Proverbios 13:7 - Biblia Mixe de Quetzaltepec

⁷ Tää yë ja'ayëty ka'apë tii tmëët'atën ets jä'ä nyäyajnaxëtë kuwit kumeeny. Tää yë ja'ayëty mëti'ipë myëët'ajtëpën winë ets jä'ä nyäyajnaxëtë mëk ëyoowtë ja'ay.

Biblia Dc en Mixe de Quetzaltepec

⁷ Tää yë ja'ayëty ka'apë tii tmëët'atën ets jä'ä nyäyajnaxëtë kuwit kumeeny. Tää yë ja'ayëty mëti'ipë myëët'ajtëpën winë ets jä'ä nyäyajnaxëtë mëk ëyoowtë ja'ay.

Proverbios 13:7 ပူးပေါင်းရင်းမြစ်များ

Apocalipsis 3:17

Jä'ä ko mijts m'ëna'any ko mkumeenyëty, ko akujk jotkujk mjuuky'äty ets ko ka'ap nitii xyaj'ëmaaytyä'äky; ka'ap kë'ëm mnäy'ixyë ko mijts o'ktëy myajpaaty, m'ëyoop, myajmëyäjtyp winë ets mniwa'ats m'ëxwa'ats.

Proverbios 12:9

Oypyëtsëëmp ko ja'ay ku'uxyë pën yajkayë, oy pën kyamëjpëjktä'äkyë; këtii ko ja'ay janty mëj nyäxy ets ka'ap oy kyäy y'uuky.

Proverbios 11:24

Tää ja'ay mëti'ipë ka'ap tii tpa'ëyoyën ko tii tyäky, ko tii tpaaty mëj këjää t'ëxajë; näy tää ja'ay mëti'ipë wintukën, ko wyintukëty ni'ikyë y'ëyoowtëkë.

2 Corintios 6:10

Jëtu'unës nyaj'ixtë maaytyëp tajtëpës yowë, je'eyëp ko jotkujkës n'itë; ëyoowtëpës nyaj'ixtë, je'eyëp nyajjotkujktaktëpës may ja ja'ay; jëtu'un kyëxë'ëky ka'apës yowë tii nmëët'atë, e nmëët'ajtaaytyëpës winë.

2 Corintios 4:7

Ijxtëm ja ja'ay ja myeeny tpëjkë'ëkyën naax tu'tsjoty, jëtu'un ya'atë oyajtën nmëët'ajtëmë ma ja ni'kx'ajt nkopk'ajtëmën ets nyikëxë'ëkëty ko jam tsyoony ma Tiosën.

2 Pedro 2:19

Tukwinwa'anëtëp ja oypyë juukyajtën tyamts pokyjotm kë'ëm y'itë, jä'ä ko ëne'emy pawopy tyaj'itë mëti'ipë të tmëmëta'aktën.

Santiago 2:5

Mëku'uktëjkëty, mëtowtë ets ja'akyukëtë ya'atë: Tios tëë twinwitsy ja ja'ay mëti'ipë ëyoowtëpën yaa naaxwiiny ets ni'ik ja mëpëjkën tmëët'atëty ets t'ëxajëtëty ja kuma'ayën mëti'ipë Tios të tukwinwanën ja ja'ay mëti'ipë tsojkëpën;

Lucas 12:21

Jëtu'un jyäty yë ja'ay mëti'ipë winë may nyipëjkpejtypyën, jam ma Tiosën, ëyoopëja'ay jam nyäxy.

Proverbios 13:11

Ko yë wit meeny yaj'atsoky, ni'ikyë yaj'ixy wyäänë. Mëti'ipë ja'ay wyit myeeny nyikoonpejtypyën oy wyäänjatyëty, ni'ikyë tyajmayë.

Apocalipsis 2:9

Nija'apës wi'ix ëxëëk mjaty mkëpetyën ets wi'ix m'ëyoyën ko tii winë xyajmëyäty oy jam winë xyjyamëëtëty. Ets nija'apës wi'ix ëxëëkjaty ja'ay mnimëtyä'äkyën je'eyëp ko tääpë ja'ayëty paaty jëtu'un y'ëtë'ëtstë jä'ä ko ku'oypyë yajmëjnajxtëp.

1 Corintios 4:8

Ko n'ëk'ëna'anmëty aak akujk jotkujk miitsëty, ko aaktam miits xymyëët'ajnëtë mëti'ipë mtsojktëpën, ets jëtu'un mnäyjyawëtë ijxtëm ja yajkutujkpën, ijxtëm ka'ap tii xy'ëkyajmëyajtnëtën ma ëëtsëtyën. Ka'ap jeexyë wyi'ixëty ko jeexyë miits m'ëkjanty yajkutujkpë'atë ets jeexyë ëëts jam nyajpaatë ma mkutujktaknëtyën.

Lucas 12:33

Tooktë tiijaty jam mmëët'ajtëp ets xymyo'otëty yë ëyoopëja'ay; jëtu'un xypaatëty mëti'ipë jam tsajpjotmën, mëti'ipë ka'ap kyixy nyäxyën, ma ka'ap ja mä'tspë tyëkën, ets ka'ap tii waany tyuktëkëty.

Lucas 12:20

Tyam ënäty jëtu'un y'ënä'äny ko ja Tios y'ënëmaayë: Winma'anytyuk, tyam koots ënät m'o'knëty, ets mëti'ipë jap të xypyëjke'ekyën, ¿pën jyä'ä'atëp?

Proverbios 13:8

Yë kumeenyjyä'äy wyit myeeny muum yajpëtsëëmëp. Tu'uk yë ëyoopëja'ay kajëna'a pën kya'ëtsu'uxya'axëtëty.