Proverbios 21:2 - Biblia Mixe de Quetzaltepec

² Yë naaxwiinyëtë ja'ay aak'oy t'ixy tëkokyë mëti'ipë tyuunpy kyäjpxypën; e Tios yë'ë patëp t'ixëty pën oy ja ja'ay ja jot winma'any tmëëtëty.

Biblia Dc en Mixe de Quetzaltepec

² Yë naaxwiinyëtë ja'ay aak'oy t'ixy tëkokyë mëti'ipë tyuunpy kyäjpxypën; e Dios yë'ë patëp t'ixëty pën oy ja ja'ay ja jot winma'any tmëëtëty.

Proverbios 21:2 ပူးပေါင်းရင်းမြစ်များ

Proverbios 16:2

Yë ja'ay jëtu'un nyäjyawëty aak'oy winë tuny, Tios yë'ë y'ijxtääpy wi'ixjaty ja'ay tii tunyën.

Proverbios 16:25

Tää yë tu'u mëti'ipë tëy ja këxë'kpën, e jam ma jyëjpkëxyën o'kën jam.

Lucas 16:15

Ënät ja Jesús y'ënëmaayëtë: Miits win'ë'ëmpëtëjkëty, wa'ats mnäyajnaxëtë ma ja ja'ayëtyën, e ja Tios nyija'ap ko y'ëxëëkëty ja mjot mwinma'anyëty; jä'ä ko mëti'ipë ja ja'ay myëjpëjktaktëpën, Tios y'ëxëëk'ijxyp yë'ë.

Jeremias 17:10

Ëjts, mëti'ipë Wintsën'ajtpën, mëti'ipë nyija'awëtyääpyën yë jot winma'any, mëti'ipë wa'ats y'ixy'äjtypyën wi'ix ja'ay tu'ukjaty myäy tyäjyën, mëti'ipë myooytyääpyën nitu'ukjaty yë ja'ay kyuma'ayën ijxtëm të tyuny të kyäjpxyën.

Proverbios 30:12

Tää ja'ay mëti'ipë wa'ats näyajnajxëpën, ets ka'ap jyot wyinma'any y'oyëty.

1 Samuel 16:7

Tä ja Wintsën y'ënëmaayë: Këtii yë'ë xy'ixëty yë wiin jëjp, wi'ix y'ixë'atyën yë ja'ay, wi'ix kyonëtyën ëkë yenyëtyën. Jä'ä ko ka'apës yë jëtu'unpë nmëjpëjktä'äky. Ka'ap yë'ë tyuna'any mëti'ipë yë naaxwiinyëtë ja'ay y'oy'ijxypyën. Yë naaxwiinyëtë ja'ay yë'ë y'oy'ijxyp mëti'ipë je'eyë nëkëjxy oykyëxë'kpën, ëjts ka'apës yë'ëjëty jëtu'unpë n'ixy, yë'ëjës n'ijxyp wi'ix yë ja'ay jyot wyinma'anyëtyën.

Proverbios 24:12

Jä'ä ko oy mja'ënaanpëty ko ka'ap xynyijawë; ja Tios mëti'ipë winë y'ijxypyën ets nyipaye'epyën winë, wa'ats ja t'ixy tnijawë ets tyukëpäjta'ajäämpy ja ja'ay nitu'ukjaty wi'ixjaty tii të tunyën.

Santiago 1:22

E ka'ap tyim yi'iyëty ko yaj'amëtoow'ity ja Tios ja y'aaw y'ayuk, yajtunaanp jëtu'un. Jä'ä ko pën ka'ap tii oy yajtuny nëkoopë je'eyë näwyin'ë'ënëmëty.

Salmos 36:2

Yë ëxëëk ja'ay jëtu'un nyäjyawëty oy yowë winë tuny ets aak y'oy'ixëp yowë ja'ay, ka'ap nimaa t'ixy mya'atëty ja y'ëxëëktu'un y'ëxëëk kajpxën.

Gálatas 6:3

Pën jää pën mëj nyäyajnaxyë ko nyäjyawëty mëj'äämpy y'ity ets ka'ap jyëtu'unëty, kë'ëm nyäwyin'ëënyë.

Proverbios 20:6

Tää ja'ay mëti'ipë nänyikajpxëpën ko tyukjajtyp winë tunëty, je'eyëp ko ka'ap pën tmëpëky.

Proverbios 12:15

Yë tsuuja'ay jëtu'un myäy tyäjy ko tëkokyë mëti'ipë tyuunpyën aak'oy yë'ë; e yë wijyjyä'äy myëtoow'ijtyp ko yaj'ëëwijy yajkajpxwijy.

Job 31:6

Wä'än yë Tios xy'akijpxnaxyës ma kyijpxnën ets tmëpëkëty ko ëjts ka'apës tii poky të ntuuntëkoy.

Proverbios 17:3

Yë pu'ts pujxn ets poop pujxn yë'ë mëët yë jëën yaj'ijxmatsy; e yë jot winma'any yë'ë Tios nyija'ap wi'ix yajpaaty.

Daniel 5:27

TEKEL: Yë yajkutujkpë tëë yaj'akijpxnaxy ma kijpxnën mëti'ipë tëëykyijpxpën ets to'tsyky të pyëtsimy;