Proverbios 16:1 - Biblia Mixe de Quetzaltepec

¹ Yë ja'ay myëmääpy myëtäjpy ko tii tuknipëjktaakë, e ko winë wyintu'upëjknë, yë'ë Tios yajwintu'upëjkpy.

Biblia Dc en Mixe de Quetzaltepec

¹ Yë ja'ay myëmääpy myëtäjpy ko tii tuknipëjktaakë, e ko winë wyintu'upëjknë, yë'ë Dios yajwintu'upëjkpy.

Proverbios 16:1 ပူးပေါင်းရင်းမြစ်များ

Proverbios 19:21

Yë ja'ay kanaakpëky winë tnimay tnitajë, e yi'iyë tyuunpy mëti'ipë Tios të tyajkutukyën.

Proverbios 16:9

Yë naaxwiinyëtë ja'ay yë'ë jëtu'un patëp winë tuknipëjktaakëty, e ma winë tyu'uwitsanën, yë Tios jää patënëp.

Filipenses 2:13

jä'ä ko Tios jëtu'un të tuknipëjktaakë ma mjot mwinma'anyëtyën ets xytyuntëty mëti'ipë yë'ë tsyojkpyën.

Proverbios 20:24

Yë Tios yë'ë wa'ats nyija'ap wi'ix yë ja'ay tu'uktu'uk nyäxy tyëkë. Nitu'uk yë ja'ay tkanijawë wi'ix yë jyuukyajtën myiny kyëtä'äky.

Jeremias 10:23

Wintsën, ëjts nnija'apës ko yë naaxwiinyëtë ja'ay ka'ap kyë'ëmëty nyäyajjuuky'ätyë ets ka'ap yë'ëjëty t'awitsy jënu'un jyuuky'ata'any ets wi'ix jyuuky'ata'any.

Proverbios 21:1

Yë jyot wyinma'any yë yajkutujkpë, jëtu'un tyu'uye'ey tä tu'uk yë mëjnëëjën, jä'ä ko Wintsën kë'ëm yajtu'uye'epy ijxtëm tsokyën.

Salmos 119:36

Mijts myajkutukëp etsës yë njot nwinma'any tsojkën'atëty yë m'ënä'ämën mtëyajtën ets këtii yë'ë ja wit meeny mëti'ipë ja win'ë'ënën mëët yajpaatyën.

Éxodo 4:15

Kajpx mëtya'ak mëët ets tuk'ëwa'anëtya'a tii kyajpxëpën, ëjts yajpataanpës xëmë mëët yë'ë ets näjyëtu'un mëët mijts, yë'ë mtukni''ixëjanëp tii mëpaat xytyuntën.

Esdras 7:27

Ënät ja Esdras tmëpëjktsooy ja Wintsën ets t'ënëmaay: Kënu'kxy mëjjawë mijts Wintsën teety m'ity mëj këjää, mëët ko të xy'atëk të xytyuktëkë ja yajkutujkpë ets tmëmay tmëtajëty ja mtsajptëjk jampë yajpaatyën Jerusalén,

Salmos 10:17

Wintsën, mijts mëtoow'ijtyp yë ja'ay ko mëkäjpxyë mëti'ipë näypyutëkë yajmëyäjtypyën, ets xyajjotkujktä'äky ets xypyutëkë.

Nehemías 1:11

Paaty mijts Wintsën yam nmënu'kxtä'äky ets xymyëtoow'itëty ya'atë ja jëëytyak nu'kxtakën tyampë ntunyënës maas mijts xytyuunpë'atyën, maas yi'iyë nmëmay nmëtajyën wi'ix ntukxoonta'akëtyën ets wi'ix ntukjotkujk'atëtyën. Tyam näjyëtu'un n'amëtoy npëjktsoy ets xymyo'ojëtyës ja jot winma'any wi'ixës ja yajkutujkpë nyajjotukëtyën ets oy ja winma'any wyimpëtsëm jyëjpëtsëmëty.

2 Crónicas 18:31

Paaty ko ja sirië ja'ayëty t'ijxtë ja Josafat, jëtu'un y'ënantë ko jä'ä ja Israel yajkutujkpë, tä ënätyë tyajnatujktë. Tä Josafat ënätyë tmëpëjktsooy ja Wintsën ets pyutëkëtëty, yë'ë ënätyë jyänty pyutëjkëyë. Ënätyë tyajjëwa'ktaay ja sirië ja'ayëty,

2 Corintios 8:16

Nkukajpxëpës ja Tios ko Tito näjyëtu'un Tios të tyuktëkëty ets miits mmëmay mmëtajëtë ijxtëm ëjts miits të nmëmay të nmëtajtën.

Proverbios 15:33

Ko yë Tios yajmëjpëjktä'äky yë'ë tukpatp wijyajtën; ko ja'ay mëj'äämpy nyaxa'anëty jëyëjp mëpaat yu'unk naxym nyäxy.

2 Samuel 7:5

Nëjkx jam ma David yajpaatyën ets xy'ënëëmëty koos jëtu'un n'ëna'any: Mijts David, ka'ap mijts mpaatyë ets xykyojëty tu'uk ja tëjk maas ëjts n'itëty ntsëënëtyën.

Job 17:11

Poj'am nyäxy ja xëëw jëmëjt ets ja mëti'ipës të nmay të ntajyën, mëti'ipës ënäty të ntsojkën'atyën jëtu'unyë tyëkooytyääynyë.