Proverbios 2:9 - Biblia Mixe de Quetzaltepec

⁹ Nëjkxëp xynyijawë mëti'ipë tëyajtënën ets mëti'ipë oyën, nëjkxëp xyjyä'äkyukë mëti'ipë mëtëyën.

Biblia Dc en Mixe de Quetzaltepec

⁹ Nëjkxëp xynyijawë mëti'ipë tëyajtënën ets mëti'ipë oyën, nëjkxëp xyjyä'äkyukë mëti'ipë mëtëyën.

Proverbios 2:9 ပူးပေါင်းရင်းမြစ်များ

Jeremias 6:16

Jëtu'un ja Wintsën ja nyaax kyajpn t'ënëmaay: Nëjkxtë jam muum mtänëtë në'ëjoty tu'ujoty ets xy'ixtëty ma patu'ujën; xyajnitëwëtëty mëti'ipë oyën, yë'ëts panëjkxtë ets mpo'kxtëty. E yë'ëjëty tyaa ojts y'ëna'antë: Ka'ap, ka'apës mpanëjkxa'antë.

Isaías 48:17

Jëtu'un yë Wintsën y'ënä'äny, mëti'ipë myajpëtsëëmëpën ëyo'ontum, yë Tios wa'atspë jampë yajpaatyën ma Israel kajpnën: Ëjts jëtu'un Tios'ajtp mëti'ipë mWintsën'ajtypyën, yë'ë ntukni''ijxëp mëti'ipë mtuk'oy'atëpën, jam nwoownëjkxy ma ja tu'ujën mëti'ipë mëpaat xye'eyën.

Juan 14:6

Ënät ja Jesús y'ëtsoowë: Ëjts jëtu'un tu'u'ajtp, ja tëyajtën ets ja juukyajtën. Ëjtskyëjxm je'eyë tjëkyepy pën jya'tëty ma ja Tios Teetyën.

Salmos 119:99

Wa'atsës ni'ik winë nja'akyukë këtiinëm jyëtu'unëty mëti'ipës xyaj'ijxpëjktëpën, jä'ä ko yi'iyës nmëmääpy nmëtäjpy yë m'ënä'ämën mtëyajtën.

Salmos 32:8

Yë Wintsën jëtu'un y'ënä'äny: Ëjts jamës yë nwiin ntimyajtëëynyë ma mijtsën. Ëjts mijts ntukni''ixëjäämpy winë, ets n'ëëwwijäämpy nkajpxwijjäämpy, ntukni''ixëjäämpy yë në'ë tu'u mëti'ipë mëpaat xypyanëjkxyën.

Isaías 35:8

Jam ja Wintsën tu'uk ja mëjtu'u tyajnaxa'any mëti'ipë yajtijaanpën, Kënu'kxytyu'u. Mëti'ipë ënäty ka'ap wya'ats'atën ka'ap nëjkx jam tyëkëtë, yë tsuuja'aytyëjk ka'ap nëjkx jam nyaxtë, yi'iyë nëjkx jam nyaxtë mëti'ipë mëtëy juuky'ajtëpën.

Salmos 119:105

Yë m'aaw m'ayuk yë'ëjës xykyutë'kxp maas nnëëye'ey ntu'uye'eyën, ets jëtu'un yë'ë tä tu'uk yë jajën të'kxënën ntu'ujotyës.

Proverbios 4:18

Yë nyë'ë tyu'ujëty yë wa'ats ja'aytyëjk jëtu'un yë'ë tä yë xëëw y'aantä'äkyën komjëpom ko jyopyëp'aty. Ni'ikyë y'aantä'äky ets winë tukjajëtyä'äy.

Proverbios 8:20

Ëjts yë'ëjës yë në'ë tu'u tëypyë nkuuynyijkxyp, ja tëypyë ja najxtakn.

Proverbios 28:5

Yë ëxëëkja'aytyëjk ka'ap nijënu'un twinjawëtë tii ja'ay tyijpy tu'knaxajtën ets ja oypyë ja nänyipaye'eyë; e mëti'ipë y'ijxtaaytyëpën yë jot winma'any ma Tiosën, wa'ats twinjawëtë.

Salmos 25:12

Ja ja'ay mëti'ipë ja Wintsën yajmëjnajxypën, yë'ë tukni''ijxëyëp ja në'ë tu'u mëti'ipë pyanëjkxëpën;

Proverbios 4:12

ma ka'ap tii m'atsipëtëtyën ets ka'ap ma mkunäp mkutä'pxëty oy jënu'un mpëyë'ëkëty.