Proverbios 22:8 - Biblia Mixe de Quetzaltepec

⁸ Mëti'ipë ja'ay yaj'ijxëpën yë ëxëëk jot ëxëëk winma'any; Tios nëjkx mëj këjää tyukpoky'ätyë mëët ja joot'an.

Biblia Dc en Mixe de Quetzaltepec

⁸ Mëti'ipë ja'ay yaj'ijxëpën yë ëxëëk jot ëxëëk winma'any; Dios nëjkx mëj këjää tyukpoky'ätyë mëët ja joot'an.

Proverbios 22:8 ပူးပေါင်းရင်းမြစ်များ

Job 4:8

Ëjts yë'ëjës nija'ap, ko yë ja'ay mëti'ipë winë ëxëëk tyuunpy kyäjpxypën, nän ëxëëk jyäty kyëpety.

Oseas 10:13

Miitsëty yë'ë ëxëëkpë të xynyiyu'ujëtë, yë'ë të xyajmuktë tëkatsypë nipaye'eyën ka'apë myëtëyëtyën ets ëxëëk të xymyëjatë ko mwin'ëëntë. Ko të xytyuk'ijxpätë ja mpujxn wintëkäämpë mëti'ipë yajmëtsiptuunpën ets ko të xytyuk'ijxpety ja mtsiptuunpëtëjk,

Isaías 30:31

Ko ënäty yajmëtoy ja Wintsën ja y'aaw y'ayuk ets ko ënäty tyäky ja tëytyu'unën, jäänëm nëjkx ja Asiria tsyë'ëkëtë.

Proverbios 14:3

Ma tsuuja'ay tii tkäjpxyën jam yajmëtoy ko nyämyëjjawëty; e ma tii tkäjpxyën yë wijyä'äy jam yajmëtoy wi'ix nyäkyuwa'anyën.

Salmos 125:3

Tu'uk yë yajkutujkpë mëti'ipë ka'ap tukjatyën oy y'ënä'ämëty, ka'ap tjëkyepy jeky yajkutukëty ma naaxwiinyëtën mëti'ipë ja Tios të tmo'oyën ja nyaax kyajpn, jä'ä ko pën jëtu'un, tsojk ja'ay tii tuntëkoytyëty.

Oseas 8:7

Ojts tni'iptë poj ets yë'ë yajpëtë'ëkantëp tuupoj; ka'ap nëjkx tyajpëtë'ëktë pyëjktä'äkyëty ma kyam tyu'ujëtyën, ka'ap nëjkx tmëët'atë yë tsyajpmokëty; e ko tjapaatëty wiink ja'ay nëjkx tjë'kxtë tpëktë.

Isaías 14:29

Këtii nëkoo mjotkujk'aty mijts filistejë kajpn, ko ja kepy të tyijy mëti'ipë myajtukwojpën; jä'ä ko tsa'any tu'uk pëtsëmaanp ma ja tsa'anytyaak y'ityën, tääpë tsa'any kääkë'ëkaanp yë'ë.

Isaías 10:5

Yë Asiria kajpn yë'ëjës nyajtunäämpy tä jeexyë tu'uk kepy nkajpë'ëkyënës mëti'ipës ntukwopantëpën koos të xyajjoot'anpëktë.

Isaías 9:4

Jä'ä ko mijts të xyajjëwä'äky ja nätyiytyunë, ja ëyo'owën jotëko'oyën ets ja monyëtukyë ma ënäty ja wintsëntëjkëty o'ktëy y'ëtë'ëtstën y'ëna'antën, ijxtëm jam Madián tëkok jyäjty kyëpejtyën.

Proverbios 1:31

Kë'ëm nëjkx jëna'a mnätyuktëytyunëtë ko winë ëxëëk xytyuntë xykyajpxtë. Nëjkxëp xyjyamëtsijpënëtë ja m'ëxëëkjot m'ëxëëk winma'any.

Isaías 10:25

Jä'ä ko wiinkoonp ja xëëw jëmëjt ma ja ëyo'on jotmay t'ixa'antën yë ntsip n'äkës yë'ë yajkutëkoyanëtëp.