Proverbios 16:7 - Biblia Mixe de Quetzaltepec

⁷ Ko Tios t'oy'ixy ko yë ja'ay oypyëtsëëmp yë tyu'unën kyajpxën, yë'ëpaat yë myëtsip mëët nyämyë'oypyikyë.

Biblia Dc en Mixe de Quetzaltepec

⁷ Ko Dios t'oy'ixy ko yë ja'ay oypyëtsëëmp yë tyu'unën kyajpxën, yë'ëpaat yë myëtsip mëët nyämyë'oypyikyë.

Proverbios 16:7 ပူးပေါင်းရင်းမြစ်များ

Romanos 8:31

¿Tii ënät njaaktimkyajpxmëp? Pën Tios mëët ëëtsajtëm, ni pën xykyamëmëtakmëty.

1 Juan 3:22

ets yë'ë xymyo'oja'anëm winë tii ënäty n'amëto'ow npëjktso'owëmën, jä'ä ko npatu'unëm ënäty ja y'ënä'ämën ijxtëm tsokyën.

Colosenses 1:10

Yë'ë miits ntukni'amëto'owëtëp ets mjuuky'attëty ijxtëm pyaat'atyën mëti'ipë myëpëjktëpën ja Wintsën; yë'ë mtuntëp mëti'ipë yë'ë tyukjotkëtäkpyën, mëti'ipë oy tsuj winpëtsëëmpën ets ja Tios oy xynyijawëtëty.

2 Crónicas 17:10

E tyamts ja wiinkëtypë ja kutujkën mëti'ipë myëwinkon'ajtëpën ja Judá kajpn tsyë'këtyëp ja Wintsën, paaty ka'ap nëkoo tmëmayëtë ja Josafat.

Hebreos 13:21

wa'an mmo'ojëtë ja wa'atsajtën ets tu'kë'ëyë mëti'ipë oyën ets xytyuntëty mëti'ipë tsyojkpyën mëët ja Jesukristë ja xyëëw. Yë'ë mëj'ajtën jaanty'ajtën jyä'ä'atëp xëmëkyëjxm. Oy jyëtu'un'atëty.

Jeremias 15:11

Atëwaanp maas të xypyoktën, pën ka'ap oy të nmëtuny ets pën ka'apës të nijëëytyä'äky të ninu'kxtä'äky yë nmëtsipës ma ënäty ëxëëk jyatën kyëpätën.

Génesis 33:4

Tä ja Esaú tnipëyë'ktso'ony ets ojts tninëjkxy ja y'uty Jacob ets tyo'kmënäänajxy, tä ojts tsu'kxy, tä tyëjkëtyë nimäjtsk yaxpë.

Génesis 32:28

Tää ja naaxwiinyëtë ja'ay y'ënëmaayë: Ka'ap tyam mijts xy'ëkxëëwajtnëty Jacob, Jä'ä mxëëwajtnëty Israel. Jä'ä ko mijts Tios tyam mëët të mtsiptuny ets mëët tu'kë'ëyë yë naaxwiinyëtë ja'ay ets tëë xymyëmëtä'äky.

Colosenses 3:20

U'unk ëna'këty, mëmëtowtë ja mtaak mteetyëty ko tii mtuk'ënä'ämëtëty, jëtu'un ja Wintsën tsoky.

Filipenses 4:18

Tëës may winë n'ëxajë ets njaaktimmyëët'ajtypës ja natëkë, jä'ä ko nmëët'ajtypyës mëti'ipë ja Epafrodito ojts xytyukmëkäxëtën. Jëtu'un ya'atë putëjkën ijxtëm ja pa'akxu'kpën mëti'ipë yajyojxpën ets yajtukwintsë'këpën ja Tios ets tukjotkëta'akëty.

Salmos 69:31

yë Wintsën wäänëni'ik yë jëtu'unpë oy tjawëja'any, këtiinëm tääjës jeexyë yë tsajpkaayä'äy ntukwintsë'ëkën ëkë ni'kx mëti'ipë wajmëëtën ets tekyxyookymyëëtën.

Génesis 27:41

Jä'ä xëëw jä'ä jëmëjt yë Esaú ojts tmëtsiptso'onë ja Jacob, ko ënäty të pyëjkëty ja näkyënu'kxë, mëti'ipë yë'ë patëpën ma tyeetyën. Ënäty ja Esaú ojts myäy tyäjy: Tim wäänë jëtu'un täätsës nmëët'atëty yë monyëtukyë mëët yë nteetyës, ko wiinkoonëp ma y'o'knëtyën. Ko ja jëtu'unpë kyëxëty nyaxëty, taats nyaj'ookëty yë n'uty Jacob.

1 Pedro 3:13

¿Pën m'ëk'ëxëëktunanëtëp pën oypyë xëmë mtuuntëp?

Éxodo 3:21

Ëjts näjyëtu'un nyajkutukäämpyës ets Israel ja'ayëty oy yajawëtëty ma Egiptë ja'ayëtyën ets ko ënäty jap tsyo'onëtë, ka'ap nëjkx jëtu'unyë nyajts'ixëtë, nëjkxëp winë y'ëkmaymyooyënëtë.

Proverbios 3:17

Ko yë'ë mpanëjkxmëty janty'oy wyimpëtsëmy jyëjpëtsëmy. Ets ko jam njuuky'ajtmëty ma jëtu'unpë ja në'ë aaw tu'u'aawën janty akujk jotkujk nyajpatmëty.

Proverbios 16:8

Jaakni'ik tsyowpaaty ko winë nayiin nawään npatmëty n'ijxmëty mëët ja oypyë ja tu'unën kajpxën, ets këtiinëm ko may'äämpy winë npatmëty mëët ja ëxëëkpë ja tu'unën kajpxën.

Jeremias 39:12

Mijts ntuknipëjkpy ets xykyëwent'atëty yë Jeremías, këtii nëkoo ëxaty xytyunëty xy'ënëëmëty, ni'ikyë xymyo'ojëty tii mtimy'amëtoowëpën.

Jeremias 42:12

Ëjts miitsëty npa'ëyowantëp ets ntuktëkëjäämpyës tääpë yajkutujkpë ets mpa'ëyowëtëty ets t'ëwa'atsëty ja mnë'ë mtu'ujëty ets mwinpitëty jatëkok ma mnaax nkajpnëtyën.

Daniel 1:9

Tios ojts tyuny paaty ja wintsën mëti'ipë jam tuunpën ma ja kutujkëntëjkën oy ojts tja'akyukë tä ja Daniel y'ënëmaayën,

2 Crónicas 20:30

Jëtu'un'äämpy ja Josafat ojts akujk jotkujk tyuny kyäjpxy ma ojts y'ëne'emyën, jä'ä ko ja Wintsën tëë ënäty myo'ojëtë ja akujkajtën jotkujk'ajtën mëët ja naax kajpn mëti'ipë mëët nyäpyaatëtën.

Esdras 8:36

Ok ojts ja kutuunktëjkëty yajtuknijawëtë wi'ix ënäty ja yajkutujkpë ja ënä'ämën të tyäkyën, ma ja kutuunktëjkëtyën mëti'ipë jam yajpatëpën ma ja Éufrates y'itjotmën, mëti'ipë ojts pyutëkëtën ko ja naax kajpn tkoj'o'oyëtë ja tsajptëjk.