Proverbios 18:2 - Biblia Mixe de Quetzaltepec

² Yë ja'ay winma'anytyukpë ka'ap tmëmay tmëtajy tii tjatëty; yi'iyë nätyukmëjja'awëyëp ko yiin wään tii tnijawë.

Biblia Dc en Mixe de Quetzaltepec

² Yë ja'ay winma'anytyukpë ka'ap tmëmay tmëtajy tii tjatëty; yi'iyë nätyukmëjja'awëyëp ko yiin wään tii tnijawë.

Proverbios 18:2 ပူးပေါင်းရင်းမြစ်များ

Proverbios 1:7

Yë wijyajtën yë'ë mëët tsyo'ontä'äky ko nwinkutsë'këmëty yë Tios. Yë tsuuja'aytyëjk ka'ap tuntë këwentë yë wijyajtën ets nätyu'uwinwow nätyu'uwinwitsë.

Proverbios 12:23

Yë ixpëkyjyä'äy ka'ap janty jëtu'un tnikäjpxy tnimëtyä'äky ko tii tjaty tnijawë, e yë tsuuja'ay nimay yë ja'ay tuk'ixy ko tii tuny nitsuu nipoj.

Proverbios 17:16

Yë tsuuja'ay, oy jënu'un yë wit meeny tjamëëtëty ets tjajuya'anëty yë wijyajtën, ka'ap tjëkyepy jä'ä ko ka'ap jyä'äkyukë.

Proverbios 13:16

Ja'ay mëti'ipë wijyën aak winma'anymyëët winë tuny, e ja'ay mëti'ipë tsuujën, tyimyajnikëxë'kojpy ënätyë ko tsyuujëty.

1 Corintios 8:1

Tyamës nnikajpxa'any wi'ix yajtunëtyën ja kääky uuky mëti'ipë ënäty të yajtukwintsë'ëkën ja awinax. Tëy ja ayuk y'ënä'äny: Ko ëëtsajtëm aak nnija'awëm winë. Je'eyëp ko tii yajjaty yajnijawë, amëj akëjxm ja ja'ay tyaj'awinpity; e ja tsojkën ja'awën yajmëjnajxyp ja naax kajpn.

Eclesiastés 10:3

Yë tsuuja'aytyëjk, ko tii tuntë, ënätyë yaj'ixy ko ka'ap wyijy'atë, oy jya'ëna'any ko wiink ja'ay ka'ap wyijyëty.

Filipenses 1:15

Tëy ko tää ja'ay mëti'ipë Kristë y'aaw y'ayuk tsipkyëjxm äkëkyëjxm kyajpxwa'kxtëpën ets näyjyëtu'un mëti'ipë oyjyot oywyinma'any mëët nyikajpxtëpën.

1 Corintios 14:12

Paaty, ko miitsëty yë'ë mtsojkën'ajtëp ja tuunk mëti'ipë ja Kënu'kxymyëkajtën yäjkpyën, yë'ë mëmay mëët'ajtëp mëti'ipë mtukputëkëtëpën ja mëpëjkpëtëjkëty ets ja myëpëjkën wyimpätëty.

Mateo 8:34

Tääts ja ja'ay jam ni'ëmukë tsyo'ontaaytyë kajpnjotm ets ojts nyëjkxtë ma ja Jesúsën ets ko jëtu'un t'ijxtë, ënät ja Jesús tmëpëjktsoowtë ets pyëtsëmëty jam y'itjotmëty.

Proverbios 1:22

Miitsëty ëna'ktëjkëty mëti'ipë ka'ap oy tii xyjyatën xynyijawëtën, je'eyëpë mnëxi'iktën mtukxi'iktën ko mtsuu'atë, ¿Jëna'a jëtu'un xy'ëxmatsa'antë ja mtsuu winma'any, ets jëna'a jëtu'un ku'uxyë mnäjyawëja'anëtë ko je'eyë mnëxi'ik mtukxi'iktë, ets ka'ap xytyuntë këwentë ja nija'awën, ets jëna'a jëtu'un ja mjot mwinma'any wyijtëty kyäjtëty?

Proverbios 18:3

Yë tuuntëko'oyën yajtsëyuump yë'ë, mëti'ipë nämyëja'awëyëpën ka'ap pën kyumayë.