Proverbios 13:4 - Biblia Mixe de Quetzaltepec

⁴ Yë nuux mëti'ipë jyatsojkën'ajtypyën ka'ap tpaaty. Mëti'ipë ja'ay tuunp ye'epyën, yajxon nyäyajjotkujktä'äkyë.

Biblia Dc en Mixe de Quetzaltepec

⁴ Yë nuux mëti'ipë jyatsojkën'ajtypyën ka'ap tpaaty. Mëti'ipë ja'ay tuunp ye'epyën, yajxon nyäyajjotkujktä'äkyë.

Proverbios 13:4 ပူးပေါင်းရင်းမြစ်များ

Proverbios 12:24

Mëti'ipë ja'ay tuunpën, kopkpëky ko myëta'aka'any, e mëti'ipë nuuxën, yë'ë yajmëmëta'akaanp.

Proverbios 12:11

Mëti'ipë ja'ay yajtuumpyën nyaax kyam, ka'ap tyëkoy'ajtxëty yë jyi'kxy pyiky; e yë ja'ay mëti'ipë tsuujën, yë'ë tyuunk'ajtyp mëti'ipë ka'ap nimaa tuk'oy'atëtyën.

Proverbios 10:4

Ko wäänë tii yajnitunë, wäänë tii yajpaaty; e ko mëj këjää tii yajnitunë, mëj këjää tii yajpaaty.

Proverbios 11:25

Ja'ay mëti'ipë ayajk ako'onëpën, ni'ikyë jyotkujktä'äky; mëti'ipë winë yäjkpyën, näjyëtu'un winë t'ëxajë.

Proverbios 28:25

Mëti'ipë ja'ay je'eyë atsojkpën, tsip ixtääpy je'eyë, e mëti'ipë yë Tios tyuk'ijxpejtypyën, jotkujk jyuuky'ata'any.

Hebreos 6:11

Ntsojktëpës ets miits nitu'ukjaty xyaj'ixëtëty ja mëpëjkënëty mëët ja xoontakën, koonëm ja oyajtën xypyaatëty mëti'ipë mjëjp'ijxtëpën.

Juan 6:27

Ko tii xytyuntëty ka'ap yë'ëkyëjxmëty ko ja kääky uuky xytsyoktë mëti'ipë këjxp najxpën, yë'ë mnituntëp mëti'ipë mmo'ojëtëp ja juukyajtën xëmëkyëjxmëpë. Ya'atë ja kääky uuky yakäämpy ja naaxwiinyëtë ja'ay ja y'U'unk, jä'ä ko yë'ë Tios Teety yë kutujkën të myo'oyë.

Proverbios 8:34

Janty jotkujk yë ja'ay yajpaaty mëti'ipës xymyëtoow'ijtpën, ets winjëpom yajpaaty ijx'ijtp këwent'ajtpë maas yë njëën aaw ntëjk'aawën.

Isaías 58:11

Ëjts mijts xëmë ntu'uwinwowäämpy, je'eyëm nyajkayä'äny nyaj'uuka'any oy ënäty muum të'ëts'itum myajpaaty; ets ja mjot mnini'kx amëk jotmëk yajpaatëty, jëtu'un y'ita'any tä tu'uk pëjykyamën mëti'ipë xëmë xo'kpën, ëkë tä nëëkopkën ma nëë xëmë pyëtsëëmtëyën.

Proverbios 26:13

Mëët ko kyatuna'any yë nuux, je'eyë wyinma'any y'ixta'ay ets y'ënä'äny ko jam tu'ujotm tam yë kaa jyëtity mëti'ipë tsu'utsaanpën.

Salmos 92:14

Oy ënäty tëë jyamëjja'ayënëtë, yë'ëjëty je'eyëm tyëëmpäta'antë ets oy mëk xëmë yajpaata'antë.

Números 23:10

Jëtu'un yë'ëjëty tä naaxwayën. ¿Pën y'ëkmëtyowëp? ¿Pën ëkmayëtëp tnijawëty jënu'un nyimay'atë? Jëtu'unës njatsoky, jeexyë n'ookyës ntëkoyës tä yë'ëjëtyën. Wa'ats, nitii tuuntëko'oyën tkamëët'atë etsës jeexyë jëtu'un nkëxy nnaxy, tä yë'ëjëtyën.

Proverbios 6:6

Mijts nuux, ëk'ix yë nuj, ix wi'ix winë tunyën, ets xyjyatëty wi'ix winë xytyunëtyën.

Proverbios 12:27

Yë jëyujk majtspë mëti'ipë nuuxën, nijëna'a tii tkamatsy; e yë ja'ay mëti'ipë pe'tymyën, pyätyp y'ijxyp mëj këjää ja wit meeny.

Proverbios 13:3

Ko ja'ay y'aaw yyä'än tmajts'ity, kë'ëm nyäkyëwent'atyë. E mëti'ipë tyäty myëtyakpën, kë'ëm nyäyajkujo'opyë.

Proverbios 13:5

Yë wa'ats ja'ay y'ëxëëk'ijxyp yë win'ë'ënën antakën. Yë ëxëëkja'aytyëjk je'eyë nëkoo yajtsëtyuntë ets yaj'ëxëëktëkëtë.

Proverbios 20:4

Ko tnixëëw'aty ma ja'ay yu'uy pyuxyën, yë nuux ka'ap jää tii tuny; e jää ko ja pëjktä'äky pyëtë'ëkanë, jä'ä tja'ixtaaynyë tii tyunëpën ets ka'ap t'ëkpatnë.

Proverbios 21:5

Ko yë ja'ay tii yajxon tuknipëjktaakë, oy wyimpëtsë'ëm jyëjpëtsë'ëmxëty. Ja'ay mëti'ipë janty ajotkumonë tii tyunäämpyën, kë'ëm nyäyajkujo'opyë.

Proverbios 21:25

Yë nuuxpë ja'ay mëpaatëp y'ooky ko tii tjatsojkën'aty, jä'ä ko kyë'ë ka'ap tii tuna'any;

Génesis 26:32

Jä'ä xëëw ojts näjyëtu'un myiintëpë ja Isaac ja tyuunpë, tääts y'ënëmaayëtë ko ënäty tëë ja nëë tajpaatë ma jam tuktajtu'utën.

Josue 7:3

E ko wyimpijnëtë tä t'ënëmaaytyë ja Josué: ka'ap kyopkpëkyëty nyëjkxta'atëty yë ja'ay tsiptuunpë ets Aí kajpn yajnitëkëty. Jyëkyejpy je'eyë nyëjkxtëty mäjtsk mil ëkë tëkëëk mil, këtii ja'ay xykyäjxta'ajëty, jä'ä ko mëti'ipë kyuwantëpën yë kajpn niwäänë jam yajpaatë.

Proverbios 24:30

Tëës jam nnaxy ma nuux ja'ay yë kyamën, ets ma të nyi'ipy të kyojyën yë tsuuja'ay;

Proverbios 24:31

etsës të n'ixy ko jam kyamjotm äpny jam mayjyajtëp, ets ja tsaawääpy tëë kyëtaawtaaynyë.

Cantares 5:3

Tëës yë nwit njäänë; ntuktëkëpës ënät jatëkok. Tëës yë nteky npujnë; ëxëëkëp ënät jatëkok mëët yë naaxway.