Proverbios 18:7 - Biblia Mixe de Quetzaltepec

⁷ Yë tsuuja'ay kyë'ëm aaw kyë'ëm ayuk ëxëëk nätyuktuunëp; mëët yë'ë ko ka'ap tmajts'ity ja y'aaw yä'än, jëtu'un tpaaty tä jeexyë nyätyukyo'kwitsëty yë tejpxy.

Biblia Dc en Mixe de Quetzaltepec

⁷ Yë tsuuja'ay kyë'ëm aaw kyë'ëm ayuk ëxëëk nätyuktuunëp; mëët yë'ë ko ka'ap tmajts'ity ja y'aaw yä'än, jëtu'un tpaaty tä jeexyë nyätyukyo'kwitsëty yë tejpxy.

Proverbios 18:7 ပူးပေါင်းရင်းမြစ်များ

Proverbios 13:3

Ko ja'ay y'aaw yyä'än tmajts'ity, kë'ëm nyäkyëwent'atyë. E mëti'ipë tyäty myëtyakpën, kë'ëm nyäyajkujo'opyë.

Proverbios 12:13

Yë ëxëëk ja'ay kë'ëm nyäyajkujo'opyë ko tii ka'ap mëtëy tnikäjpxy; e tu'uk yë wa'ats ja'ay oy winë tukpëtsëmy ma nyäjyawëtyën tsiptuuy kya'aja'any.

Proverbios 10:14

Yë wijyjyä'äy ka'ap tnikäjpxy ko tii tjaty tnijawë, ni'ik ko tu'uk kyäjpxy yë tsuuja'ay, kutsë'ëkë yë'ë.

Salmos 64:8

kyë'ëm aaw kyë'ëm ayuk nëjkx tyiytyunëtë, e ja ja'ayëty mëti'ipë ijxëtëpën je'eyë nëjkx nyëxi'ik tyukxi'ikëtë.

Proverbios 6:2

kë'ëm mnämyo'oyë ja jotmay ets mnäyajtu'u'ëtukyë mëët ja mkë'ëm'aaw mkë'ëm'ayuk.

Proverbios 10:8

Yë ja'ay mëti'ipë wijyën, käjpxykyupëjkp nyäpyëjktä'äkyë; e mëti'ipë wiinkjaty ëtsoopën, ëxëëk jyäty kyëpety.

Jueces 11:35

Ko jëtu'un t'ijxy ënät ojts yë wyit amëjaaw tnënuky ets tkë'ëtswä'kxy mëët ko janty mëk tja'awëy ko jä'ä ja nyëëx pyëtsiimy äjtspë ets t'ënëmaay: U'unk maay janty o'ktëyës näjyawëty. Mijtsës ënät tyam ëxëëk xyajjajtp xyajkëpäjtp. Tëës yë waantakën tu'uk ntuny ma Wintsën e kopkpëky koos ënät nmo'ojëty mëti'ipës të ntukwinwanën.

Proverbios 18:8

Yë pi'tskäjpxy jëtu'un yë'ë tä jë'kxy pëkyën pa'akpë ets ka'ap jyotkëtä'äky; e ko yajmëtoow'ity, jëtu'un yajmëtoy tim atëjk tim jotëjkëp yowë.

Proverbios 5:22

Yë ëxëëk ja'ay kë'ëm nyäyajtu'u'ëtukyë ko tii tkäjpxy tmëtyä'äky wiinkjaty. Yë poky mëti'ipë tyuunpyën, yë'ë nätyuktsuum nätyukmajtsëp.

Proverbios 14:3

Ma tsuuja'ay tii tkäjpxyën jam yajmëtoy ko nyämyëjjawëty; e ma tii tkäjpxyën yë wijyä'äy jam yajmëtoy wi'ix nyäkyuwa'anyën.

Proverbios 16:22

Mëti'ipë ja'ay oy tsuj määpy tajpën, oyëty ja jot winma'any tyäky, e mëti'ipë ja ja'ay tsuujën, ¿tii winma'any oy y'ëkyakëp ma ja myëtsuutëjkën?