'a'uktuky.

Proverbios 22:9 ပူးပေါင်းရင်းမြစ်များ

Proverbios 19:17

Ko yë ëyoopëja'ay tii ntuk'ënu'kxmëty, Tios ënäty winë yajtuk'ënu'kxp, yë Tios yë'ë nëjkx kë'ëm jëna'a tkujuy ja nu'kxy.

Hebreos 6:10

Jä'ä ko yë Tios mëtëy nyipaye'ey, ka'ap tja'atyëkoyä'äny mëti'ipë të xytyuntën ets wi'ix të xypyutëkëtën ja Tios ja nyaax kyajpn ijxtëm tyampaat xytyuun'ëtë'ëtstën.

1 Pedro 4:9

Ëxajëtë nixim niyam ko pën jya'ajta'akëty ma ja mjëën mtëjkëtyën, ka'ap ok xynyikajpx xynyimëtya'aktëty.

Hechos 20:35

Xëmë të ntuk'ijxpëktë ko jëtu'un winë xytyuntëty, ets ja mmëku'uk xypyutëkëtëty mëti'ipë tii yajmëyajtëpën. Ja'amyätstë ja Wintsën Jesús ja y'aaw y'ayuk ko jëtu'un y'ënäny: Wäänë jotkujk mëti'ipë ja ja'ay putëjkëpën ets këtiinëm mëti'ipë yajputëjkëpën.

Hebreos 13:16

Ka'ap xyjyä'ätyëkoytyëty ets xytyuntëty ja oypyë ets tu'knax xyajtuntëty mëti'ipë mmëët'ajtëpën, jä'ä ko ya'atë jëtu'unpë wintsë'kën Tios tyukjotkëtäkpy.

Lucas 14:13

Ko tii xëëw xytyuknipëjktaakëty, nikë yë'ë mwowëp ëyoopëja'ay, kë'ëma'at tekymya'atpë ets ja wiintspë jëtu'un jotkujk myajpaatëty.

Isaías 32:8

E ja'ay mëti'ipë oy ja jyot wyinma'anyën, myëmääpy myëtäjpy ja oypyë ets jä'ä tyuunpy.

Proverbios 21:13

Mëti'ipë ja'ay ka'ap tja'akyukën ko yë ëyoopëja'ay myënu'kxtä'äkyë, ka'ap näjyëtu'un pën pyutëkëtëty ko ja näypyutëkë tjayajmëyatëty.

Salmos 112:9

Yajwä'kxyp ja wyit myeeny ma ja ëyoopëja'ayën, ja y'oyjyä'äyajtën xëmë tmëët'aty; mëët ja y'ijxë'ëky kyoowë'ëky.

Proverbios 11:25

Ja'ay mëti'ipë ayajk ako'onëpën, ni'ikyë jyotkujktä'äky; mëti'ipë winë yäjkpyën, näjyëtu'un winë t'ëxajë.

Marcos 7:22

ka'apë tmëj'ixtën ja nyiye'etyëjk ëkë ja tyo'oxytyëjk, y'atsojktëp oytyiijëty, win'ë'ëntëp antaktëp; ja ëxëëk juukyajtën oy tsyojkën'ajtëp, y'ëxëëk'ijxtëp ja myëku'ukëty, pi'tskajpxtëp, amëj akëjxm jyä'äy'atë ets nitii oy tkamëmay tkamëtajtë.

Mateo 20:15

ëjts kë'ëm xypyatp wi'ixës nyajtuunkpaata'any yë nmeenyës, ¿këtiijë? ¿Ëkë yë'ë xytyukka'oy'ijxpës koos oy tii ntunyë?

Deuteronomio 28:56

Ja to'oxytyëjk mëti'ipë janty'oy të kyëxë'ëkyën ets mëk kë'ëm të nyäkyëwent'atyë janty ijxkëm nyaaxpawä'äky. Ëxëëk nëjkx t'ijxnë ja nyiye'etyëjk mëti'ipë mëk të t'oyjyawën ets näjyëtu'un ja y'u'unk y'ëna'k.

Proverbios 31:20

Xëmë tputëkë ja ëyoopëja'aytyëjk ma winë tyajmëyatën.

Proverbios 11:17

Mëti'ipë ja'ay pa'ëyoop najts'ëyo'owëpën, nätsyojkëp jëtu'un kë'ëm; e mëti'ipë ëxëëk ja jyot wyinma'anyën, kë'ëm nyäy'ëxëëktunyë.

Proverbios 11:27

Mëti'ipë ja'ay oy winë tyuunpyën, oy ja'ay jyawëty; e mëti'ipë ëxëëk winë tyuunpyën, ëxëëk ja'ay y'ixyë.

Proverbios 14:21

Mëti'ipë ja'ay ka'ap yë jyiiky myëku'uk tunyën këwentë, poky tyuunpy; e jotkujk ja'ay yajpaaty mëti'ipë pya'ëyoopyën yë ëyoopëja'ay.

Proverbios 28:24

Jëëky mëku'uk nyäxy yë ja'ay ma yajja'ay'o'kpën mëti'ipë ja tyaak tyeety tyoompy mye'tsypyën ets ënät y'ënä'äny ko ka'ap tii poky tuny.

Proverbios 28:27

Mëti'ipë ja'ay pyutëjkëpën yë ëyoopëja'ay, ka'ap tii tyëkoy'ata'anxëty; e mëti'ipë ja'ay winë tyukwintuk'o'kpyën ma ëyoopëja'ayën, nëjkxëp yajpoky.