Proverbios 21:4 - Biblia Mixe de Quetzaltepec

⁴ Ja nëë'ix pa'at'ix, ja mëj'ajtën këjxm'ajtën ets nämyëjjaw näjyääntyjyawë, aak poky yë'ë.

Biblia Dc en Mixe de Quetzaltepec

⁴ Ja nëë'ix pa'at'ix, ja mëj'ajtën këjxm'ajtën ets nämyëjjaw näjyääntyjyawë, aak poky yë'ë.

Proverbios 21:4 ပူးပေါင်းရင်းမြစ်များ

1 Pedro 5:5

Näyjyëtu'un miits ëna'ktëjkëty, mëmëtowtëp ja mëjja'aytyëjk ja y'ënä'ämën tyiyajtënëty. Nixim niyam mëpaat yu'unk naxym mnämyëmëtowëtë. Jä'ä ko yë Tios ka'ap t'oyjyawë mëti'ipë nämyëjja'aw näjyääntyjya'awëyëpën, yë'ë pyutëjkëp mëti'ipë yu'unk naxym ja'ay'ajtëpën.

Proverbios 6:17

ko ja'ay nyämyëjaw nyäjyääntyjyawëty, ko ja'ay wyin'ëëny, ko ja'ay yaja'ay'ooky nanëkookyëjxm,

Isaías 2:17

Ja ja'ayëty mëti'ipë nämyëjja'aw näjyääntyja'awëtëpën ets mëti'ipë amëj akëjxm ja'ay'ajtëpën je'eyë nëjkx yaj'atään yajtuktääntë. Yi'iyë yë Wintsën yë myëj'ajtën nëjkx yaj'ixy jä'ä xëëw,

Proverbios 8:13

Ko Tios yë'ë yajmëjpëjktä'äky, yë ëxëëkpë yaj'ëxëëk'ijxp. Ëjts ëxëëkës n'ixy yë nämyëjjawë näjyääntyjyawë, ets ëxëëkës n'ixy näjyëtu'un yë ëxëëk në'ë ëxëëk tu'u ets ja win'ë'ënën antakën.

Romanos 14:23

Ja ja'ay mëti'ipë ka'ap oy yajxon tnijawën pën mëpaat tjë'kxy tkajë'kxy winë, ko tjë'kxy kë'ëm tpokyjyawë ok, jä'ä ko ka'ap të tjë'kxy akujk jotkujk mëët ja mëpëjkën; tu'kë'ëyë mëti'ipë ka'ap tii ëmuumtu'ukjot yajtunyën, poky yë'ë.

Lucas 18:14

Tääts ja Jesús y'ënäny: Jëtu'un miits nëëmëtë ko ja yajkukëpäjtpë ojts ja Tios kyupëkyë ijxtëm tu'uk ja wa'ats ja'ayën, e ja fariseë ja'ay ka'ap yajkupëjky. Jä'ä ko mëti'ipë ja ja'ay kë'ëm näkyumaayëpën naxym yajpëjkta'aka'any; e mëti'ipë naxym näpyëjktakëpën, yë'ë mëj'äämpy naxaanp.

Isaías 3:16

Näyjyëtu'un yë Wintsën y'ënä'äny: Ja to'oxytyëjkëty mëti'ipë jam Sión kukajpnajtëpën, ja amëj akëjxmëpë jyuuky'atën; ja në'ix pa'at'ijxpë jyä'äy'atën, ja wiinkonjatypë nyajtswa'akëtën ets mëti'ipë yaj'ënantëpën ja tyekytsyum,

Proverbios 21:27

Tios ëxëëk t'ixy ko ëxëëkja'aytyëjk tii tyoxtë. Jä'ä ko ka'ap tii ëmuumtu'ukjot tyaktë.

Proverbios 15:8

Yë Tios ka'ap nijënu'un t'oy'ixy ko yë ëxëëk ja'ay tyäky yë wintsë'kën, e ko yë wa'ats ja'ay aaw ayuk myo'oyë kyupëjkpy yë'ë.

Salmos 10:4

Yë ëxëëk ja'ay amëj akëjxm yë wyiin jyëjp tsajptijy ets y'ënä'äny: ko ka'ap ma Tios, pën xy'ëkyajtëwëpës tiis ntuunpy nkäjpxypën. Yi'iyë myääpy tyäjpy.

Isaías 2:11

Ja mëti'ipë ënäty amëj akëjxm të nyäjyawëtën, winta'ak naaxkow yajpaata'antë; mëti'ipë mëj'äämpy të y'itën je'eyë nëjkx yaj'atään yajtuktääntë. Yë'ënëm ja Wintsën nëjkx ja myëj'ajtën tyaj'ixyë,

Proverbios 30:13

Tää ja'ayëty mëti'ipë mëj'äämpy näyajnajxëtëpën, ets ja jyiiky myëku'uk nijënu'un mëj tka'ixy.

Lucas 11:34

Jëtu'un yë mwiin ijxtëm ja kutë'kxnën, yë'ëts kyutë'kxyp ja mni'kx mkopk. Pën oy ja mwiin, näjyëtu'un mni'kx mkopk oy yajkutë'kxy.

Proverbios 24:20

Jä'ä ko yë'ëjëty ka'ap oy kyëxa'antë; Yë ëxëëk ja'ay jëtu'un pyitsa'any tä tu'uk kutë'kxnën.

Job 18:5

Yë ëxëëk ja'ay kupi'itsëjaanp yë'ë ets jyëën ka'ap y'ëkmëjëjanë.

Job 18:6

Yë kyutë'kxn pi'itsaanp yë'ë; ma tyëjkën ka'ap jap y'ëktë'kxan y'ëkjajanë.

Salmos 101:5

Nyaj'ëmonäämpyës yë ja'ay mëti'ipë myëjëën myëtëjk ayu'utsy ame'tsyë nyi'ëëpy nyikäjpxypën; ka'apës nijënu'un yë ja'ay jeky nwiintänëja'any mëti'ipë amëj akëjxm ja'ay'ajtpën, ets mëti'ipë nämyëjja'aw näjyääntyjya'awëyëpën.

Salmos 131:1

Wintsën, yë njot nwinma'anyës ka'ap nyäyajnaxyë amëj akëjxm, ets ka'ap në'ix pa'at'ix nja'ay'ätyës, ni yë'ëjës nka''atsoky yë jot winma'any mëjpë këjääpë mëti'ipës ka'ap n'a'ixë npaatëtyën.

Proverbios 6:16

Tëtujk ets wëxtujk ja winma'any mëti'ipë Wintsën y'ëxëëk'ijxypyën:

Isaías 10:12

Ko ënäty ja Wintsën të tyajnaxy ja tsyip y'äkë ma ja Jerusalén ja'ayëtyën, tääts tëytyu'una'any ja Asiria yajkutujkpë, mëët ko ënäty amëj akëjxm të jyuuky'äty.