Proverbios 14:9 - Biblia Mixe de Quetzaltepec

⁹ Yë tsuuja'aytyëjk kë'ëm nyätyukxi'ikëtë ko tii tuuntëkoytyë; e ma oyjyä'äytyëjkëtyën yë'ë myëmaay myëtajtëp wi'ix tii oy tuntëtyën.

Biblia Dc en Mixe de Quetzaltepec

⁹ Yë tsuuja'aytyëjk kë'ëm nyätyukxi'ikëtë ko tii tuuntëkoytyë; e ma oyjyä'äytyëjkëtyën yë'ë myëmaay myëtajtëp wi'ix tii oy tuntëtyën.

Proverbios 14:9 ပူးပေါင်းရင်းမြစ်များ

Proverbios 10:23

Yë tsuuja'ay jotkujk nyäjyawëty ko tii tuuntëkoy; yë wijyjyä'äy jotkujk nyäjyawëty ko tii niwijy tuny.

Proverbios 30:20

Ja to'oxytyëjk mëti'ipë ka'ap twintsë'ëkën ja nyiye'etyëjk, jëtu'un winë tuny: kyäy pyiky je'eyë, tääts y'apujy kyë'ëpujy yajxon ets ënät y'ënä'äny ko ka'ap ma tii tuuntëkoy.

Proverbios 13:15

Ko yë ja'ay niwijy jyuuky'äty, may tpaaty mëti'ipë oyjya'awëyëpën; e yë ja'ay mëti'ipë myëku'uk kyë'ëyäjkpyën ëxëëk jyäty kyëpety, kë'ëm jam nyäyajnëjkxyë, ma xit ko'ow jyatëtyën ja jyuukyajtën.

Judas 1:18

Ko y'ënantë: Ma ja xëëw ënäty kyëxanën, tää'atantëp ja ja'ay mëti'ipë je'eyë ja Tios ja jyä'ä nyëxi'ikan tyukxi'ikantëpën, jëtu'un winë tuna'antë tä ja y'ëxëëk winma'anyëtyën, ijxtëm ënäty kë'ëm timtsyoktën.

Proverbios 12:2

Yë oyjyä'äy, tsojkëp yë Tios, e yë ëxëëk ja'ay pokytyum yajpëjktä'äky.

Proverbios 8:35

Jä'ä koos ëjts pën xypyääty, jëtu'un tä pën tpaatyën yë juukyajtën, ets Tios janty'oy jyawëty;

Proverbios 3:4

jëtu'unts mtukxoonta'akëtëty ets m'oyjyawëtëty yë Tios ets naaxwiinyëtë ja'ay.

Proverbios 1:22

Miitsëty ëna'ktëjkëty mëti'ipë ka'ap oy tii xyjyatën xynyijawëtën, je'eyëpë mnëxi'iktën mtukxi'iktën ko mtsuu'atë, ¿Jëna'a jëtu'un xy'ëxmatsa'antë ja mtsuu winma'any, ets jëna'a jëtu'un ku'uxyë mnäjyawëja'anëtë ko je'eyë mnëxi'ik mtukxi'iktë, ets ka'ap xytyuntë këwentë ja nija'awën, ets jëna'a jëtu'un ja mjot mwinma'any wyijtëty kyäjtëty?

Job 15:16

ni'ik yë ja'ay, mëti'ipë pokytyum xëmë yajpatpën ets aakjä'ä xëmë y'ijxyp tyuunpy ka'apë y'oyëtyën, mëti'ipë pokytyuunpën tä jeexyë nëë t'uukyën.

Levitico 5:7

Pën kajts ja ja'ay nëkooyë ja wit meeny tmëëtëty, mëti'ipë tyukjuyëpën ja tsajppax ëkë kupixyny. Jyëkyäpëp yë'ë tyakëty Wintsën wintum mäjtsk yë muuxy ëkë yë kuuk mëti'ipë kyunaxëpën ja pyoky. Tu'uk mëti'ipë wintsë'kën'atëpën mëëtkyëjxm ja poky ets tu'uk mëti'ipë yajnino'okëpën.

Proverbios 3:34

Yë Tios nyëxikpy tyukxikpy yë ja'ay mëti'ipë je'eyë nëxik tukxiktëpën, e mëti'ipë yu'unk naxym juukyajtpën janty'oy tsoky tjawë.

Proverbios 11:20

Tios y'ëxëëk'ijxyp yë ja'ay mëti'ipë ëxëëk jot winma'anymyëët'ajtypyën; e mëti'ipë oy winë tyuun kyajpxtëpën janty'oy tsoky tjawë.