Proverbios 17:6 - Biblia Mixe de Quetzaltepec

⁶ Yë mëjja'aytyëjk yë'ë tyukmëjnajxtëp yë y'ok'u'unk y'ok'ëna'k; yë u'unk ëna'k yë'ë tyukmëjnajxtëp tyeety tyaak.

Biblia Dc en Mixe de Quetzaltepec

⁶ Yë mëjja'aytyëjk yë'ë tyukmëjnajxtëp yë y'ok'u'unk y'ok'ëna'k; yë u'unk ëna'k yë'ë tyukmëjnajxtëp tyeety tyaak.

Proverbios 17:6 ပူးပေါင်းရင်းမြစ်များ

Proverbios 16:31

Ko yë mëjja'aytyëjk wyääy yaj'ixtë poop, patëtëp ets yajwinkutsë'ëkëtëty; yë'ë mëti'ipë oy të jyuuky'atën.

Proverbios 13:22

Yë ja'ay mëti'ipë oy määpy tajpën yajwë'ëmëp yë y'ok'u'unk yë kyuma'ayën. Yë pokyjyä'äy nëkoopë tnikoonpety yë wit meeny mëj këjää, ja wit meeny mëti'ipë nyikoonpejtypyën yë'ë wa'ats ja'ay jyä'ä'atäämpy.

1 Reyes 15:4

E mëët ko ja David tja'amyetsy, paaty ojts yajkutuky ets ja kyutujkën ka'ap y'atëkoyëty jam Jerusalén, jëtu'un ja myaank ojty yë'ë kyutëkëty;

1 Reyes 11:12

E mëët yi'iyë ko ja David, mijts xytyeety'äty ets ko yë'ë oy jyuuky'äjty, ka'apës timy janty tyämyë ya'atë ntuna'any ma mjuuky'ätyën; jäänëm tëy ko ënäty ja mmaank yë'ë yajkutujknë.

Génesis 50:23

ojts tjaak'ixy yë Efraín yë y'ok'u'unk y'ok'ëna'k ets näjyëtu'un tjaak'ijxy y'u'unk y'ëna'k yë y'ok'u'unk mëti'ipë xyëëwajtypyën Maquir mëti'ipë ënäty y'u'unk'ajtypyën yë Manasés.

Génesis 48:11

Ënät näjyëtu'un yaj'ënëmaay yë José: Ëjts ka'apës ënäty n'ëk'ënanë jatëkok n'ixëty mijts, e tyam mijts jatëkok n'ixy npaaty ets Tios jëtää näjyëtu'un ënaanp ets m'u'unk m'ëna'k njaak'ixëtyës.

Éxodo 20:12

Mwinkutsë'ëkëp yë mteety mtaak ets jëtu'un jeky mjuuky'atëty yaa naaxwiiny naaxkëjxy, ja juukyajtën mëti'ipë yë mWintsën Tios mmooyëpën.

Malaquías 1:6

Jëtu'un Wintsën mëti'ipë maaytyääyëpën winë t'ënëmaay yë teetytyëjkëty: Yë u'unk ëna'k wyintsë'këtyëp yë tyaak tyeetyëty ets tuunpëtëjkëty wyinkutsë'këtyëp yë wyintsënëty. E ëjts, mijts xytyeety'ajtëpës, ¿tiijës ko xykyawinkutsë'ëkëtë? Pën ëjts miitsëty xyWyintsën'ajtëp, ¿wi'ixës ko xykya mëj ixtë? Miitsëty ni'ikyë xy'ixtijnëtës ets m'ëna'antë: ¿Maaxë mkayajmëj ixy?