Proverbios 17:5 - Biblia Mixe de Quetzaltepec

⁵ Pën nyëxikpy tyukxikpy yë ëyoopëja'ay, yë'ë myëtëkoopy mëti'ipë winë yajkojën; mëti'ipë tyukxoontäkpyën ko tyuuntëkoy ka'ap jëtu'unyë nyinaxa'any, koonëm tkumëtowëty.

Biblia Dc en Mixe de Quetzaltepec

⁵ Pën nyëxikpy tyukxikpy yë ëyoopëja'ay, yë'ë myëtëkoopy mëti'ipë winë yajkojën; mëti'ipë tyukxoontäkpyën ko tyuuntëkoy ka'ap jëtu'unyë nyinaxa'any, koonëm tkumëtowëty.

Proverbios 17:5 ပူးပေါင်းရင်းမြစ်များ

Proverbios 14:31

Ja'ay mëti'ipë wyojpy kyä'tsypyën yë ëyoopëja'ay, Tios myëtëkoopy mëti'ipë të yajkojyën; e mëti'ipë pya'ëyoopyën yë ëyoopëja'ay, yajmëjnajxëp yë Tios.

1 Juan 3:17

Ko pën jam tii tmëëtëty winë ets ka'ap tmo'oy ja myëku'uk, oy tjatim'ixy ko ja myëku'uk tii tyajm'ëmaatyä'äky, ¿wi'ix y'ëna'ana'any ko ja Tios tsoky?

Proverbios 16:5

Yë Tios ka'ap t'oy'ixy yë ja'ay mëti'ipë amëj akëjxm ja'ay'ajtpën; wäänë y'ita'any ets yajtëytyunëty.

Job 31:29

Ka'apës nijëna'a yë nmëtsip të ntukxoontä'äky ko ëxëëk të jyäty të kyëpety ets oy tii ëyo'on jeexyë të nyimiinëtë.

Proverbios 14:21

Mëti'ipë ja'ay ka'ap yë jyiiky myëku'uk tunyën këwentë, poky tyuunpy; e jotkujk ja'ay yajpaaty mëti'ipë pya'ëyoopyën yë ëyoopëja'ay.

Romanos 12:15

Mëëtxoonta'aktë mëti'ipë ijtëpën xoontëpën; mëëtjë'ë mëëtya'axtë mëti'ipë jëëytyëp yaxtëpën.

Jeremias 17:16

E ëjts, ka'apës nëkoo mijts nyajjotkëxy ets ëyo'on jotmay tpaatëty ets nkatsojkpyës ëxëëk jyatëty kyëpätëty. Mijts wa'ats xynyijawë wi'ixës të n'ëna'anyën jä'ä ko mijts mwintuuy nkajpxpëtsëëmyës.

Salmos 69:9

Mëët yë'ë koos niku'ëwa'an'aty yë mtsajptëjk, wiinkës nnäjyawëty ko pën ëxëëkjaty tnikäjpxy tnimëtyä'äky, janty ëjtsës ntimjya'ap xytyimpatp ko pën ëxaty y'ënä'äny.

Abdías 1:16

Nëkooyë tya'am'ajnë ja uuky mëti'ipë japën a'ukënjoty, mëti'ipë m'uktën maas ja nkënu'kxykyopkën, jëtu'un tya'am'ata'any ja uuky mëti'ipë y'uukantëpën mëto'kx mëto'kxnë ja naax kajpn ets kyutëkooytya'aja'antë.

Ezequiel 25:3

Xy'ënëëmëty ko wä'än t'amëtoow'itë ja aaw ayuk mëti'ipë Wintsën tuknikäjxëtëpën: Miitsëty ojts xytyukxoonta'aktë ko xy'ijxtë ja ntsajptëjkës o'ktëy jyäty kyëpety, ko xy'ijxtë ja naax kajpn kyutëkooy ets ko ojts ja Judá ja'ayëty yajmënëjkxtë tsumy matsy wiink naax wiink kajpn.

Abdías 1:10

Wintsëtyu'un jëjptsëtyu'un nëjkx mwë'ëmy ets xëmëkyëjxm nëjkx mkutëkoy ko ëxëëk të xytyuny ets të xyaj'ooky ja mëkä'äx Jacob.