Proverbios 20:1 - Biblia Mixe de Quetzaltepec

¹ Yë nëë mëti'ipë mukpën yajtëkooyëp yë ja'ay; yë nëë mëkpë ëxëëk yë ja'ay tyaj'ëtë'ëtsy tyaj'ëna'any;; ko ja'ay myu'ukyë tëkoopy yë jot winma'any ets ka'ap tii oy tuny.

Biblia Dc en Mixe de Quetzaltepec

¹ Yë nëë mëti'ipë mukpën yajtëkooyëp yë ja'ay; yë nëë mëkpë ëxëëk yë ja'ay tyaj'ëtë'ëtsy tyaj'ëna'any;; ko ja'ay myu'ukyë tëkoopy yë jot winma'any ets ka'ap tii oy tuny.

Proverbios 20:1 ပူးပေါင်းရင်းမြစ်များ

Oseas 4:11

Ko yë ja'ay yë jyot nyini'kx tooky tyäky ets ko y'uuky myu'ukyë yajtëkoopy yë jot ja'awën.

Efesios 5:18

Ka'ap m'uuktëty mmu'ukëtëty, jä'ä ko yë'ë yajtëkoopy; nikë oy ko mtu'umo'ojëtëty ja Kënu'kxymyëkajtën.

Isaías 28:7

Näyjyëtu'un tää ja'ay mëti'ipë xëmë yuump këtaapën ko y'uuky myu'ukyë ets oy wi'ix jyäntynyijkxy ko ja nëë mëkpë t'uuky mëti'ipë mukpën. Yë teetytyëjkëty ets käjpxynyajxpëtëjkëty yë'ë jëtu'un yajnikajpxtëp, yuntë kyëtawtë ko ja mëknëë t'uuktë, wiinkjaty y'ënanëtë ko myukënëtë, je'eyë kyunëjkx kyukëta'awënëtë ko y'ijxma'atë. Näyjyëtu'un ko nëë poky nipaye'eytyë ëmu'ukyë jyëtijnëtë.

Proverbios 31:4

Lemuel, ka'ap y'oyëty ko yë ënä'ämpëtëjk ets yajkutujkpëtëjk y'uuktë myu'ukëtë,

1 Corintios 6:10

Këtii myajwin'ëëntëty, jä'ä ko jam ma ja Tios ja kyutujktaknën ka'ap yajpaata'antë mëti'ipë jyot nyini'kx yajktëpën, mëti'ipë tsaatsetsy, kepy tsyetsy y'ëwtajtypyën, mëti'ipë ka'ap yë nyiye'etyëjk ëkë tyo'oxytyëjk twintsë'ëkën, ëkë mëti'ipë ato'oxyën, ëkë mëti'ipë myëye'etyëjk pyijkpyën y'ukpyën.

Gálatas 5:21

tyukmëtsip'ajtëp oytyiijëty ja myëku'uk, uktëp mukëtëp, ajëën akax jyä'äy'atë ets kanaakpëky tii ëxëëk tuntë. Tyam miits jatëkok ntukja'amyätstë ijxtëm të ntuk'ëwaanëtën, pën ya'atë tyuuntëp kyajpxtëp, ka'ap tyëkëja'antë ma ja Tios ja kyutujktaknën.

2 Samuel 11:13

Ojts ja David jam twoy ma tyëjkën tääts mëët kyääy y'uky ets tyajmukë yajxon. Ko ojts kyootsënyë, tä ja Urías ojts nyëjkxnë ma jam ja tsiptuunpëtëjk tkëwent'atën ja kutujkëntëjk, kä'äpyëm ojts nyijkxy ma tyëjkën.

Isaías 56:12

ets y'ëna'antë: Ja'am nëë n'ixta'ayëmë ets aakyë'ë mëknëë mëti'ipë mukpën, yajxon nmuktëko'oyëmëty. Näyjyëtu'un jëpom jatëkok tä tyamën, ëkë wä'än jaakni'ik.

Isaías 5:22

Janty mon janty tuk miitsëty myajpaatë, jä'ä ko je'eyë m'uuktë mjë'kxtë ets jëtu'un mnäyjyawëtë mëtaktëp yowë, tëë xyjyajnëtë wi'ix xyëpintëtyën ja uuky ets ka'ap pën m'ëkmëëpatënëtë.

Oseas 7:5

Ko ojts ja nkutujkpë'ajtëm yajtukujeny ja kyujän, ojts ja wintsëntëjk yajpa'ampätëtë tsatym nyëë mëti'ipë tëë nyimaanaxyën, jä'ä ko y'anëty. Ets të tputëkë ja mëti'ipë tukxik tuk'ëwë'këpën.

2 Samuel 13:28

tëë ënäty t'ënëëmë ja tyuunpëtëjk: M'ixtëp yajxon, ko ja Amnón myukpëkëtëty, koos nikajpxëty ets xyaj'ooktëty, tääts ënätyë xyaj'ooktëty. Këtii mtsë'ëkëtëty, ëjts yam jëtu'un ni'ënä'ämëp. Amëk jotmëk myajpaatëty.

Levitico 10:9

Ko mtëkëja'anëty jap tsajptëkoty ma ja wit tëjkën ma näpyaatë y'ityën, ëkë ko ja m'u'unk m'ëna'k jap tyëkëja'antëty; ka'ap mëpaat xy'uuktë oy tii nëë mëti'ipë mukpën, këtiipë m'ooktëty, tyaapë jëtu'unpë ënä'ämën kë'ëyxyëëw kë'ëyjyëmëjt y'itëty, tä tu'uk yë ënä'ämën tëyajtënën mëti'ipë itëpën u'unk ok.

Proverbios 23:20

Këtii mëët mye'eymyuk mnajxmukëty yë ëmu'ukyë ja'ay, ni yë'ë mëët mkaye'eymyukëty mëti'ipë je'eyë tyäty kyaxën,

Habacuc 2:5

Yë ja'ayëty mëti'ipë nämyëjja'aw näjyääntyjya'awëtëpën yë'ë tyäty tsyojkën'ajtëp wi'ix y'ënä'ämtëtyën; yajxon tjanty xy'ixta'atë ets ka'ap pyo'kxtë, ni'ikyë tpa'o'kta'aktë, oy tjanijawëtë ko ëxëëk ja'ay tmëjaty tmëkëpety yë kutujkën ets ënä'ämën. Jëtu'un yë y'aaw tyajwa'kxtë o'kpëjutën; jëtu'un ka'ap kyu'uxëtë tä o'kënën, paaty tpajëtitë ja naax kajpn ets tjä'äniwa'ana'antë.

Isaías 5:11

Janty mon janty tuk miitsëty myajpaatë, tsojk mpëtë'kojtë ko m'uuktë mmu'ukëtë, ets jëtu'un mkutsu'ujëtë.