Proverbios 22:1 - Biblia Mixe de Quetzaltepec

¹ Ni'ik tsyowpaaty ko mëj'äämpy ja'ay y'ity ets oy yajnikäjpxy yajnimëtyä'äky, këtiinëm ko pu'ts pujxn ets poop pujxn may tmëëtëty.

Biblia Dc en Mixe de Quetzaltepec

¹ Ni'ik tsyowpaaty ko mëj'äämpy ja'ay y'ity ets oy yajnikäjpxy yajnimëtyä'äky, këtiinëm ko pu'ts pujxn ets poop pujxn may tmëëtëty.

Proverbios 22:1 ပူးပေါင်းရင်းမြစ်များ

Eclesiastés 7:1

Ni'ik tsyowpaaty ko ja'ay mëj'äämpy y'ity ets këtii ko ja'ay nye'onkuutsyë mëët yë pa'akxu'kpë. Ni'ik tsyowpaaty ko o'kën tëko'oyën y'ity ets këtii ko pën myëxu'unk'aty.

Lucas 10:20

Je'eyëp ko këtii yi'iyë xytyukxoonta'aktëty ko ja ku'oypyë mmëmëtowëtëty, yë'ë mtukxoonta'aktëp ko ja Tios të tuny ja mëyajtën ko mxëëw jap kuja'ay y'ijnëtë tsajpjotm.

1 Reyes 1:47

ets ja David ja wyintsëntëjk tëë ojts tkajpxpo'kxtë, tëë t'ënëëmëtë tyajwinpätëty ja naax kajpn mëët ja y'ënä'ämën kyutujkën ets mëj'äämpy ni'ik tyajwinpëtsëmëty këtiinëm jyëtu'unëty ja David. Yë'ëpaat yë David tëë jam wyiitykyëjxm tmënu'kxtä'äky yë Wintsën,

Filipenses 4:3

Ets mijts mëku'uk, mëti'ipës oy të xypyutëkën ma ja Kristë yamëtunyën, n'amëtoopyës ja mëyajtën ets xypyutëkëty ya'atë to'oxytyëjkëty. Yë'ë mëk ojts tyuntë mëët ëjts ma yajkajpxwä'kxyën ja oy aaw oy ayuk, näjyëtu'un ja Clemente ets wiinkëtypë mëti'ipës mëët të ntuunmuktën. Kuja'ay ja xyëëw y'ijnëtë nokyjoty ma ja ja'ay xyëëwëtyën mëti'ipë juuky'ajtëpën xëmëkyëjxm.

Hechos 7:10

Ojts ja Tios yajpëtsëmyë amaayjoty jotmayjoty. Mooyë ja wijy'ajt kujk'ajtën ets ojts myëku'ukjawëty ja faraón mëti'ipë jap Egiptë yajkutujkpën, ets nyikajpxpäjtë näjyëtu'un kutuunk ma ja Egiptë kajpnën ets ma ja kutujkëntëjkën.

Hebreos 11:39

E yë'ëjëty, nitu'uk ojts tka'ëxajëtë mëti'ipë ënäty ja Tios të twinwanën. Oy ojts oy jyamëpëktë,

Proverbios 10:7

Ja'ay mëti'ipë oy tsuj të jyuuky'ätyën, xëmë yaja'amyetsy oy të y'o'knë; e mëti'ipë ëxëëk të jyuuky'ätyën, ¿pën ëkja'amyätsanëp?