Proverbios 16:3 - Biblia Mixe de Quetzaltepec

³ Tëkokyë mëti'ipë mtuunpyën, yë'ë Tios tukë'ëtëjkëtya'a ets oy wyimpëtsëm jyëjpëtsëmëty mëti'ipë mmääpy mtäjpyën.

Biblia Dc en Mixe de Quetzaltepec

³ Tëkokyë mëti'ipë mtuunpyën, yë'ë Dios tukë'ëtëjkëtya'a ets oy wyimpëtsëm jyëjpëtsëmëty mëti'ipë mmääpy mtäjpyën.

Proverbios 16:3 ပူးပေါင်းရင်းမြစ်များ

Proverbios 3:6

Tios yë'ë mtimjyotnakon'atëp oy tii xytyimtunëty, ets yë'ë myajnëjkxëtëp ma ja tu'ujën mëtëypyë.

Salmos 55:22

Pëjkta'ak tëkokyë yë mma'ayën mtajën ma Wintsënën, yë'ë xëmë myaj'itanëp amëk jotmëk; yë'ë ka'ap tmajtstu'uty yë ja'ay mëti'ipë mëmëtoowëpën ets ëxëëk jyatëty.

Filipenses 4:6

Këtii tii je'eyë xymyëmon xymyëtuktëty, yë'ë Tios tukë'ëtëkëtë tii jam mjotmay'ajtëp, amëtowtë pëjktsowtë ets kukajpxën näjyëtu'un.

1 Pedro 5:7

Tukë'ëtëkëtë ja Tios ja m'amay mjotmayëty, jä'ä ko yë'ë miits m'ijx'ijtëtëp mkëwent'ajtëtëp.

Job 5:8

Kooxyëp jeexyë ëjts jëtu'un n'ëkjaty, yë'ëjës jeexyë Tios ntukë'ëtëjkëp yë n'ëyo'on njotmayës;

Job 22:28

Aak oy winë mwinpëtsë'ëm mjëjp pëtsë'ëmxëtëty ets kutë'kxy kuno'okpyën nëjkx mjuuky'äty.

Lucas 12:22

Tääts ja Jesús t'ënëmaay ja y'ijxpëjkpëtëjk: Jä'äkyëjxmës jëtu'un n'ëna'any këtiipë xymyëmay xymyëtajtëty tii mtukjuuky'atëp, tii mkaytyëp m'uuktëp ets tii mwit'at mxox'atëp.