Proverbios 2:22 - Biblia Mixe de Quetzaltepec

²² E yë ja'ayëty mëti'ipë ëxëëk ja'ay'ajtëpën ets je'eyë yë jyiiky myëku'uk tnikäjpxytyunëtë, nëjkxëp yaj'ixkäxtë ets yaj'ëxwoptë yaa naaxwiiny naaxkëjxy.

Biblia Dc en Mixe de Quetzaltepec

²² E yë ja'ayëty mëti'ipë ëxëëk ja'ay'ajtëpën ets je'eyë yë jyiiky myëku'uk tnikäjpxytyunëtë, nëjkxëp yaj'ixkäxtë ets yaj'ëxwoptë yaa naaxwiiny naaxkëjxy.

Proverbios 2:22 ပူးပေါင်းရင်းမြစ်များ

Salmos 52:5

Tios yë'ë nëjkx näjyëtu'un myajkutëkoyë xëmëkyëjxm; nëjkxëp myajpëtsëmyë ma mjëën mtëjkën ets m'ixkäxëtëty, nëjkxëp ja mjuukyajtën mpëjkxëty.

Salmos 37:28

Yë Wintsën yë'ë xëmë tsyojkpy mëtëypyë ets oypyë, ka'ap nijëna'a t'ëxmatsy mëti'ipë oy mëtuunëpën; yajkutëkoopy mëti'ipë ëxëëk ja'ay'ajtpën ets ka'ap nitu'uk yë y'u'unk y'ok tyajwë'ëmë.

Deuteronomio 7:22

Jëtu'un ëtyä'äkyë'äämpy nëjkx yë Tios tääpë yë naax kajpn tyajpëtsëëmtaaynyë ma miitsëtyën, ko miits mja'ënantëpëty xyajkutëkooytya'aja'antë tsojk'am, ka'ap yë mayëtëty ets kyutëkoytyëty tsojk'am; yë jëyujkëty tsojk myäyëtëty tunkëjxm kopkëjxmëpë yajpaatën ets yë'ë nëjkx myaj'ook myajtëkoyëtë.

Proverbios 10:30

Yë wa'ats ja'ay nijëna'a ëxëëk kyajaty kyakëpety, e yë ëxëëk ja'ay ka'ap jeky jyuuky'ata'any; naaxwiiny naaxkëjxy.

Salmos 145:20

Yë Wintsën kyuwäämpy mëti'ipë tsojkëyëpën ja'awëyëpën, e yë ëxëëkja'aytyëjk yajkutëkoopy poj'am.

Salmos 104:35

Wä'än tkutëkoytyë yë pokyjä'äytyëjk naaxwiiny. Ka'ap mëpaat jyuuky'atë yë ëxëëkja'aytyëjk. Nkënu'kxyjyawëjäämpyës yë Wintsën winë aaw winëjot. Tukxoontä'äky mëjjawë yë Tios yë xyëëw nyaxëty.

Job 21:30

mëti'ipë ënantëpën ko yë Tios jyoot'anpëky, kyejxyp yë ëyo'on ets ëxëëkja'aytyëjk ka'ap wi'ix jyatë kyëpätë?

Salmos 37:22

Pënjaty yë Wintsën të tkënu'kxyën, yë'ë jyä'ä'atantëp yë naaxwiinyëtë, e pënjaty të tpokyën nëjkxëp kyutëkooytya'atë.

Salmos 37:20

Yë ëxëëkja'aytyëjk jëtu'un nëjkx tyoytyë jyämtë tä aaytyë'ëts ujtstë'ëtsën; tëkokyë mëti'ipë yë Wintsën y'ëxëëk'ijxtëpën ets myëtsip'ajtëpën, jëtu'un pyojwa'kxa'antë tä yootsën.

Deuteronomio 29:28

Ets të t'ëxmatsy tääpë naax kajpn ajoot'anë ets wä'än t'ijxnëtë wi'ix jyatë kyëpätë jëtu'un tä tyam yaj'ixy yajkoyën.

Proverbios 11:3

Yë oyjyä'äytyëjk yë'ë oy yajjuuky'ajtëtëp ko winë aak mëtëy tuntë; e yë ëxëëkja'aytyëjkëty yë'ë yajkutëkoyanëtëp yë y'ëxëëk'ajtënëty.

Deuteronomio 29:20

Yë Wintsën ninu'un nëjkx jëtu'unpë poky tkame'kxy, nëjkxëp ja ja'ay tëytyuny mëti'ipë ënäty të yajjoot'anpëkyën ets ja pojkën mëti'ipë yajnikajpxpën jap ma ja nokyën wa'ats nëjkx tyuka'ata'ayë. Ja Wintsën nëjkxëp tjo'tsta'ay ja y'u'unk y'ok yaa naaxwiiny.

1 Reyes 14:14

Ok yë Wintsën tpëjktaka'any tu'uk yë yajkutujkpë mëti'ipë yajkutëkooytya'ajäämpyën ja Jeroboam ja y'u'unk y'ok.

1 Crónicas 10:13

Jëtu'un ojts ja Saúl y'ooky tyëkoy, mëët ko ënäty ka'ap oy winë të tuny, jä'ä ko myëtëjkëy ja poky, mëët ko tkamëmëtooy ja Wintsën ja y'ënä'ämën tyiyajtën ets mëët ko ojts ja najtsja'apë winë tyajtëëwnë

Salmos 52:7

Ix wi'ix jyäty kyëpety ja ja'ay mëti'ipë ka'ap ja Tios nyätyukë'ëwanëtyën, mëti'ipë yi'iyë tyuk'ijxpejtypyën ja wyit myeeny, ets ni'ikyë winë ëxëëk ttuun'ëtë'ëtsy.